ဖိလစ်ပိုင်
ဇာနီကြီး၊ ဇွန် ၁၃၊ ၂၀၁၄
နိုင်ငံခြားအလုပ်သွားလုပ်ဖူးသူများ ဖိလစ်ပိုင်လူမျိုးမိတ်ဆွေတွေ့ရမည်ဖြစ်သည်။ စင်ကာပူရှိ မြန်မာများက ဖဦးထုပ် ဟု နာမည်ပေးထားကြသည်။ ဦးထုပ်ပုံ ကြောင့် ဖဦးထုပ်ခေါ်ခြင်းမဟုတ်ပါ။ မြန်မာများက မလေးရှားလူမျိုးကို “မ”၊ အင်ဒိုနီးရှားလူမျိုးကို “အ”၊ ကိုးရီးယားလူမျိုးကို “ကကြီး”၊ ဂျပန်လူမျိုးကို “ဂငယ်”၊ ဖိလင်ပိုင်လူမျိုးကို “ဖ” – ဖဦးထုတ် ဟု ခေါ်ခြင်းဖြစ်သည်။ ပညာမတတ်သော ဖိလစ်ပိုင်အမျိုးသမီးများစွာ အိမ်ဖေါ်အဖြစ် ကမ္ဘာအနှံ့အလုပ်လုပ်နေချိန် စင်္ကာပူရောက်မြန်မာအလုပ်သမားများနှင့် ပိုပန်း၊ ချစ်သူဖြစ်ပြီး အိမ်ထောင်ကျ၊ သားသမီးများဖြင့် ဖိလစ်ပိုင်နိုင်ငံသို့ လိုက်နေထိုင်သူ မြန်မာပြည်ဖွားယောင်္ကျားများစွာ ရှိနေလေပြီဖြစ်သည်။ အချို့ ဖိလစ်ပိုင်အမျိုးသမီးများသည် မြန်မာနိုင်ငံသို့ ယောင်္ကျားနှင့်အတူ လိုက်လာနေထိုင်ကြသည်။ ကမ္ဘာပေါ်တွင် တရုပ်ကုလားပြီးလျှင် ဖိလစ်ပိုင်လူမျိုးသည် အများဆုံးနိုင်ငံတကာတွင်အလုပ်လုပ်ကြသည်။
ယခုအခါ မြန်မာပြည်တွင်းရှိ စက်ရုံအလုပ်ရုံများတွင် ဖိလစ်ပိုင်အလုပ်သမားများစွာရောက်လာပြီဖြစ်သည်။ လှိုင်သာယာစက်မှုဇုံတွင် အိမ်ငှားနေထိုင်သူ၊ ဖိလစ်ပိုင်အလုပ်သမားများစွာ စနေ၊တနင်္ဂနွေတွင် အပြင်ထွက်လည်ပတ်နေသည်ကို မြင်ရသည်။ မကြာမီ မြန်မာတစ်နိုင်ငံလုံးတွင် ဖိလစ်ပိုင်အလုပ်သမားများစွာ ရောက်ရှိတော့မည်ဖြစ်သည်။
နိုင်ငံတကာတွင် အလုပ်လုပ်နေသူ ဖိလစ်ပိုင်လူမျိုး စုစုပေါင်း ၁၀.၄ သန်းမှ ၁၃.၅သန်းအထိ ရှိပြီး၊ နိုင်ငံလူဦးရေ သန်း၉၀ကျော်၏ ၇% ရှိသော လုပ်သားထုကြီးဖြစ်သည်။ သူတို့ပြန်ပို့သော ငွေကြေး ကန်ဒေါ်လာ ၂၁ ဘီလျံ (၂၀၁၁) ရှိသဖြင့် တမျိုးသားလုံးထုတ်ကုန်တန်ဘိုး GDP ၏ ၁၃.၅% အထိပင်ရှိလေသည်။ နိုင်ငံအတွက် အကြီးမားဆုံးဝန်ငွေရှာပေးနေသော ဖိလစ်ပိုင်အလုပ်သမားများကို OFW Overseas Filipino Workers ဟုခေါ်ကြသည်။ ဝီကီတွင် ဖတ်ကြည့်ပါက ဖိလစ်ပိုင်လူမျိုးအများဆုံးအလုပ်လုပ်သော နိုင်ငံများမှာ
– အမေရိကန်နိုင်ငံ ၃၄၉၄၂၈၁ (၃.၄၉သန်း)
– ဆော်ဒီအာရေဗျ ၁၂၆၇၆၅၈ (၁.၂၆ သန်း)
– ယူအေအီး ၉၃၁၅၆၂
– ကနေဒါ ၈၅၂၄၀၁
– မလေးရှား ၆၈၆၅၄၇
– သြစတြေးလျား ၃၉၁၇၀၅
– ဂျပန် ၂၄၃၁၃၆
– အင်္ဂလန် ၂၁၈၇၇၇
– ကူဝိတ် ၂၁၃၆၃၈
– ကာတာ ၂၀၀၀၁၆
– ဟောင်ကောင် ၁၉၅၁၂၈
– စင်ကာပူ ၁၈၄၄၉၈
– အီတလီ ၁၇၂၁၄၈ ….တို့ဖြစ်သည်။
ဖိလစ်ပိုင်အလုပ်သမားများမှာ ဥရောပ၊ အာရပ်၊ တောင်အမေရိက တိုးတက်သည့်နိုင်ငံအားလုံးနီးပါးနှင့်၊ စီးပွားကောင်းသည့်နေရာများတို့တွင် တွေ့နိုင်ပါသည်။
ဖိလစ်ပိုင်လူမျိုးများစွာတို့သည် ပြည်တွင်းမှပညာသင်ကြား၊ အရွယ်ရောက်လျှင် ပြည်ပထွက်အလုပ်လုပ်သည်မှာ ရိုးရာထုံးစံပင် ဖြစ်နေသည်။ ပြည်တွင်းတွင် အလုပ်ကိုင်ရှားပါးသည့်အပြင် လုပ်အားခမှာလည်း နိုင်ငံခြားထက်စာလျှင် အလွန်နည်းပါးသဖြင့် ပြည်ပထွက်အလုပ်လုပ်ကြသည်။ အလုပ်အကိုင်ရှာဖွေရေး အေဂျင်စီများမှတဆင့် ပြည်ပအလုပ်အကိုင် အလွယ်တကူ၊ ရှာဖွေနိုင်ပြီး၊ အေးဂျင့်ခ ပေးစရာပင်မလိုပေ။ ဖိလစ်ပိုင်အေးဂျင့်အားလုံးနီးပါးသည် အလုပ်ရှင်ထံမှ အေးဂျင့်ခတောင်းယူကြသည်။ အရည်ချင်းနည်းပါးသူများသာ အေးဂျင့်များက အလုပ်ရှာဖွေခ တောင်းကြသည်။ အများအားဖြင့် အလုပ်သမားက ပေးစရာမလိုချေ။
အစိုးရကိုယ်တိုင်က အလုပ်ကိုင်များကို ရှာဖွေပေးခြင်းများရှိသည်။ နှစ်စဉ်နှစ်တိုင်း လူဦးရေတစ်သန်းကျော် ပြည်ပအလုပ်ကိုင်သစ်များဖြင့် ထွက်ခွာကြသည်။
အလုပ်ကိုင်များမှာ ဆရာဝန်၊ ဖီစီယိုဆေးဝန်ထမ်း၊ သူနာပြု၊ စာရင်းကိုင်၊ ကွန်ပြူတာပညာရှင်၊ အင်ဂျင်နီယာ၊ ဖြေဖျော်ရေးတေးဂီတ၊ တက်ကနီရှင်၊ ကျောင်းဆရာ၊ စစ်မှုထမ်း၊ သင်္ဘောသား၊ သင်္ဘောအရာရှိ၊ စားသောက်ဆိုင်အလုပ်သမား စသည်တို့ဖြစ်ပြီး၊ အိမ်ဖေါ်လုပ်ငန်း၊ ကျန်းမာရေးအကူလုပ်ငန်းများအတွက် ဖိလစ်ပိုင်အမျိုးသမီး အမြောက်အများ ပြည်ပထွက်အလုပ်လုပ်ကိုင်ကြသည်။ အလုပ်လုပ်ရင်း ထိုနိုင်ငံများ၏ အမြဲနေထိုင်ခွင့်များရရှိကာ မိသားစုများပါ ခေါ်ယူ၊ ကျောင်းထားကြသည်။ ထိုနိုင်ငံသားအဖြစ် ခံယူရနိုင်ပါက နိုင်ငံသားခံယူလိုက်ကြသည်။ ထိုနည်းဖြင့် အမေရိကန်နိုင်ငံသား၊ ဥရောပနိုင်ငံသား ဖိလစ်ပိုင်လူမျိုးများစွာ ရှိနေပြီဖြစ်သည်။
ယခုဆောင်ပါးမှာ ဖိလစ်ပိုင်နိုင်ငံသားများ
– ဘာကြောင့် ပြည်ပထွက်အလုပ်လုပ်ရသနည်း။
– ပြည်ပထွက်အလုပ်လုပ်ခြင်း၏ အကျိုးနှင့်အဆိုး
တို့ကိုလေ့လာရန်ဖြစ်သည်။
ဘာကြောင့် ပြည်ပထွက်အလုပ်လုပ်ရသနည်း မေးခွန်း၏၊ အဖြေမှာ ရှင်းနေပါသည်။ လစာ၊ ဝင်ငွေပိုပြီးရသောကြောင့် ဖြစ်သည်။ ပြည်ပအလုပ်သွားလုပ်ပြီး ငွေစုပြန်လာပါက ဖိလစ်ပိုင်နိုင်ငံတွင်း ပြန်လည်ရင်းနှီးလုပ်ကိုင်ရန် အင်မတန်မလွယ်သောကြောင့်၊ အလုပ်သမားများမှာ ပြည်ပသွားလိုက်၊ ငွေစုပြန်လာလိုက်၊ ငွေကုန်သွားလျှင် ပြည်ပထွက်အလုပ်လုပ်လိုက် ..အသက်ကြီး၊ အနားယူချိန်ရောက်မှ မိမိနိုင်ငံသို့ အပြီးအငြိမ်းစားယူ၊ ဦးခေါင်းချသေဆုံးကြသော အစဉ်အလာဖြစ်နေသည်မှာ နှစ်ပေါင်းတစ်ရာခန့်ရှိပြီဖြစ်သည်။ အကျိုးကျေးဇူးမှာ ပြည်တွင်းကျန်နေရစ်သော ဇနီး၊ သားသမီး၊ မိဘများကို မှန်မှန်ထောက်ပံ့ပေးနိုင်သည်။ ပြည်တွင်းတွင် နေစရိတ်၊ စားစရိတ် ဈေးချိုသဖြင့် သာမန်လူတန်းစားအဖို့ စားဝတ်နေရေး အဆင်ပြေပေသည်။ သို့သော် လျှပ်စစ်ပစ္စည်၊ ဇိမ်ခံပစ္စည်း၊ မောတော်ကား စသည်တို့မှာ အင်မတန်ဈေးကြီးပါသည်။ လူကုန်ထံပစ္စည်းများမှာ ပြည်ပသွားအလုပ်လုပ်သူများသာ ဝယ်နိုင်သည်။
ဖိလစ်ပိုင်တွင်ခရိုနီလူတန်းစားမှာ အလွန်ချမ်းသာပါသည်။ ဆိုးကြိုးကို ဆက်ရေးပါမည်။
ကမ္ဘာပထမဆုံးပတ်သူ စပိန်နိုင်ငံသား မာဂျယ်လန်ဆိုသူ ၁၅၂၁တွင် ဖိလစ်ပိုင်ကျွန်စုကိုရောက်ရှိပြီး စပိန်ကိုလိုနီအဖြစ် သိမ်းယူခဲ့သည်။ မူလက နတ်ကိုးကွယ်သူ၊ ဘာသာစုံ၊ လူမျိုးစုများစွာနေထိုင်ကြသည်။ စပိန်ကိုလိုနီလက်ထက်တွင် နှစ်ပေါင်း၃၀၀ကြာခဲ့သည်။ ဖိလစ်ပိုင်အားလုံး ခရစ်ယန်(ရိုမင်ကာသိုလစ်)များ ဖြစ်လာကြသည်။ စပိန်ကိုလိုနီစနစ်မှ ၁၉ရာစုတွင် အမေရိကန်နိုင်ငံက သိမ်းပိုက်ကာ အမေရိကန်ကိုလိုနီဖြစ်ခဲ့ပြီး ဒုတိယကမ္ဘာစစ်အတွင်းက ဂျပန်သိမ်းပိုက်ခံခဲ့ရသည်။ ကမ္ဘာစစ်အပြီး အမေရိကန်က လွတ်လပ်ရေးပေးခဲ့သည်။ အစိုးရအဖွဲ့၏ အကျင့်ပျက်၊ ခြစားမှုများစွာခံခဲ့ပြီး၊ သမ္မတဖာဒီနန်မားကို့စ် အနှစ်၂၀အုပ်ချုပ်သည့်ကာလမှာ အဆိုးဝါးဆုံးဖြစ်ခဲ့သည်။ ၁၉၈၆ ပြည်သူ့တော်လှန်ရေးဖြစ်ပြီးနောက် သမ္မတအာကွီနိုတက်လာခဲ့သည်။ နောက် သမ္မတအဆင့်ဆင့် ပြောင်းခဲ့သော်လည်း၊ သမ္မတအာကွီနိုမှအပ အားလုံးနီးပါး ခြစားမှုများဖြင့် ရှုပ်ထွေးနေသည်။ လာဘ်စားမှု၊ နိုင်ငံတော်ငွေများအလွဲသုံးစားလုပ်ပြီး ဖြုတ်ချခံရသည်သမ္မတဖာဒီနန်မားကိုးစ်၏ ဇနီးသည် အီမယ်ဒါမားကို့စ်လဲ အထက်လွှတ်တော်အမတ်ပြန်ဖြစ်နေသည်။ ဖာဒီနန်မားကို့စ်၏သားလည်း လွှတ်တော်အမတ်ဖြစ်နေသည်။ ခရိုနီများစွာ နိုင်ငံ၏စီးပွားရေးကို ကြိုးကိုင်၊ လုပ်စားနေသောကြောင့် တိုင်းပြည်တိုးတက်မှုမရှိပဲ၊ ခရိုနီသူဌေးလူတန်းစားနှင့် ဆင်းရဲသားတို့ကွာခြားနေသည်။ ပြည်ပအလုပ်လုပ်သူများမှာ လူလတ်တန်းစားဖြစ်နေသည်။
ပြည်ပသို့တတ်သိပညာရှင်များစွာ ထွက်အလုပ်လုပ်သောကြောင့်
– ပညာတတ်များ နိုင်ငံချစ်မြတ်နိုးစိတ် (မျိုးချစ်စိတ်) နည်းသွားသည်။
– ထိုပညာတတ်များမှာ မိမိကောင်းကောင်းနေရလျှင် တော်ပြီဖြစ်လာပြီး၊ နိုင်ငံရေးစိတ်ဝင်စားသူ နည်းပါးသွားသည်။
– ခရိုနီများနှင့်အစိုးရဝန်ထမ်းများပူးပေါင်းလုပ်ကိုင်မှုကြောင့် တိုင်းပြည်လဲမတိုးတက်ပါ
– လူချမ်းသာများသာ ပိုပြီးချမ်းသာနေပြီး၊ ဆင်းရဲချမ်းသာအလွန်ကွာခြားနေပါသည်။
ဖိလစ်ပိုင်နိုင်ငံသည် ဒုတိယကမ္ဘာစစ်မတိုင်မီက အရှေ့တောင်အာရှတွင်အကြွယ်ဝဆုံးဖြစ်ပြီး၊ အာရှတိုက်တွင် ဂျပန်ပြီးလျှင် ဒုတိယအကြွယ်ဝဆုံးနိုင်ငံဖြစ်သည်။ ဖိလစ်ပိုင်နိုင်ငံသားများ ကမ္ဘာအနှံ့မျက်နှာပွင့်ခဲ့သည်။ ၁၉၆၀နောက်ပိုင်း စီးပွားရေးပျက်စီးလာပြီး၊ သမ္မတဖာဒီနန်မားကို့ အနှစ်၂၀ အာဏာရှင်စနစ်အောက်တွင် တိုင်းပြည်စီးပွားပျက်ခဲ့သည်။ မားကို့နှင့်အပေါင်းအပါများ၏ ခရိုနီစနစ်ကြောင့် တိုင်းပြည်သယံဇာတနှင့်ဝင်ငွေများ လူတစ်စုလက်သို့ရောက်သွားရသည်။ ထိုခရိုနီစနစ်နှင့်ခြစားမှုများကို နောက်သမ္မတများက နည်းပါးရန်ကြိုးစားသော်ကြသော်လည်း၊ ယခု အချိန်ထိ ခရိုနီစနစ်သည် အားကောင်းလျှက်ရှိသည်။ တိုင်းပြည်တွင်း ခြစားမှုများစွာ ရှိနေသောကြောင့် အရှေ့တောင်အာရှ၊ ဒီမိုကရေစီနိုင်ငံများတွင် အဆင်းရဲဆုံးနိုင်ငံဖြစ်နေပါသည်။ ပညာတတ်များနှင့်အစိုးရဝန်ထမ်းများမှာ လူလတ်တန်းစားဖြစ်ပြီး အဆင်ပြေကြသည်။ ခရိုနီလူတန်းစားမှာ အလွန်ချမ်းသာပြီး လက်နက်ကိုင်အစောင့်များဖြင့်ပင် ငှားရမ်းနေထိုင်နိုင်သည်။
ဖိလစ်ပိုင်နိုင်ငံသည် ငွေတတ်နိုင်သူများမှာ ဘောဒီဂါတ်လုံခြုံရေးခန့်ထားနိုင်ပြီး၊ လိုင်စင်သေနပ်များကိုင်ဆောင်ခွင့်ရှိသည်။ မိမိနေအိမ်တံခါးဝ၊ လာရပ်နေသူအား မိမိသေနပ်ဖြင့်ပစ်ခတ် ကာကွယ်နိုင်သော ဥပဒေရှိသည်။ ဖိလစ်ပိုင်တွင် ကာစီနိုများ၊ တေးဂီတပျော်ပွဲများ၊ မူးယစ်မာဖီးယားဂိုဏ်များစွာရှိသည်။ ပြည်ပအထိ ကာစီနို၊ မာဖီယာဂိုဏ်များ ရှိကြသည်။
ဖိလစ်ပိုင်နိုင်ငံ ၉၅%သည် ခရစ်ယန်(ကာသိုလစ်)များဖြစ်ပြီး၊ ၅%သည် မူဆလင်များဖြစ်သည်။ ဘာသာရေးအဆုံးမအောက်တွင် နေထိုင်ကြသော လူမျိုးများဖြစ်သောကြောင့် ဆင်းရဲသော်လည်း၊ ရောင့်ရဲတင်းတိမ်သည့် လူမျိုးဖြစ်သည်။ ပျော်ရွင်စွာနေတတ်သော်လည်း အင်္ဂလိပ်စာလူတိုင်းနီးပါးဖတ်နိုင်သော အခြေခံပညာတတ်သူများသည်။ ထို့ကြောင့် လိင်၊မူးယစ်ဆေးကြောင့်ဖြစ်သော ကူးစက်ရောဂါ HIV နှုန်း၊ ကမ္ဘာတွင်အနည်းဆုံး ဖြစ်သည်။ (ဖိလစ်ပိုင်<0.01%, မြန်မာလူမျိုး 0.6%၊ ထိုင်းလူမျိုး 1.2% WHO. UNICEF data) ရှိကြသည်။
မြန်မာတစ်ဦးအတွက်သုံးသပ်ချက်
လက်ရှိအခြေအနေတွင် ပြည်ပသွားရောက်လုပ်ကိုင်သူ မြန်မာများ ၁၀% နီးပါးရှိနေမည်ဖြစ်သည်။ အများဆုံး ထိုင်း (၄သန်း)၊ မလေးရှား (၅သိန်း)၊ စင်ကာပူ (၂သိန်း)၊ အမေရိကန်(၃သိန်း)၊ အရှေ့အလယ်ပိုင်း (၁သိန်းခန့်)နှင့် တရုပ်၊ ဂျပန်၊ ကိုးရီးယား၊ ဥရောပနိုင်ငံများတွင်လည်း ရှိနေပါသည်။ ၂၀၁၁ မြန်မာပြည်အစိုးရသစ်တက်လာပြီး တိုင်းပြည်ပြုပြင်ပြောင်းလဲရေးလုပ်သည့်နောက်ပိုင်း ပြည်ပထွက်လုပ်ကိုင်သူ ပိုများပြားလာသကဲ့သို့ဖြစ်နေသည်။ နိုင်ငံကူးလက်မှတ်အလွယတကူ ရရှိသောကြောင့်၊ လစာငွေပိုရသော ပြည်ပသို့ အေးဂျင့်ဖိုး ကျပ်သိန်းပေါင်းများစွာပေးပြီး တသဲသဲ ထွက်နေဆဲပင်ဖြစ်သည်။ ပညာမရှိသူ၊ ထိုင်းအလုပ်သွားလုပ်လျှင့် ကျပ်၎သိန်း၊ အရှေ့အလယ်ပိုင်း ကျပ်၁၀သိန်း၊ စင်ကာပူ ကျပ်သိန်း၂၀ စသဖြင့် ပွဲစားခဲများပေးပြီး ပြည်ပအလုပ်ထွက်လုပ်နေဆဲဖြစ်သည်။ ဖိလစ်ပိုင်လူမျိုးများကဲ့သို့ ပွဲစားခမပေးရသော ပွဲစားများမတွေ့ဖူးသေးပါ။ ဝမ်းနည်းစရာဖြစ်သည်။ မြန်မာအချင်းချင်း ခေါင်းပုံဖြတ်၊ ရိတ်စား၊ ဖြတ်စားလုပ်နေသည်မှာ နောက်ဆုံး လူကုန်ကူး၊ အမျိုးသမီးများကိုရောင်းစားခံသည့်အဆင့်ပင် ရောက်နေသည်မှာ ကြောက်စရာကောင်းပါသည်။
ဖိလစ်ပိုင်နိုင်ငံမှာ အတုယူစရာများစွာရှိပါသည်။ လက်ရှိအနေခြေအနေတွင် ဖိလစ်ပိုင်လူမျိုးသည် မြန်မာထက် အစစ၊ အရာရာ သာလွန်နေကြောင်း ငြင်းမရပါ။ သို့သော် မြန်မာနိုင်ငံသည် ဖိလစ်ပိုင်နိုင်ငံအသေးစား ပုံစံဖြစ်နေသည်ကို ဝမ်းနည်းစွာတွေ့ရသည်။
ကျွန်ုပ်တို့ အနာဂါတ်မြန်မာပြည်ကို ထိုင်းနိုင်ငံ၊ ဗီယက်နမ်နိုင်ငံကဲ့သို့ တိုးတက်စေလိုပါသည်။ တောင်ကိုးရီးယားစတိုင်ကို နှစ်ခြိုက်သော်လည်း အဆင့်တန်း၊ ဝေးကွားလှပါသည်။ ဖိလစ်ပိုင်နိုင်ငံကဲ့သို့ မိမိနိုင်ငံသားအလုပ်သမားများ၊ ပြည်ပသွားရောက်လုပ်ကိုင်မှုကို မနှစ်သက်ပါ။ လွန်ခဲ့သော အနှစ်၂၀ခန့်က ထိုင်း၊ ဗီယက်နမ် များသည် စင်ကာပူနှင့်အခြားနိုင်ငံများသို့ လာရောက်လုပ်ကိုင်ကြသည်။ ယခုအခါ ထိုင်း၊ ဗီယက်နမ်အလုပ်သမားများ စင်ကာပူတွင်လာမလုပ်တော့ပါ။ သူတို့ပြည်တွင်း တစ်လဒေါ်လာ ၃၀၀မှ ၅၀၀အထိ အလွယ်တကူ အလုပ်ကိုင်ပေါနေသဖြင့် ပြည်ပထွက်လုပ်စရာမလိုတော့။ ပြည်ပထွက်လုပ်သူများမှာ အိတ်စ်ပက် Expat ဟုခေါ်သည့် လစာကောင်းသော တတ်သိပညာရှင်များသာ ဖြစ်သည်။
မြန်မာပြည်တွင် အစစ၊ ဈေးကြီးသွားပြီး အိမ်ခြံမြေဈေးသာမက၊ အခြားဈေးနှုန်းများလည်း အရှေ့တောင်အာရှနိုင်ငံများထက် ၂ဆခန့် ဈေးတက်သွားခြင်းမှာ ဝိသမခရိုနီစနစ်ကြောင့်ဖြစ်သည်။ ဥပဒေစိုးမိုးမှုမရှိခြင်း၊ လာဘ်စားသော အစိုးရအရာရှိကြီးများကို အဖမ်းဆီးမရှိပဲ လွှတ်ထား၊ စောင့်ကြည့်နေခြင်းမှာ ဆင်းရဲချမ်းသာ ကွာဟမှုကြီးမားသထက်၊ ကြီးမားလာစေမည်ဖြစ်သည်။
ထိုကဲ့သို့ ဥပဒေမဲ့၊ ဥပဒေကြီးစိုးမှုမရှိပဲ၊ နိုင်ငံဖွဲ့စည်းပုံအခြေခံဥပဒေကအစ ဝိသမခရိုနီများနှင့်အာဏာရှင်ဟောင်းကြီးများအား ကာကွယ်ထားပါက၊ ဖိလစ်ပိုင်တွင် အာဏာရှင်မားကို့စ် အမျိုးအနွယ်များ ယနေ့တိုင်အောင် နေရာယူထားသကဲ့သို့ ဖြစ်သွားမည်။ မြန်မာပြည်တွင် ဘိန်းဘုရင်၊ ဝိသမခရိုနီများ ရှိနေဆဲဖြစ်သည်။ ထိုသူများ မရှင်းနိုင်ပါက ထိုင်းနိုင်ငံ၊ ကိုးရီးယားနိုင်ငံများကဲ့သို့ ကမ္ဘာ့စီပွားရေးထိပ်တန်းနိုင်ငံများ မဟုတ်ပဲ၊ အလုပ်သမားများရောင်းစားနေသော ဖိလစ်ပိုင်နိုင်ငံကဲ့သို့ ဖြစ်သွာမည်။ ထိုအခါ ကျွန်ုပ်တို့ မြန်မာလူငယ်များ၏ အနာဂါတ်မကောင်းတော့ပါ။
မြန်မာ ဝိသမခရိုနီများကြောင့် ဖိလစ်ပိုင်ကဲ့သို့ ဖြစ်သွားမသွားစေလိုပါ။ ဖွံ့ ဖြိုးဆဲနိုင်ငံတိုင်း ခရိုနီရှိပါသည်။ ကိုးရီးယားနှင့်ဖိလစ်ပိုင် ၂နိုင်ငံတို့၏ ခရိုနီအရင်းရှင်စနစ် အပြိုင်ရှင်သန်ရင်း ကိုးရီးယားနိုင်ငံမှ ကမ္ဘာ့အဆင့်တက်သွားပြီး၊ ဖိလစ်ပိုင်နိုင်ငံသည် မတိုးတက်ပဲတံ့နေရခြင်းကို မြန်မာအာဏာပိုင်များ သင်္ခန်းစာယူရပါမည်။ မြန်မာအကြီးတန်းအရာရှိကြီးများ တောင်ကိုးရီးယားသို့ စေလွှတ်လေ့လာကြသည်ဟု ဆိုသည်။ ပြည်သူလူထုမှလည်း လေ့လာ၊လက်တွေ့ကျင့်သုံးရန်လိုပေမည်။ မြန်မာပြည်စီးပွားရေးစနစ်သည် ဖိလစ်ပိုင်နည်းလမ်းသို့ ဦးတည်နေခြင်းကိုလဲ အချိန်မီပြောင်းပစ်ရန်လိုနေသည်။
အစိုးရလူကြီးမင်းများကို
၁။ ပြည်သူလူထုအားဖြင့် အစိုးရလူကြီးမင်းများကို ပညာပေးရန်
၂။ ပြည်သူလူထုအားဖြင့် အစိုးရလူကြီးမင်းများကို ပညာပေး၊ကူညီရန်
၃။ ပြည်သူလူထုအားဖြင့် အစိုးရလူကြီးမင်းများကို ပညာပေး၊ ကူညီ၊ ဝိသမခရိုနီဖယ်ရှားရေး စောစောစီးစီးလုပ်ဆောင်ရန်
..ဖြစ်ပါသည်။ ဌာနဆိုင်ရာများ၏ နိုင်ငံပိုင်မြေများကို ငှားရမ်း၊လွှဲပြောင်းခြင်းများကို ကော်မတီဖွဲ့ပြီး တားဆီးဖို့ လိုပါသည်။
ဆူးပင်ငယ်စဉ် လက်၂ချောင်းဖြင့်ပင် ဝိသမခရိုနီးကြီးကို အသာယာ၊ နှုတ်ပစ်၊ ဖြေရှင်းလို့ရပါသည်။ ဆူးပင်ကြီးလာပါက မနည်း၊ အားထုတ် နှုတ်ပစ်ရပါမည်။ ဆူးပင် ပင်စည်၊လူတစ်ယောက်ဖက်ခန့်ကြီးလာချိန်တွင် ယခုဖိလစ်ပိုင်ခရိုနီများကို ဖယ်ထုတ်ဖို့မလွယ်သလို နှုတ်ပစ်ဖို့ အလွန်ခက်သွားမည်ဖြစ်ပါသည်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
