အေးအေးလူလူအချိန်ရရင် ရာဇ၀င်စာအုပ်တွေ ပြန်ဖတ်ချင်တယ်
ဆောင်းယွန်းလ
နုိုဝင်ဘာ ၁၉၊ ၂၀၁၃
ရခဲလှပါတယ်ဆိုတဲ့ လူ့ဘ၀ထဲမှာ ရလေရာရာကို
ရောက်လေရာရာ အရပ်ကနေ ခဲရာခဲဆစ်ခဲထားလို့
အခိုက်အတန့်ဆိုတဲ့ အခိုက်အတန့်လေးတွေထဲမှာ
တန်ဖိုးနဲ့သိက္ခာတွေကို မပြတ်တမ်း ဇာတ်လမ်းထွင်
ခဏခဏ မှတ်တမ်းတင်နေရင်း
ရှင်နေမင်းကို လှုပ်နှိုးတတ်တဲ့ မနက်ခင်းတွေက
မိုးလင်းပြီဆိုတာနဲ့
သဘာဝမကျတဲ့သဘာဝတွေကို
ကျောဆယ်ခါ ရင်ဆယ်ခါ ပျာပျာသလဲသပ်ပြီး
ဖြီးလိမ်းထားရတဲ့ အရောင်တွေက တလက်လက်
ခန္ဒာကိုယ် အသွေးအသားမှတ်တိုင်မှာ ဈေးကစားရအောင်
ဗီတာမင်ချိုချဉ်စပ်ခါးကို
အထားအသိုမှန်မှန် အချိုးအစားတကျ
အရည်တမျိုး အဖတ်တဖုံ မှုန်ဝါးဝါးခေတ်ကြီးက
ရေးဆွဲထားပေးတဲ့ ပုံစံခွက်ထဲမှာ
ရာစုနှစ်တွေ လက်ပမ်းကျတဲ့အထိ
လက် အနှစ်ခြောက်ဆယ်ကျော် ပစ်ကူး
ခြေ အနှစ်ခြောက်ဆယ်ကျော်နဲ့ ကုန်းခတ်
အမှတ်တရအဖြစ်
မှတ်မှတ်ရရ ဆိုင်းဘုတ်ထောင်ထားတဲ့ တီးရှော့ပ်မှာ စိတ်ကိုဂိတ်ထိုးရင်း
မှန်ဘောင်သွင်းထားတဲ့ တောနဲ့တောင်တွေရဲ့ အရိပ်အာဝါသကို
စီးကရက်တလိပ်နဲ့ အေးရာအေးကြောင်း ဖီလင်ယူရင်း
ဟိုလူနဲ့ဒီလူဟာ
ဘယ်သူက လူ့ဘ၀မှာ
ဘယ်လောက်ကြာကြာ နေထိုင်အသက်ရှင်ဖို့ စိတ်ကူးထားသလဲ
စိတ်ကူးတွေကို မီးရဲနေအောင်ဖွာပြီး
ကမ္ဘာကြီးမှာ ကပ်ကြီးတွေ တကပ်ပြီး တကပ်
လေယဉ်တွေ တစင်းပြီးတစင်း ဆိုက်ကပ်တဲ့
အင်တာနေရှင်နယ် လေဆိပ်ကြီးတွေလို ထည်ဝါခန့်ညားမှုအပေါင်းနဲ့
လူ့အသက် အိုးအိမ် စိတ်ဓာတ်တွေ ဖရိုမရဲဖြစ်သွားအောင်
လက်ရဲဇက်ရဲနိုင်ပုံ စုံလင်ရှည်လျားတွေးရင်း
ခပ်ဖြေးဖြေးနဲ့ ပျက်စီးခြင်းငါးပါးရဲ့ ညနေခင်းချောက်နက်ထဲ
တလိမ့်ချင်း ထိုးဆင်းသွားတဲ့ ရှင်သန်ခြင်းကို ပြန်ထူမတ်တော့
ရန်သူတပ်ဟာ အထက်အောက် ရှေ့နောက်ဝဲယာမှာ
ရောဂါဘယအလံကိုထူရင်း တိတ်တဆိတ်ချဉ်းကပ်
ဘ၀ကို ဓားပြတိုက်လုယူသွားတဲ့ အချိန်တွေရဲ့ ရွေ့လျားမှုနှုန်းက ညင်သာတယ်…..
အေးအေးလူလူအချိန်ရခဲ့ရင် ရာဇ၀င်စာအုပ်တွေ ပြန်ဖတ်ချင်တယ်..
ပူပူလောင်လောင်ဆိုတော့လည်း
ရာဇ၀င်ထဲမှာပဲ ငါ့ကိုထားရစ်ခဲ့လေပေါ့
သံသရာ..ရေစီးကြောင်းထဲမှာ ရွှေထီးဆောင်းခဲ့ဖူးတဲ့
တခေတ်တခါဆိုတဲ့ ရာဇ၀င်စာအုပ်ဟာ
သင်ရိုးညွှန်းတမ်းတခုအဖြစ် လွမ်းလို့ကျန်ရစ်ပေါ့…..။