အကယ်၍သာ …
အရှင်ဥာဏိကာဘိဝံသ (ကာလီဖုိုးနီးယားတက္ကသုိုလ်)
ဖေဖော်ဝါရီ ၁၃၊ ၂၀၁၃
If you can meet with triumph and disaster
And treat those two impostors just the same; (Rudyard Kipling)
အကယ်၍
အောင်မြင်မှုချမ်းသာနဲ့ ဆုံးရှုံးမှုဆင်းရဲတွေကို ကြုံတွေ့ရတဲ့အခါ
ဒါဟာ လောကဓံ တရားတွေပါလားရယ်လို့
တူညီတဲ့သဘောထား ထားနိုင်မယ်ဆိုရင်. . .
“ကြည့်စမ်းပါ အာနန္ဒာ။ မဟာဓန သူဌေးသားဟာ ကုဋေ (၁၆၀) သောပစ္စည်းဥစ္စာကို ဖြုန်းတီး ပြီး မယားကိုခေါ်ကာ တောင်းရမ်း စားသောက်နေတယ်။ အကယ်၍များ ပထမအရွယ်မှာ စီး ပွားရှာခဲ့မယ်ဆိုရင် သူဟာ ဒီမြို့မှာ ပထမတန်းစား သူဌေးကြီးဖြစ်လိမ့်မယ်။ ရဟန်းပြုခဲ့မယ်ဆို ရင် အရဟတ္တဖိုလ်ကို ရလိမ့်မယ်။ သူ့မယားဟာလည်း အနာဂါမိဖိုလ်ကိုရလိမ့်မယ်။ ဒါမှမဟုတ် ဒုတိယအရွယ်မှာ စီးပွားရှာခဲ့မယ်ဆိုရင် ဒီမြို့မှာ ဒုတိယတန်းစား သူဌေးကြီးဖြစ်လိမ့်မယ်။ ရဟန်းပြုခဲ့မယ်ဆိုရင် အနာဂါမ်ဖြစ်လိမ့်မယ်။ မယားကလည်း သကဒါဂါမ်ဖြစ်လိမ့်မယ်။ ဒါမှ မဟုတ် တတိယအရွယ်မှာ စီးပွားရှာခဲ့မယ်ဆိုရင်လည်း တတိယတန်းစား သူဌေးကြီးဖြစ်လိမ့်ဦး မယ်။ ရဟန်းပြုခဲ့မယ်ဆိုရင်တော့ သကဒါဂါမ်ဖြစ်လိမ့်မယ်။ မယားက သောတာပန်ဖြစ်လိမ့် မယ်။ အခုတော့ လူ့စည်းစိမ်တွေမှ ဆုတ်ယုတ်ခဲ့သလို ရဟန်းစည်းစိမ် မဂ်ဖိုလ်မှလည်း ဆုတ် ယုတ်ခဲ့ရပြီ။ ခြောက်သွေ့နေတဲ့ ရေအိုင်ထဲက ကြိုးကြာငှက်လို ဖြစ်ခဲ့ရရှာပြီ”။ ငယ်ရွယ်တုံး အချိန်ကောင်းစဉ်မှာ ရှာသင့်တဲ့ ကုသုိုလ် ပညာ စီးပွားတစ်မျိုးမျိုးကုို မရှာပဲ ပျော်ပါးစားသောက် အချိန်ဖြုန်းတီးနေသူတွေကုို ဆုံးမလေ့ရှိတဲ့ မဟာဓနသူဌေးသားအကြောင်းဝတ္ဃု။
အကယ်၍သာ…
ဗုဒ္ဓကုိုကြည်ညိုသူ လူပုဂ္ဂိုလ်များထဲမှာ အသာလွန်ဆုံးသူရယ်လုို့ အသိအမှတ်ပြုရတဲ့ အဇာတ သတ်ဘုရင်ကုိုလည်း သာမညဖလသုတ်ဒေသနာ ဟောကြားပြီးအဆုံးမှာ ‘အကယ်၍သာ အဖ သတ်တဲ့ ပိတုဃာတကကံ မရှိခဲ့ဘူးဆုိုလျင် အဇာတသတ်မင်းဟာ ဒီနေရာမှာ သောတာပန် တစ်ယောက်ဖြစ်နုိုင်တယ်’ လုို့ မိန့်ကြားတော်မူခဲ့ဖူးတယ်။ အပေါင်းအသင်းမှား ဆရာမှားဟာ ဘယ်လောက်တောင် အန္တရာယ်ကြီးကြောင်းနဲ့ပတ်သက်ပြီး ဆုံးမစကားဆုိုတဲ့အခါများမှာ ဥပမာပေးတတ်ကြတဲ့ဇာတ်လမ်းတစ်ခု။
အကယ်၍သာ…
မဟာဓနတုို့ အဇာတသတ်တုို့ဆုိုတာ အကယ်၍သာလုို့ ဗုဒ္ဓကုိုယ်တော်တုိုင် ထုတ်ဖော်ပြောရ လေအောင် သူတုို့တွေရဲ့ ချို့ယွင်းမှု မှားယွင်းတဲ့လုပ်ကုိုင်မှု ပယောဂ၀ိပတ္တိကြောင့် ဆုံးရှုံးကြရ တဲ့ ထင်ရှားတဲ့အဖြစ်တွေပေါ့။
ငယ်စဉ်ပရိယတ်နယ်ပယ်မှာကျင်လည်စဉ်က ဓမ္မပဒတုို့၊ သာမညဖလသုတ်တုို့ကုိုလေ့လာခုိုက် ဒီအကယ်၍သာဆုိုတဲ့အကြောင်းက စိတ်ထဲမှာ မှတ်မှတ်ရရ ဖြစ်ခဲ့တဲ့အရာများ။ ပါဠိသဒ္ဒါကျမ်း ကုိုလေ့လာတော့လည်း ကြိယာတိပန္န-အပြုအမူကာလလွန်အကြောင်းနဲ့စပ်လုို့ ဒီအကယ်၍ သာ ဆုိုတာကုိုလေ့လာရပြန်တယ်။ ဒီအာချာတ်ကြိယာ ကြိယာတိပန္နအကြောင်းက စာသင် သားငယ်တွေအတွက် နားလည်ဖုို့ခက်တဲ့ အကြောင်းအရာ။ အင်္ဂလိပ်စာပေကုိုလေ့လာတော့ လည်း ဒီနဲ့အလားတူ အင်္ဂလိပ်သဒ္ဒါရဲ့ (if clause) က နှိပ်စက်ပြန်လေတယ်။
နောက်ပုိုင်းမှာလည်း အကယ်၍သာ ရယ်လုို့ မကြာခဏတွေးမိတတ်တယ်။ သုို့ပေမယ့် ဒီလုို တွေးမိတတ်တာကတော့ မဟာဓနတုို့ အဇာတသတ်တုို့လုို လုပ်သင့်တဲ့အလုပ်တစ်ခုကုို မလုပ် ဖြစ်ခဲ့၊ မလုပ်သင့်တဲ့အလုပ်ကုို လုပ်ခဲ့လုို့တော့ မဟုတ်ခဲ့ပါဘူး။ နောက်ပြီး ပါဠိနဲ့ အင်္ဂလိပ်သဒ္ဒါ ကျမ်းများသင်စဉ်ကလုို စိတ်ကုိုနှိပ်စက်တဲ့ အကယ်၍လည်း မဟုတ်ပါဘူး။
အထက်ကအကြောင်းအရာများနဲ့ ဆန့်ကျင်ဖက်လုို့ ပြောရမယ့် အကယ်၍သာပါ။ တစ်ပါး တည်းနေရချိန်များမှာ အကြောင်းတုိုက်ဆုိုင်လုို့ အထက်ကဝတ္ထုလေးတွေကုို သတိရမိတုိုင်း၊ ဟောပြောစရာကြုံလာလုို့ ဥပမာအနေနဲ့ အခြားသူများကုို ပြောဖြစ်တုိုင်း “တကယ်လုို့သာ ကုိုယ့်ဘဝမှာ ဝိပဿနာတရားကုို အတုိုင်းအတာအထိ ကြေနပ်မှုရအောင် အချိန်ပေးကာ အား မထုတ်ဖြစ်ခဲ့ဘူးဆုိုလျင် ခုချိန်မှာ ဘယ်လုိုများဖြစ်နေပါ့။ ဗုဒ္ဓနဲ့ ဗုဒ္ဓအဆုံးအမတရား အပေါ်မှာ ယုံကြည်တဲ့ သဒ္ဓါတရားက ခုလောက်နက်နက်ရှိုင်းရှိုင်း ဖြစ်ပါ့မလား၊ ဘဝတစ်သက်တာမှာ ကုိုယ့်ကုိုယ်ကုို ကြေနပ်အားရမှုဖြစ်ရခြင်းအချိန်တစ်ချိန်ကုို ပုိုင်ဆုိုင်ဖူးခဲ့တယ်လုို့ တွေးပြီး ကြည် နူးကြေနပ် ဖြစ်ခဲ့ပါ့မလား” စသဖြင့် အခါခါတွေးမိတတ်ပါတယ်။
လူသားတစ်ယောက်ဖြစ်တည်ခြင်းရဲ့တန်ဖိုး၊ သာသနာနဲ့ တွေ့ကြုံခြင်းရဲ့ အဓိပ္ဗါယ်ပြည့်ဝမှု၊ တရားတော်များရဲ့ တန်ဖုိုးအနဂ္ဃပြည့်ဝမှု၊ ဒီလုိုအရာတွေဟာ တကယ့်လက်တွေ့ဓမ္မရသကုိုသာ မခံစားနုိုင်ခဲ့လျင် ပီပီပြင်ပြင်သိနုိုင်ပါ့မလားရယ်လုို့လည်း စဉ်းစားမိတတ်ပါတယ်။ ခုများမှာ တော့ အကယ်၍သာ လုို့တွေးဖြစ်ခဲ့တဲ့ ဒီအတွေးကပင် ကုိုယ့်ကုိုယ်ကုိုကြေနပ်မှု ပုိုမုိုဖြစ်ရတယ်။
ယနေ့ခေတ်မြန်မာနုိုင်ငံရဲ့ ဝိပဿနာသမုိုင်းကြောင်းထဲမှာ လုံးဝချန်ထားလုို့မရနုိုင်မယ့် ကျေးဇူး ရှင်ဆရာတော်တစ်ပါးကုို ထုတ်ပြပါဆုိုလျင် ကျေးဇူးရှင် မဟာစည်ဆရာတော်ဘုရားကြီးကုို ထုတ်ပြရမှာပါ။ ဆရာတော်ကြီးများခေတ်မတုိုင်မီက မြန်မာနုိုင်ငံရဲ့ဝိပဿနာသမုိုင်းမှာ သူ့ အတုိုင်းအတာနဲ့သူ ထင်ရှားတော်မူတဲ့ဆရာတော်ကြီးများ အမြောက်အများပေါ်ထွန်းခဲ့ဖူးပါ တယ်။
သုို့ပေမယ့် သာမန်လူသားများနယ်ပယ်အထိ ဝိပဿနာတရားတော်များ ကျယ်ကျယ်ပြန့်ပြန့် ပျံ့နှံ့လေအောင် မဖြန့်ဖြူးခဲ့ကြပါဘူး။ အများစုသောသူတွေအနေနဲ့လည်း ဝိပဿနာတရား တော်ဆုိုတာ ရဟန်းတော်တွေနဲ့ လောကီကိစ္စကနေ ခွါထွက်လာတဲ့ သက်ကြီးရွယ်အုို အမျိုး သားအချို့ အတွက်လောက်သာလုို့ မှတ်ယူထားခဲ့ကြပါတယ်။
မဟာစည်ဆရာတော်ကြီး မဟာစည်ရိပ်သာကြီးမှာ တရားပြရာကစလုို့ မြန်မာပြည်တလွှားမှာ ထင်ရှားတဲ့ရိပ်သာကြီးများ မြို့ရွာအနှံ့မှာ ပေါ်ပေါက်လာခဲ့ပါတယ်။ ဒီရိပ်သာများမှာတော့ ရဟန်း တော်များသာမက အမျိုးသား အမျိုးသမီး လူကြီးလူငယ် အတန်းစုံ အရွယ်စုံကသူတွေ ကျယ် ကျယ်ပြန့်ပြန့် တရားတော်များကုို ရက်တုိုရက်ရှည် ပွားများခွင့်ရလာခဲ့ကြပါတယ်။ ရိပ်သာများ ကလည်း အဝတ်အစား အနေအထုိုင် စနစ်ကျနသန့်ရှင်းမှုကအစ ရိပ်သာတစ်ခုမှာရှိသင့်တဲ့ ပုံစံများနဲ့ ဖြစ်လာပါတယ်။ မြန်ပြည်တလွှားထင်ရှားတဲ့ ဒီရိပ်သာကြီးများဟာ မဟာစည်ဆရာ တော်ဘုရားကြီးရဲ့ ဥပနိဿကုိုခံယူကြတဲ့ ရိပ်သာကြီးများသာ အများဆုံးဖြစ်ပါတယ်။
ဒါတွင်မက စာပေတတ်ရဟန်းတော်များ၊ ထင်ရှားတဲ့စာချဆရာတော်များဟာ ရိပ်သာများမှာ ဝင်ရောက်ပြီး ရက်ရှည်တရားပွားများကြတာမျိုး အလျင်ကဆုို သိပ်များများ မရှိခဲ့ပါဘူး။ မဟာ စည်ဆရာတော်ဘုရားကြီးလုို ရှင်လူအများလေးစားမှုခံ၊ အကြည်ညိုခံရတဲ့ဆရာတော်ကြီး တရားစတင်ပြသချိန်ကစလုို့ စာပေတတ် ပရိယတ်နယ်ပယ်က ထင်ရှားတဲ့ဆရာတော်ကြီး ငယ်များ ရိပ်သာများမှာ တရားဘာဝနာကုိုယ်တုိုင်ပွားများကြလုို့ ပရိယတ်နဲ့ ပဋိပတ်သံဃာ တော်များ အချင်းချင်းကြားမှာလည်း အလျင်ကထက်ပုိုမုိုကူးလူးယှက်နွယ်လာကာ အပြန်ပြန် အလှန်လှန် ပုိုမုိုနားလည်မှု လေးစားမှုများလည်း ပုိုလာပါတယ်။ ရိပ်သာများမှာ ရက်ရှည်ရက် တုို တရားပွားများခွင့်ရကြလုို့ ဓမ္မရသကုို ကုိုယ်တုိုင်အသိနဲ့ ခံစားနားလည်နုိုင်တဲ့သူတွေလည်း အလျင်ကထက် များလာပါတယ်။ ဒါတွေဟာ ဆရာတော်ဘုရားကြီးရဲ့ ကျေးဇူးများနဲ့ မကင်းတဲ့ ကောင်းကျိုးအဆက်ဆက်များသာပါ။ ခုခေတ်ခုခါ ဟုိုဟုိုဒီဒီမြို့ရွာနယ်ပယ်အနှံ့ တရားစခန်းများ များပြားလာခြင်းသည်ပင်လျင် လမ်းဦးထွင်ဆရာတော်ကြီးနဲ့ တုိုက်ရုိုက်မဟုတ်သည့်တုိုင် သွယ် ဝုိုက်လျက်တော့ ဆက်စပ်မှုရှိတယ်လုို့ ပြောနုိုင်ပါမယ်။
ခြုံငုံလုို့ပြောရလျင်ဖြင့် တကယ်လုို့သာ မြန်မာနုိုင်ငံသာသနာသမုိုင်းမှာ ဝိပဿနာရွှေခေတ် ဆုိုတာ ရှိခဲ့ဖူးတယ်ဆုိုလျင် ဒီရွှေခေတ်ရဲ့ ပဲ့ကုိုင်ရှင်၊ လမ်းဦးထွင်သူဟာ မဟာစည်ဆရာတော် ဘုရားကြီးသာဖြစ်တယ်လုို့ ပြောမယ်ဆုို လွန်မယ် မဟုတ်ပါဘူး။
အများနဲု့ဆုိုင်တဲ့အကြောင်းကုို ပြောပြီးလုို့ ကုိုယ်တစ်ဦးတည်းနဲ့သာဆုိုင်တဲ့၊ ကုိုယ့်အပေါ် တင်ရှိ လေတဲ့ ဆရာတော်ဘုရားကြီးရဲ့ ကျေးဇူးတရားကုိုလည်း အနည်းငယ်ပြောချင်ပါသေးတယ်။
အကယ်၍သာ …
အနန္တကျေးဇူးတော်ရှင် မဟာစည်ဆရာတော်ဘုရားကြီးသာ ဗုဒ္ဓအဆုံးအမ သတိပဋ္ဌာန်တရားတော်များကုို စနစ်တကျ ကျယ်ကျယ်ပြန့်ပြန့် ဟောပြောပြသ မလုပ်ခဲ့လုို့ တရားရိပ်သာတွေ မြန်ပြည်တလွှားမှာ မပေါ်ပေါက်ခဲ့ဘူးဆုိုလျင်။ အထင်ကြီးလေးစားစရာ တရားရိပ်သာတစ်ခုခု မရှိခဲ့လုို့ ဝိပဿနာရှုမှတ်ပွားများခြင်း အလုပ် မလုပ်ခဲ့ဖြစ်ဘူးဆုိုလျင်။ တကယ့်ငြိမ်းချမ်းတဲ့ သန္တိသုခနယ်မြေတစ်နေရာ အမှန်တကယ်ရှိတယ်ဆုိုတာ မျက်ရမ်းမှန်းဆ ထင်ရာပြောထားတဲ့အရာတစ်ခု မဟုတ်၊ တကယ်ရှိတဲ့ နေရာတစ်နေရာဖြစ်တယ်လုို့ မျှော်မှန်း ကြည့်နုိုင်တဲ့အသိတရား မရခဲ့ဘူးဆုိုလျင်၊ ဗုဒ္ဓကုိုကြည်ညိုမှုက သာမန်အများစု သောသူတွေ လုိုပဲ စာသိ နာသိလောက်ကုို အခြေခံပြီး အပေါ်ယံရှပ်ရှပ်လေးလောက်မျှသာပဲ ကြည်ညိုမှု ဖြစ်ခဲ့မယ်ဆုိုလျင်၊ ရခဲလှတဲ့ လူ့ဘဝ၊ ကြုံခဲလှတဲ့ မြတ်ဗုဒ္ဓသာသနာ၊ နာခဲရတဲ့ အမြတ်တရား၊ ဒီအရာတွေနဲ့ ကံကောင်းထောက်မစွာ ကြုံဆုံရခဲ့ပါလျက်ကယ်နဲ့ ရနုိုင်င်ခဲတဲ့ ဒီအမြတ်အခွင့် အရေးတွေကုို မယူဖြစ်ခဲ့လုို့ ဓမ္မရသကုို အပြည့်အဝ မခံစားခဲ့ရဘူးဆုိုလျင် ဘယ်လောက် တောင် ဝမ်းနည်းဖွယ်ဖြစ်ရလေမလဲ။
ခုလုိုတွေးမိလေတုိုင်း ဗုဒ္ဓအဆုံးအမတရားတွေကုို ကုိုယ်ပုိုင်အသိနဲ့ သိခဲ့ရလုို့ တရားတော်တွေ အပေါ်မှာ မမှိတ်မသုံယုံကြည်တဲ့ သဒ္ဓါတရားရရှိခဲ့ရ။ တရားအသိကုိုအခြေခံလုို့ ငြိမ်းချမ်းတဲ့ ဘဝနေနည်းကုိုလည်း သိမြင်ခဲ့ရတယ်။ လောကရဲ့ကောင်းဆုိုးနှစ်တန် လောကဓံအပေါ်မှာ လည်း အတန်အသင့်မျှတစွာ တုန့်ပြန်နုိုင်ခဲ့တယ်။ ဒါဟာ လူ့ဘဝရရှိခြင်းရဲ့ အဓိပ္ဗါယ်ပြည့်ဝမှု တစ်ခုလုို့လည်း ယုံကြည်မိတယ်။ ကုိုယ့်ဘဝကုို ကျေနပ်မှုဖြစ်ရလေအောင် ပံ့ပုိုးထောက်ပံ့ ကူညီသူတွေထဲမှာ အဓိကတစ်နေရာက ဖြစ်တော်မူခဲ့တဲ့ ဆရာတော်ဘုရားကြီးရဲ့ ဂုဏ်ကျေးဇူး ကုို အောက်မေ့နေမိတတ်တယ်။ အောက်မေ့မှုနဲ့အတူ ကုိုယ့်အပေါ်တင်ရှိနေလေတဲ့ဆရာတော် ဘုရားကြီးရဲ့ ကျေးဇူးဂုဏ်ကုိုလည်း ဆပ်ဖုို့လုိုပေတယ်ရယ်လုို့ ခံစားမိတတ်တယ်။
ဒီစာတမ်းဆောင်းပါးတုိုလေးက ကုိုယ့်လုိုပဲ ဆရာတော်ဘုရားကြီးရဲ့ ကျေးဇူးဂုဏ်ကုို တုိုက်ရုိုက် ဖြစ်စေ၊ သွယ်ဝုိုက်လျက်ဖြစ်စေ ခံစားရဖူးတဲ့ တပည့်များကုိုယ်စား စံလွန်တော်မူသွားတဲ့ ဆရာ တော်ဘုရားကြီးအား အမှတ်တရ ပြန်လည်ပေးဆပ်ခြင်းဖြစ်စေဖုို့ ရည်ညွှန်းကာ ရေးသားပါ တယ်။ တကယ်တော့ ဒါဟာ ဆရာတော်ဘုရားကြီးရဲ့ နှိုင်းတုမရမဲ့ အနန္တကျေးဇူးဂုဏ်များ အတွက် မြူမှုန်လေးမျှလောက်သာ ပြန်လည်ပေးဆပ်နုိုင်ခြင်းပဲ ဖြစ်ပေလိမ့်မယ်။
ဘာပဲဖြစ်ဖြစ် ဒီအနည်းငယ် အတုံ့ပြန်လည်ပေးဆပ်ဖြစ်ခြင်းသည်ပင်လျင် ဒီအနောက်တုိုင်းမှာ ပြောတတ်ကြသလုိုပဲ Better than nothing ဆုိုသလုို ဘာမှ မလုပ်ဖြစ်တာထက်စာလျင် ခုလုို အနည်းငယ်လေးမျှ လုပ်ဖြစ်တာသည်ကပင်လျင် အကောင်းဆုံးသော လုပ်ဆောင်မှုတစ်ခုလုို့ ဆုိုရမယ် မဟုတ်လား။
အကယ်၍သာ …
ခုလိုအနည်းငယ်လေးမျှလောက်ကုိုပင်လျင် မလုပ်ဖြစ်ခဲ့ဘူးဆုိုလျင်။ ။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
