မိုးမခအထောက်တော် အမှတ် ၀၀၄
စက်တင်ဘာ ၂၀၊ ၂၀၁၂
ဓာတ်ပုံ – Brendan Hoffman/The New York Times
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်သည် ယမန်နေ့က အိမ်ဖြူတော်သို့ သွားရောက် လည်ပတ်ပြီး သမ္မတ အိုဘားမားနှင့် ခေတ္တတွေ့ဆုံသည်။
နိုဗဲလ်ငြိမ်းချမ်းရေးဆုရှင်နှစ်ဦး ဆွေးနွေး ပြောဆိုကြသည့် အကြောင်းအရာများနှင့် ပတ်သက်ပြီး ထုတ်ပြန်ကြခြင်း မရှိသေးပေ။
အိမ်ဖြူတော် ပြောခွင့်ရပုဂ္ဂိုလ် Jay Carney ၏ ထုတ်ပြန်ချက်ကိုသာ သတင်းများတွင် ဖော်ပြထားကြသည်။
“ဒီလို လာရောက်မှုဟာ မြန်မာနိုင်ငံမှာ ပွင့်လင်းမြင်သာတဲ့ တရားမျှမှုရှိတဲ့ ဒီမိုကရေစီအစိုးရ ပေါ်ပေါက်ရေးအတွက် သူနဲ့တခြားပုဂ္ဂိုလ်များရဲ့ လှုပ်ရှားဆောင်ရွက်မှုတွေကို ကျွန်တော်တို့ ကာလကြာရှည်
ထောက်ခံကြောင်း ထပ်လောင်းအတည်ပြုလိုက်နိုင်တာဖြစ်ပါတယ်” ဟု အိမ်ဖြူတော် ပြောခွင့်ရပုဂ္ဂိုလ်က ဆိုသည်။
ပြီးခဲ့သည့် တနင်္ဂနွေနေ့က ရန်ကုန်မှထွက်ခွာလာသော ဒေါ်အောင်ဆန်းစုကြည်သည် အမေရိကန် မြို့အများအပြားတွင် ၁၇ ရက်ကြာ နေထိုင်ပြီး အောက်တိုဘာ ၃ ရက်နေ့တွင် ရန်ကုန်သို့ ပြန်မည်ဖြစ်သည်။
ဓာတ်ပုံ – AP
ဓာတ်ပုံ – AFP
ကွန်ဂရက်ကျူလေးရှင်းပါ အမေ။ မြန်မာနိုင်ငံအတွက် အရမ်းကိုဂုဏ်ယူစရာကောင်းပါတယ် အမေ။
မြန်မာပြည်သူပြည်သားတွေအတွက် အမေ အားတင်းထားပါဦး၊ ကြိုးစားပေးပါဦးနော် အမေ။
အမေ့ကျန်းကျန်းမာမာနဲ့ မြန်မာနိုင်ငံအရေး၊ မြန်မာပြည်သူပြည်သားအရေးတွေကို အများကြီးလုပ်ဆောင်ပေးနိုင်ပါစေလို့ ဆုတောင်းနေပါတယ် အမေ။