လင်းနွေးအိမ် – ကျနော်တို့မှာ အမေတွေများစွာရှိတယ်
(မိုးမခ) ဇန်န၀ါရီ ၂၂၊ ၂၀၁၅
အမေ–ကျနော်တို့မှာ ညီအကိုများစွာရှိတယ်– တဲ့။ ဒီစာသားကိုတွေ့ရင် ကွယ်လွန်သွားပြီဖြစ် တဲ့ အဆိုတော်ခင်ဝမ်းရဲ့ အမေ သီချင်းပဲလို့ ကျနော်တို့ခေတ်လူငယ်တွေသိကြပါတယ်။
အခုကျနော်ပြောချင်တာကတော့၊ ညီ၊ ညီမတို့ရေ အကိုတို့မှာ အမေတွေများစွာရှိတယ် ဆိုတဲ့စကား ပါ။ တခြားကြောင့်တော့မဟုတ်ပါဘူး။ အခုလပိုင်း၊ ရက်ပိုင်းတွေမှာ ပညာရေးဥပဒေကိုကန့်ကွက် သပိတ်မှောက်နေတဲ့ကျောင်းသားတွေကို ရေတိုက်နေတဲ့အမေ၊ မုန့်ကြွေးနေတဲ့အမေ၊ မုန့်ဖိုးပေးနေ တဲ့အမေ၊ ထမင်းကြွေးနေတဲ့အမေ၊ ဆေးပေးနေတဲ့အမေ၊ ဘုရားစာရွတ်ပြီး အန္တရာယ်ကင်းဘေးရှင်း ဆုတောင်း ပေးနေတဲ့အမေ၊ နားစရာပေးပြီးချွေးသိပ်နေတဲ့အမေတွေ ဗမာပြည်တနံတလျားမှာ တွေ့နေရလို့ပါ။
တိုက်တိုက်ဆိုင်ဆိုင်လို့ပဲပြောရမှာပဲ။ ပြီးခဲ့တဲ့ရက်မှာ NLD ကလုပ်ခဲ့တဲ့ ပညာရေး ကွန်ယက်လေးနှစ်ပြည့် ရံပုံငွေဖျော်ဖြေရေးမှာ လူရွှင်တော်ဦးချစ်စရာတို့ ရွတ်ပြသွားတဲ့ ကဗျာဆရာမောင်သင်းပန်ရဲ့ အမေ ဆိုတဲ့ကဗျာတပုဒ်ကလဲ နားထဲကနေမထွက်ပါဘူး။ သူ့ရဲ့ အမေ ကဗျာကတော့
ဒီလိုပါ။
တိုက်ကားကြီးဟီးနေတဲ့ အမေတွေရှိတယ်
ဆိုက္ကားစီးနေတဲ့ အမေတွေရှိတယ်
နန်းရိပ်ထီးရိပ်က အမေတွေရှိတယ်
ထန်းရိပ် မကျည်းရိပ်က အမေတွေရှိတယ်
တိုက်ပွဲဝင်နေတဲ့ အမေတွေရှိတယ်
တိုက်ထဲဝင်နေတဲ့ အမေတွေရှိတယ်
စိန်နဲ့ရွှေနဲ့ အမေတွေရှိတယ်
အိမ်မဲ့ မြေမဲ့ အမေတွေရှိတယ်
ရုန်းကန်နေတဲ့ အမေတွေရှိတယ်
ဗုံးမှန်နေတဲ့ အမေတွေရှိတယ်
အချိုကြိုက်နေတဲ့ အမေတွေရှိတယ်
ငိုရှိုက်နေတဲ့ အမေတွေရှိတယ်။
ဒါက ကဗျာဆရာမောင်သင်းပန်ရဲ့ အမေဆိုတဲ့ကဗျာပါ။
ကဗျာဆရာအောင်ဘညိုကတော့၊ အမေ့ပုံတူဆိုတဲ့ကဗျာမှာ အမေနဲ့မတူ၊ နူမှာမကြောက် မတူမှာပဲ ကြောက်ပါတယ် တဲ့။
ကျနော်လဲ ထောင်ထဲရောက်တုန်းက အမေ ကဗျာတပုဒ်ရေးဖို့ကြိုးစားပါတယ်။ ၁၉၉၂ ခုနှစ် ထောင်ထဲစရောက်ခါစကတည်းက အမေကဗျာတပုဒ်ဘယ်လိုရေးရမလဲဆိုတာ စဉ်းစားရင်း စဉ်းစားရင်း၊ ဆရာအောင်ဘညိုရဲ့ကဗျာလို မတူမှာကြောက်တဲ့အတွက် ၅ နှစ်ကြာတော့မှ မီးပြတိုက်မေမေ ဆိုတဲ့ကဗျာကိုရေးနိုင်ခဲ့ပါတယ်။
အဲဒီကဗျာကို ခေါင်းစဉ်ပေးဖို့ ပထမဆုံးစဉ်းစားတာက ဒုတိယဘုရားသခင် လို့ပေးဖို့စဉ်းစား တာပါ။ ဒါပေမယ့် နိုင်ငံရေးအကျဉ်းသားထဲကပဲ ဦးလေးလိုခင်တဲ့သူတယောက်ကထောက်ပြ တယ်။ ဘုရားကိုမင်းသိလာအောင်လုပ်ပေးတာ မင်းရဲ့အမေပဲတဲ့။ ဒါကြောင့် မင်းအတွက် အမေဆိုတာ ပထမဆုံးဘုရားသခင်ကွတဲ့။ သူပြောတာကျနော်လက်ခံတယ်။ ဟုတ်ပါတယ်။ အမေက ပထမပါ။ ဒါပေမယ့် ဘုရားဆိုတာကလဲရှိပြီးသားဝေါဟာရ ဆိုတော့ ကျနော့်ကဗျာကို နာမည်ပေးဖို့ တော်တော်စဉ်းစားလိုက်ရတယ်။ ဒါပေမယ့် နောက်ဆုံးတော့ ကျနော့်ဘဝနဲ့ပဲ ယှဉ်ပြီးစဉ်းစားဖြစ်ပါတယ်။ အဲတာကတော့ဒီလိုပါ။ ပင်လယ်မှာမီးပြတိုက်ဟာ လေပြင်းမုန်တိုင်း ကျနေလဲ သင်္ဘောတွေကိုလမ်းပြသလို၊ ကျနော့်ဘဝရုန်းကန်လှုပ်ရှားမှုမှာ အမေဟာ မီးပြတိုက် လိုကျနော့်ကို လမ်းပြတယ်။ ကူညီတယ်။ အခက်အခဲတွေကိုကြံ့ကြံ့ခံရင်ဆိုင်ခဲ့ပါတယ်။ ဒါကြောင့် မီးပြတိုက်ဆိုတဲ့ နာမ်နဲ့ မေမေဆိုတဲ့နာမ်ပေါင်းပြီး မီးပြတိုက်မေမေ ဆိုတဲ့ ပေါင်းစပ်နာမ်ကိုပဲ ကျနော့်ကဗျာအတွက် ခေါင်းစဉ်ပေးလိုက်ပါတယ်။ အဲဒါကတော့ ၁၉၉၇ ခုနှစ် အင်းစိန် (သီးသန့်ထောင်) တိုက်နံပါတ် ၂ အခန်းနံပါတ် ၃ မှာပါ။
နောက်တချက်။ ကျနော်ကိုယ်တိုင်ရော၊ ကျနော့်ဘေးနားပတ်ဝန်းကျင်ကိုပါလှည့်ကြည့် လိုက်တော့ ကျနော်တို့ကိုပျော်အောင်လုပ်ပေးတာလဲအမေ၊ ကျနော်တို့တွေအငိုရပ်အောင်ချော့ တာလဲအမေ၊ ကျနော်တို့တွေဆာနေတာကို ဝမ်းဖြည့်ပေးတာလဲအမေ၊ ကျနော်တို့ချမ်းတာကို အနွေးဓါတ်ပေးတာလဲအမေ၊ ကျနော်တို့တွေ ချော်လဲတာကိုထူပေးတာလဲအမေ၊ ကျနော်တို့ကို လူ့ငရဲမှာ အသက်ရှည်အောင်ထောင်ဝင်စာပေးတာလဲအမေတွေပဲဆိုတာတွေ့ရပါတယ်။
အခုလဲ တွေ့နေရ ပြန်ပါပြီ။ အမေတွေ။ ကျောင်းသားတွေကိုခွန်အားပေးနေတဲ့အမေတွေ။
အဲတော့ ညီလေး၊ ညီမလေးတွေကိုပြောချင်တာက-အကိုတို့အတွေ့အကြုံအရ အကိုတို့ဘဝမှာ ဒုက္ခရောက်ခဲ့ချိန်သမျှ အမေတွေကပဲကူခဲ့ကယ်ခဲ့ကြတာဆိုတော့ အမေတွေရှိနေသမျှ အကိုတို့ လျှောက်ချင်တဲ့ခရီးကိုဆက်လျှောက်ခွင့်ရနေဦးမယ်ဆိုတာပါ။
ညီ၊ ညီမတို့ရေ–အကိုတို့မှာ အမေတွေများစွာရှိတယ်။
လင်းနွေးအိမ်
(ဇန်နဝါရီ ၂၁ ရက်၊ ၂၀၁၅)
ကျနော့် မီးပြတိုက်မေမေ ကဗျာကတော့ ဒီမှာပါ။
“မီးပြတိုက်မေမေ”
မုန်တိုင်းကိုမှ
ဝမ်းနဲ့လွယ်ခဲ့ရတဲ့
မေမေပါပဲ။
သန္ဓေသားကတည်းက
ခုချိန်ထိ တရိရိ
ဖွဲမီးလို မွှေနှောက်နေတာတောင်
အမုန်းမဲ့
ပြုံးပြပွေ့ဖက်နေလိုက်တာ
ဒါ….. နေ လ တာရာ စွမ်းအင်ပဲပေါ့။
ကြည့်စမ်းပါဦး
အခမ်းနားဆုံး စိတ်ကူးတွေနဲ့ချယ်သ
ပိုးမွေးသလိုယုယ
ကြွက်သားဖုထ တောင်တန်းကြီးတွေလို
အမြင့်မားဆုံး ရပ်ပြပြီး
မြို့ပြလမ်းမကြီးတွေရဲ့
တလမ်းမောင်း ပေးဆပ်မှုမျိုးနဲ့
စိတ်တချက် မကွက်ပဲ
ဇွဲကောင်းကောင်း သံယောဇဉ်တွယ်နေလိုက်ပုံများ
ကမ္ဘာ့ဆွဲငင်အားတောင်
ပိုးမွှားတကောင်ဖြစ်သွား။
အနစ်နာခံလွန်းခြင်းသာ
အာဟာရပြုခဲ့တဲ့
မေမေပေါ့။
နွယ်ပင်လို
ကြိုးမဲ့ဂစ်တာကိုမှ
အလင်းပေးနွေးမြစေပြီး
ရုန်းကန်ခြင်းဗေဒ
မျဉ်းမတ်သဘောတရားနဲ့
လမ်းလျှောက်နည်း သင်ကြားပေးခဲ့တာ။
ပင်ပန်းခြင်းဒဏ်ရာတွေနဲ့သာ
မှုံနံ့သာချယ်ခဲ့ရတဲ့
မေမေပဲလေ။
သားရဲဘေးကလွတ်ဖို့လည်း
ကျီးကန်းတောင်းမှောက်မျက်လုံးနဲ့
ကာကွယ်ပြီး
ငန်းမြွေမကြီးက
သူ့ဥတွေကို အပျောက်မခံပုံမျိုးနဲ့
တစက္ကန့်တောင် မျက်နှာမလွဲချင်ခဲ့။
သြော် ……
မေတ္တာမိုးစက်တွေ
စွန့်လွှတ်ခြင်းရောင်ခြည်တွေ
ဒုက္ခအမာရွတ်တွေနဲ့သာ
ရင်တွင်းလွှမ်းလျှံနေရ
မီးပြတိုက်မေမေ
ကမ္ဘာမြေအသက်ရှူခြင်းနဲ့အတူ
ဒီလူအတွက်
ထာဝရမေမေအဖြစ်
ရာဇဝင်ရေးခွင့်ပြုပါတော့။ ။
လင်းနွေးအိမ်
(၁၉၉၇ ဇူလိုင်၊ အင်းစိန်သီးသန့်ထောင်ထဲ၌ရေးဖြစ်သည်)
(ဓာတ်ပုံ – ကျော်စွာမြင့် ဖေ့စ်ဘွတ်)