ဒီဇင်ဘာ ၂၈၊ ၂၀၁၂
ဦးဦး ဒေါ်ဒေါ်တို့ စားသောက်နေတဲ့ စားပွဲဝိုင်းတွေကို ငေးမောနေတဲ့ အ၀တ်နွမ်းနွမ်းနဲံကျောင်းသင်ခန်းစာဆိုတာ အိပ်မက်ထဲတောင် မမက်နိုင်တဲ့ ဗိုက်ပူနံကားလေးတွေကို မတွေ့ရတော့ဘူးလို့ ပြောသံလေးတွေ ကြားချင်ပါတယ်။
အိုဘားမားကြီးလှူဒါန်းသွားတဲ့ အမေရိကန်ဒေါ်လာ တစ်ထပ်ကြီးနဲ့ နိုင်ငံတကာ စီမံကိန်းတွေက ရရှိတဲ့ ဘီလျံဒေါ်လာတွေနဲ့ တည်ဆောက် ပေးထားတဲ့ စာသင်ကျောင်းတွေမှာ ဆေးရုံ ဆေးပေးခန်းတွေမှာ အိမ်ယာ အလုပ်အကိုင်အခွင့်အလန်းတွေအပြည့်နဲ့ တူ၊တူမ ငယ်တွေ၊ ညီငယ်၊ ညီမငယ်တွေ သာသာယာယာ ရှိနေကြပြီလို့ သတင်းစကားလေးတွေကို စောင့်မျှော်နေပါတယ်ရှင်။
ဒါမှမဟုတ်ရင်လဲ ၂၀၁၂ မှာ ပေါ်ပြူလာအဖြစ်ဆုံး ခရိုနီဆိုတဲ့  စကားလုံးရဲ့ နောက်ကွယ်က အပြင်အဆင်တွေနဲ့၊ မီးမလာ ရေရှား၊ ဆင်ခြေဖုံး ရပ်ကွက်က အထုအထောင်းခံ မိသားစုတွေရဲ့ ကွာခြားပုံလေးတွေကို လေ့လာခဲ့ကြပါနော်။
အမေစုရဲ့ အမှတ်တရ ရင်ထိုးတံဆိပ်လေးတွေ၊ အင်္ကျီ ပုံစံလေးတွေကိုပဲ ၀ယ်ပြီး မပြန်ခဲ့ကြပါနဲ့ ၊ ပူပြင်းတဲ့ နေရောင် အောက်မှာ ဘုရားဖူး ကားနောက်ကို ပြေးလိုက်နေကြတဲ့  စပါးခင်းတေါ အလုပ်ခွင်တွေထဲ ရောက်နေကြတဲ့ လူမမယ်ကလေးငယ်တွေ အမှီအခိုကင်းပြီး၊
ကျန်းမာရေးချို့တဲ့နေကြတဲ့ သက်ကြီး ရွယ်အိုတွေ၊ အနာဂတ်တွေ မှေးမှိန်နေတဲ့ ကြားက ရသမျှ အခွင့်အရေးလေးတွေကို တအားကုန် အသုံးချနေကြရတဲ့ လူငယ်လူရွယ်လေးကို ဘယ်လို အားပေးမျှဝေနိုင်မလဲလို့ ကြည့်ခဲ့ကြပါလို့ ။
ဒီလိုချို့တဲ့နေတာလေးတွေကို တွေ့လို့ မြင်လို့ ကိုယ့်အိတ်ထဲက စိုက်ထုတ် လှူဒါန်းခဲ့မယ်၊ မျှဝေခဲ့မယ်ဆိုတာ ယုံကြည်ပါတယ်။ ဒါပေမဲ့ ပြဿနာ ရဲ့ အရင်းအမြစ်ကိုတော့ မေ့မေ့ပျောက်ပျောက် မဖြစ်စေချင်ပါဘူး၊ လွှတ်တော်အဆောက်အအုံကြီးထဲက စစ်သားအစိတ်သားကို ဖယ်ရှားနိုင်အောင်ပိရိသေသပ်တဲ့ လှည့်ကွက်လား၊ လုပ်ကွက်လား မကွဲပြားနိုင်တဲ့ ၂၀၀၈ ဖွဲ့ စည်းပုံကြီးကို ပြင်နိုင်အောင်၊ တိုင်းရင်းသား ညီအစ်ကို မောင်နှမများ သာတူညီမျှ အေးချမ်းစွာ နေထိုင်နိုင်တဲ့ အခြေအနေကို ရောက်ရှိဖို့ ဆက်လက်ကြိုးစားလှုပ်ရှားရမှာတွေ အများအပြား ရှိနေဆဲ ပါလို့ ဦးမောင်ရစ်ကြီးက ပြောပြပေးပါဦးလို့ မေတ္တာရပ်ခံတာပါရှင်။
အမေစုရဲ့ ခရီးမျိုးစုံနဲ့ ၀တ်စုံလှလှ ရောင်စုံဓာတ်ပုံလေးတွေက ကချင်ပြည်နယ်မှာ ကြွေကျနေရတဲ့ မျက်ရည်တွေကို မဖုံးလွှမ်းသင့်ပါဘူး၊ အမိမြေနဲ့ ဝေးလို့ Internet ပေါ်က သတင်းလေးတွေပဲ နားဆင်နေရတယ်ဆိုရင်ဖြင့်လဲ ရခိုင်ပြည်သားတွေရဲ့ ကြိမ်မီးအုံး ခံစားရတဲ့ ဝေဒနာ၊ ရင်ထဲကအသံတွေလဲ နားဆင်ပေးကြပါလို့ မေတ္တာရပ်ခံပါရစေ။
ကိုယ့်ရဲ့ ခြိုးခြံချွေတာရတဲ့ လစာငွေထဲက နိုင်ငံခြားတိုင်းတပါးသားတွေ ရောင်းတဲ့ ဆိုင်တွေမှာ အားပေးဝယ်စားနေကြသလို၊ တစ်လတစ်ခါ သုံးလတစ်ခါ၊ ဒါမှမဟုတ် ရံဖန်ရံခါမှ ကျင်းပရတဲ့ မြန်မာတိုင်းရင်းသား သာရေး၊နာရေး လူမှုရေးပွဲတွေမှာ အားပေးကြရတာမို့ ပုဂ္ဂိုလ်ရေးတွေ ၊ ရင်ထဲက ခံစားချက်တွေကို မေ့ပျောက်လို့ ကျွန်မတို့ရဲ့ တိုင်းရေးပြည်ရေး အသင်းအပင်းပွဲလမ်းတွေမှာလဲ ပါဝင်ကူညီကြပါဦးလို့ ပန်ကြားချင်တာကြောင့် အယ်ဒီတာကြီးကို အကူအညီတောင်းရင်း၊ ဒီစာလေးကို ရေးရခြင်းဖြစ်ပါတယ်ရှင်။
နန်းသုသုခင်
Joint Action Commette for Democracy in Burma
(JACDB)
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
