လူများ၊ ရုပ်ပုံလွှာများ

စာရေးဆရာတယောက်ကို စာပေဆိုင်ရာ ခြေရာကောက်ခြင်း (၂)

မောင်ဖေသက်နီ
ဖေဖော်ဝါရီ ၂၃၊ ၂၀၁၄
 
Stratford-upon-Avon, Shakespeare
(Chris Cole/Getty)
(၂၀၁၄ ခုနှစ် ဖေဖေါ်ဝါရီလ ၁၈ ရက်နေ့  ဘီဘီစီ လေ့လာရေးခရီးစဉ် ၀က်ဆိုဒ် BBC Travel ရဲ့ ဆောင်းပါးကဏ္ဍမှ  http://www.bbc.com/travel/feature/20140218-following-in-the-bards-footsteps-literally – မတ် ဘိုလ်တန် Matt Bolton ရေးသားပြီး မောင်ဖေသက်နီ ဘာသာပြန်ပါတယ်။)

ဒီမြို့ ရဲ့ အလယ်မှာ ခရစ်ချာ့ခ်ျ ကက်သယ်ဒရယ် Christ Church Cathedral နဲ့  မနီးမဝေးမှာ ရှိတ်စပီးယားရဲ့ သူငယ်ချင်း ဂျွန် ဒေဗင်နန့်  John Davenant က တည်ထောင်ထားတဲ့ ၁၄ ရာစုနှစ် ပုံစံ ပပ်ဘ် Pub ဆိုင်တဆိုင် ရှိပါတယ်။ ၁၇ ရာစုနှစ် အရေးအသားတွေအကြောင်း စာရေးဆရာ ဂျွန် အော်ဘရေး John Aubrey နဲ့ စကားလက်ဆုံကျခဲ့တဲ့ ရှိတ်စပီးယား က “အောက်စဖို့ မှာရှိတဲ့ အိမ်ကို သူ သိပ်သဘောကျတဲ့အဆောက်အဦး” လို့ ပြောပြခဲ့ပါတယ်။ တကယ့်ကိုပဲ အဲဒီ့အိမ်ကို ရှိတ်စပီးယားက တကယ်သဘောကျခဲ့တာပါလို့  ဂျွန် အော်ဘရေး က ဆက်ပြောခဲ့ပါတယ်။ သူကပဲ ရှိတ်စပီးယားဟာ Davenant ရဲ့သားကို သူ့ သားအဖြစ်မွေးစားခဲ့ပါသေးတယ်လို့  ထပ်ပြောခဲ့ပါတယ်။ “ဟိုတယ်” ဆိုတာဝေးလို့ ”လမ်းဘေးဆိုင် tavern” လိုဆိုင်လေးမျိုးတောင် အဲဒီ ဒေသမှာ အတော့်ကိုရှားပါတယ်။ ဒါပေမယ့် တနင်္လာကနေ သောကြာနေ့ တွေ အတွင်းမှာဆိုရင် “ပန်းချီဆွဲ ထားတဲ့အခန်း Painted Room” မျိုးတွေကိုတွေ့ ရှိနိုင်ပါတယ်။ အဲဒီ့အခန်းတွေဟာ အဖျော်ယမကာတွေနဲ့  အစားအသောက်တွေကိုရောင်းချပေး တဲ့ ဆိုင်တွေမျိုးပါပဲ။ (အဲဒီ လို ဆိုင်တွေမှာ လူတွေက စီးပွားရေးကိစ္စတွေကို စားရင်း၊ သောက်ရင်း၊ စကားပြောရင်းနဲ့  လုပ်ကိုင်ကြပါတယ်။ဘာသာ ပြန်သူရဲ့ ဖြည့်စွက်ချက်) အဲဒီဆိုင်တွေရဲ့ နံရံတွေမှာ ရှိတ်စပီးယားရဲ့ခေတ်ပန်းချီကားတွေကို ချိတ်ဆွဲပြသထားကြပါတယ်။ ၁၉၂၇ ခုနှစ် အဆောက် အဦးပြန်လည်ပြုပြင်တဲ့အခါ ကျမှ အဲဒီပန်းချီကားတွေကို ဖယ်ရှားပစ်လိုက်ကြတာပါ။ အဲဒီနေရာကို ပြည်သူလူထုကို ပြသခြင်းမရှိတော့တဲ့အတွက် ၂၀၁၄ ခုနှစ် စက်တင်ဘာလ ၁၂ ရက်နေ့ နဲ့  ၁၃ ရက်နေ့ တွေကစပြီး စနေ၊ တနင်္ဂနွေနေ့ တွေမှာ အားလုံးအတွက် ဖွင့်လှစ်ပြသပေးတော့မှာ ဖြစ်ပါတယ်။

 

အောက်စဖို့ မြို့ ကနေ ရှိတ်စပီးယားလေ့လာရေးလမ်းကြောင်းအတိုင်း သိမ်းမြစ်ကနေ မိုင်အတော်များများစုန်ဆင်းပြီး အေးဆေးဆိတ်ငြိမ်တဲ့ ကျေး လက်ဒေသနဲ့  တိတ်ဆိတ်နေတဲ့ကျေးရွာလေးတွေကို မြင်တွေ့ ရမှာပါ။ အဲဒီလမ်းအတိုင်း ၁၈ မိုင်လောက် ဆက်ပြီးသွားလိုက်ရင် ၀က်သစ်ချသစ် တောတွေ၊ ကောင်းကင်ပြင်မှာ အနီရောင်လေတံခွန်တွေ (စွန်တွေ)၊ တေးသီငှက်တွေ၊ သိမ်းငှက်တွေ ၀ဲပျံနေတဲ့ကောင်း ကင်အောက်ကနေ ခရီးဆက် ကြမှာပါ။ အဲဒီ့အတိုင်း ၁၄ ရာစုနှစ်ပုံစံအတိုင်း မြင်းတွေစီးပြီး ခရီးဆက်သွားရင် အင်္ဂလန်အရှေ့ တောင်ထောင့်တ၀ိုက်မှာရှိတဲ့ ဘတ်ဂ်မင်ဟန်ရှိုင်းယား ခရိုင်က “အီဗား Iver “ မြို့ ကို ရောက်ရှိမှာပါ။ {“အီဗား Iver” မြို့ ဟာ အင်္ဂလန်အရှေ့ တောင်ထောင့်တ၀ိုက်မှာရှိ ဘတ်ဂ်မင်ဟန်ရှိုင်းယား ခရိုင်မှာ တည်ရှိပြီး ဘာသာတရားကိုင်းရှိုင်းတဲ့ဒေသတခုဖြစ်ပါတယ်။ အဲဒီ့ခရိုင်ဟာ ရှစ်စတုရန်းမိုင် (၂၁ စတုရန်းကီလိုမီတာ) ကျယ်ဝန်းပြီး အီဗာ ဟိသ် Iver Heath ရွာ နဲ့  ရစ်ခင်းစ်ပါ့တ်ခ် Richings Park ရွာတွေတည်ရှိပါတယ်။ ဘာသာပြန်သူ့  ဖြည့်စွက်ချက်} အဲဒီ့လမ်းဟာ M25 ဆိုတဲ့ ဆူညံလွန်း လှတဲ့အသံတွေလျှံနေပြီး လန်ဒန်မြို့ တော်ဆီကို ဦးတည်နေပါတယ်။ အဲဒီ့ အတိုင်းခရီးဆက်သွားရင် ဂရင်းယူနီယံတူးမြောင်းအတိုင်း အရှေ့ ဖက် အရပ်ကို ခရီးဆက်ရင် မြို့ တော်ရဲ့ ဗဟိုကိုရောက်ရှိမှာပါ။

 

ဂရင်းယူနီယံတူးမြောင်းဟာ ၁၈၈၂ ခုနှစ်ထဲမှာမှ တည်ဆောက်ပြီးစီးခဲ့တဲ့အတွက် ရှိတ်စပီးယားဟာ ဒီလမ်းကြောင်းကို အသုံးပြုခဲ့ရမှာ မဟုတ်ပါဘူး။ ဒီနေ့ ခေတ်အချိန်မှာတောင် သိမ်းမြစ်အတိုင်းစုန်ဆင်းပြီး တည့်တည့်သွားတဲ့လမ်းကို မြင်းနဲ့ လားတွေကိုပဲ အသုံးပြုနေဆဲဖြစ်ပြီး “ဂလုပ်ဘ် ပြဇာတ်” ရုံကိုသွားတဲ့လမ်းတည်ရှိနေပါတယ်။ အဲဒါကိုကြည့်ရတာ အဲဒီလမ်းဟာ တိတ်တိတ်ဆိတ်ဆိတ်ရှိပြီး ယာဉ်အသွားအလာတွေလည်း သိပ်များမယ့်ပုံ မျိုးတော့မရှိ ပါဘူး။ လမ်းဟာ နာမည်ကြီးတဲ့ တောင်ပိုင်းမြို့ပါတ်လမ်း South Circular Road နဲ့  မိုင်ဝက်လောက်ဝေးတာမို့  လန်ဒန်မြို့ ကြီးရဲ့ ဆူညံသံတွေ၊ ယာဉ်တွေပြည့်ကြပ်နေတဲ့လမ်းတွေပေါ်က ဆူညံသံတွေသိပ်မကြားရပါဘူး။ {တောင်ပိုင်းမြို့ပါတ်လမ်း South Circular Road ဟာ A205 လို့  လူသိများပြီး အရှည်မိုင် ၂၀.၇ မိုင် (၃၃.၃ ကီလိုမီတာ) ရှည်ပြီး လန်ဒန်မြို့ တောင်ဘက် ၀ူးလ်ဝှစ်ခ်ျ Woolwich အရပ်ကနေ အရှေ့  ဖက်ပိုင်းက A406 လို့ လူသိများတဲ့ မြောက်ပိုင်းမြို့ ပါတ်လမ်း North Circular Road အထိရှိပါတယ်။ အနောက်ဘက်ခြမ်းမှာ ဂူန်းနားဘာရီ Gunnersbury အရပ်ကိုဦးတည်တဲ့ M4 ဟိုင်းဝေးလမ်းမနဲ့ A4 ဟိုင်းဝေးလမ်းမတွေရှိကြပါတယ်။ ဘာသာပြန်သူ့ ဖြည့်စွက်ချက်} သိမ်းမြစ် တလျှောက်မှာရော၊ “သိမ်း” မြစ်ကူးတံတားတွေမှာရော အလံတွေလွှင့်ထူထားတာတွေကို မြင်တွေ့ ကြရမှာပါ။ လမ်းဘေးတလျှောက် ၀ဲယာတွေမှာ သစ်ပင်ရိပ်တွေ အစီအရီရှိနေကြတာမို့  နေရောင်ဒဏ်ကနေအကာ အကွယ်ပေးနေမှာဖြစ်ပါတယ်။ အဲဒီလမ်းဟာ အောက်စဖို့ တက္ကသိုလ်နဲ့  ကင်းဘရစ်တက္ကသိုလ် တွေရဲ့ လှေပြိုင်ပွဲတွေ ကျင်းပတဲ့နေရာနဲ့ လည်း အလှမ်းမဝေးလှသလို ပြိုင်ပွဲမှာအနိုင်ရရင် အောင်ပွဲခံချီးမြှာက်တဲ့နေရာလည်း ဖြစ်ပါတယ်။

 

လန်ဒန်မြို့  အနောက်တောင်ဘက် လေးမိုင်အကွာလောက်မှာရှိတဲ့ ပု(တ်) နေ Putney ဆိုတဲ့ ရပ်ကွက်တည်ရှိပါတယ်။ အဲဒီနေရာကနေ လှေပြိုင် ပွဲတွေ စတင်လေ့ရှိကြပါတယ်။ အဲဒီနေရာဟာ တိတ်တိတ်ဆိတ်ဆိတ်ရှိပြီး လန်ဒန်မြို့လယ်မှာတည်ရှိတဲ့ လမ်းဘက်(သ်) နန်းတော် Lambeth Palace ၊ နန်းရင်းလွှတ်တော် Houses of Parliament နဲ့  သိမ်းမြစ်ဘေးမှာရှိတဲ့ လန်ဒန်အိုင်း London Eye လို့ ခေါ်တဲ့ လန်ဒန်ရှုမြင်ကွင်းကို မြင်တွေ့ ရမှာပါ။ အဲဒီလမ်းဟာ သိမ်းမြစ်ရဲ့တောင်ဘက်ခြမ်းမှာ Shakespeare’s Globe လို့ ခေါ်တဲ့ ရှိတ်စပီးယားပြ တိုက်ရှိပြီး အဲဒီမှာပဲလေ့လာ ရေးခရီးစဉ်ကို အဆုံးသတ်မှာပါ။ အစပိုင်းတုန်းက ရှိတ်စပီးယားရဲ့ ပြဇာတ်တွေထဲက ဟမ္မလက်ပြဇာတ် Hamlet ၊ လီယာမင်းကြီး King Lear နဲ့  မဂ္ဂဘက် Macbeth တို့ ကို စတင်ရေးဖွဲ့ ခဲ့တဲ့နေရာမှာ နဂိုမူလဆောက်တုန်းက နေရာမှာ အခမ်းအနားကို ကြီးကြီးကျယ်ကျယ်လုပ်ဖို့ စီစဉ်ထားခဲ့ တာပါ။ ဒါပေမယ့် အဆောက်အဦးကို အမြဲထာဝရ တည်ရှိနေနိုင်စေဖို့ ဆိုပြီး အပြင်အဆင်တွေ၊ အလှအပတန်ဆာတွေကို ရှိတ်စပီးယားခေတ်ကလို ပုံစံမျိုး ဖြစ်နိုင်ဖို့ အတွက် တကယ့် ရှိတ်စပီးယားခေတ်လို ဖြစ်နိုင်ဖို့  တတ်နိုင်သမျှကြိုး စားနေတာပါ။

 

အဲဒီမှာ ရှိတ်စပီးယားဟာ ဘယ်လောက်အထိ လက်ရာမြောက်တဲ့ အရေးအသားတွေကို ရေးသားခဲ့လဲဆိုတာကို မိတ်ဆက်တင်ပြသွားမှာ လည်း ဖြစ်ပါတယ်။ ရှိတ်စပီးယား လျှောက်ခဲ့တဲ့လမ်းအတိုင်း ဧည့်ပရိတ်သတ်ကလည်း လျှောက်လှမ်းလို့ ရနိုင်မှာပါ။ ရှိတ်စပီးယားအပေါ်လည်း ဆထက် တန်ဖိုး ပိုပြီးထားနိုင်ကြစေဖို့ လည်းရရှိစေမှာဖြစ်ပါတယ်။

စာရေးဆရာတယောက်ကို စာပေဆိုင်ရာ ခြေရာကောက်ခြင်း (၁) ကုို ဤနေရာတွင် ဖတ်ရှုနုိုင်ပါသည်။
 
မတ် ဘိုလ်တန် Matt Bolton ရေးသားပြီး မောင်ဖေသက်နီ ဘာသာပြန်ပါတယ်။

သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
My Friend Tin Moe By Maung Swan Yi - Selection of MoeMaKa Articles

Similar Posts