>
ဒီဇင်ဘာ ၁၀၊ ၂၀၁၁
ကျွန်မစာရေးတိုင်း အချိန်ကို ကျွန်မက အစိုးရမှရေး၍ ဖြစ်သည်။ လွတ်လွတ်လပ်လပ် ညဘက်လူခြေတိတ်ချိန်မှ နံနက်လင်းအထိဖြစ်စေ ရေးလေ့ရှိသည်။ စာမူအရေးကြီး၍ အခြေအနေအရ နေ့လယ်၌ ရေးရမည်ဆိုလျှင်လည်း အခန်းတခါးပိတ်ကာ ထမင်းမှန်းမသိ၊ ဟင်းမှန်း မသိ မပြီးမချင်း မထတမ်းရေးတတ်သည်။ ဒီအချိန်က ဒီချိန်ဟု အချိန်ကန့်သတ်၍ တစ်ခါမှ စာမရေးခဲ့ဘူးချေ။
‘ရင်နင့်အောင်မွှေး’ ၀တ္ထုကို ကျွန်မရေးခဲ့ရပုံမှာ ကျွန်မရေးဆွဲထားသော အချိန်ဇယားထဲမှာ ကျွန်မကိုယ်ပိုင်အချိန်ဖြစ်သော နေ့လယ်၁၂ နာ ရီမှ နေ့လယ် ၂ နာရီအတွင်း ၁ နာရီ၊ ၂ နာရီသာလျှင် တစ်နေ့စာ စာရေးနိုင်သောအချိန်သည် စိတ်အနှောင့်အယှက်ကြုံခဲ့ရသည်။ စိတ်သန်လှစွာ သွန်၍ရေးနေခိုက် ၂ ချက်ထိုးသည်နှင့် ရှေ့ဆက်၍မရေးနိုင်တော့ဘဲ ဖောင်တိန်ကိုပစ်ချလိုက်ရကာ စိတ်ပုတီးကောက် ကိုင်ရသည်။ ရေးရင်းပင် အပြေးအလွှားပေါ်နေသော စကားလုံးများ၊ အကြောင်းအရာမှား တဆင့်တည်းရှိပါလျက်နှင့် တပိုင်းတစ ဖြုတ်ချ လိုက်ရသောအခါ၌ ရေငတ်လွန်း၍ ရေသောက်နေခိုက် မ၀မီ ရေခွက်ကိုပုတ်ချခံလိုက်သကဲ့သို့ အာသာမပြေ ဆတ်တငံ့ငံ့ကြီး ခံစားရသော ခံစားချက်မျိုးကို ၂ နာရီထိုးတိုင်း နေ့စဉ်ခံစားလျက်ရှိရသည်။ ရေးရင်းတဆက်တည်းပေါ်နေသော စကားလုံးများနှင့်အတွေးများကို နှမြော လွန်း၍ ဘယ့်နှယ်ရှိရှိ ပြီးအောင်ဆက်၍ရေးမည်ဟု ကြံစည်၍လည်းမဖြစ်နိုင်။ ၁၈၀၀ အဓိဋ္ဌာန်ပြုထားသော ပုတီးက ကျွန်မကိုချလိုက်တော့ဟု တချက်လွှတ်အမိန့်ပေးနေသကဲ့သို့ ဖြစ်နေသည်။
တခါတရံ ည ၉ နာရီမှ ၁ ချက်၊ ၂ ချက်အထိ အချိန်ပြောင်း၍ ရေးချင်လှသည်။ အဓိဋ္ဌာန်အတိုင်း နံနက် ၄ နာရီထိုး၍ ထရသည်ဖြစ်၍ တည ကုန်ထိုင်ရေးလျှင် ကျန်းမာရေး မုချထိခိုက်မည်ဖြစ်ခြင်းကြောင့် ည ၉ နာရီ၌ စာရေးချင်လှသည့်စိတ်ကို ပြန်၍ချုပ်ထားရသည်။
စောစောက အဓိဋ္ဌာန်မလုပ်မိလိုက်လျှင်ကောင်းမှာဟု ဆတ်တငံ့ငံ့ ခံစားရသောအဖြစ်မျိုးကိုခံစားရတိုင်း ကိုယ့်ဟာကိုယ်ပင် အပြစ်တင် မိပြန်သည်။
ယင်းသို့ဖြင့် တနေ့တွင် ရေးနိုင်သောအချိန် ၁ နာရီ၊ ၂ နာရီနှင့်သာ ဤ၀တ္ထုကိုရေးခဲ့သည်။ ရေးနေရင်းမှ အကြောင်းအားလျော်စွာ ဆက်မ ရေးဖြစ်ဘဲ ၈ လခန့်ပစ်ထားသည်လည်း ရှိ၏။ ၃ လခန့်ဝေးနေသည်မျိုးလည်း ရှိ၏။ တနေ့အတွက် ကောက်သင်းကောက်သလို စာ ကြောင်းရေ ၁၀ ကြောင်း၊ ၁၅ ကြောင်းစုရသည်လည်း ရှိသည်။ စာမျက်နှာ ၁၀ မျက်နှာ၊ ၁၅ မျက်နှာ စုရသည်လည်းရှိသည်။ အစက ပြန် ကောက်ရန် အတွေးမပေါ်၍ စိတ်အနှောင့်အယှက် ဖြစ်လျက် စာတစ်လုံးမှ မရေးဖြစ်သည့်နေ့လည်းရှိသည်။ အချိန်ကိုလု၍ စာရေးရမှု၊ အချိန်ကို ကန့်သတ်၍စာရေးရမှု၊ ဦးနှောက်ပင်ပန်းမှု၊ စိတ်ပင်ပန်းမှုမျိုးကို မလွှဲမရှောင်သာ နေ့စဉ်နှင့်အမျှ ရင်ဆိုင်ရကာ နောက်ကျားလိုက် သလိုပင် ရေးခဲ့ရသည်။
ထိန်းသိမ်းထားသည့် သုံးနှစ်ပတ်လုံးကို အဓိဋ္ဌာန်ချက် ထိုအချိန်ဇယားအတိုင်း မပျက်မကွက် နေ့စဉ်နေ့တိုင်း သံသရာစက် လည်ပတ်လျက် ရှိရာ ကျွန်မကို လွှတ်သည့်နေ့၌ ဤ ၀တ္ထု မှာ (၃၄) ခန်းသာပြီး၍အဆုံးသတ်ရန် အခန်း (၁) ခန်း ကျန်သေးသည်။ ကျွန်မလွတ်မြောက် လာပြီး ‘ရှုမ၀’ အယ်ဒီတာအဖွဲ့က ရှုမ၀မဂ္ဂဇင်းကို ဤ၀တ္ထုဖြင့်ကူညီရန်ပြောလာသည့်အခါ၌ လွတ်လွတ်ချင်း စာအုပ်ထုတ်ရန် ရည်ရွယ်ထား ချက်ကို ပယ်လျက် ရှုမ၀အခန်းဆက်ဝတ္ထုရှည်ထည့်ရန် စေတနာရှိရှိ စာမူကြီးကို ထိုးအပ်ကူညီလိုက်ရသည်။
ရှုမ၀၌ ကျွန်မ၀တ္ထုမပါမီ ကြော်ငြာလေသည်။ ‘ဂျာနယ်ကျော်မမလေး ၃ နှစ်တွင်းအချိန် ယူရေးသားခဲ့သော …ဟူသည့် ရှုမ၀ကြော်ငြာကို ဖတ်ရသောအခါ၌ အချိန်မယူနိုင်ဘဲ မရရအောင် အချိန်ရှာ၍ လုံးလည်ချာလည်လိုက်အောင် ရေးခဲ့ရသည့်ဖြစ်အင်ကို ပြန်၍မြင်ယောင်မိ ကာ ကျွန်မပြုံးနေမိသည်’ ဟူ၍ ရေးသားဖော်ပြထားသည်။
“ဂျာနယ်ကျော်မမလေးသည် မိန်းမသားတဦး၏ စိတ်တွင်းခံစားချက်ကို အနုစိပ်၍ ခြယ်မှုန်းရေးသားတတ်သူဖြစ်သည်။ ဂျာနယ်ကျော်မမ လေး၏ စကားပြေအရေးအသားမှာ သူ့ခံစားချက်၊ သူ့အတွေးအခေါ်ကို သူကိုယ်တိုင်ကတဆင့်ပြောပြနေသလို ညက်ညောသည့် အရေး အသားမျိုးဖြစ်သည်” ဟု လင်းယုန်နီက မှတ်ချက်ပေးဖူးသည်။
ဆရာဒဂုန်တာရာကလည်း …
“ဂျာနယ်ကျော်မမလေး၏၀တ္ထုတိုများသည် အားလုံးလိုလိုပင် ၀တ္ထုအတတ်ပညာနှင့် ပြည့်ဝလှပေသည်။ ‘အေးအေး’ မှာ စာရေးသူ၏ ပြုပြင် ရေးဝါဒကို ဖော်ပြထားသည်။ ‘ဗာဟီရ’ မှာ အိမ်ထောင်၏ ပိုက်ဆံအိတ်သဘောကို ဖွင့်ပြထားသည်။ ‘သည်ဆောင်း’ နှင့် ‘သည်မိုး’ မှာ ပစ္စည်းမဲ့ဆင်းရဲသားတောသားဘ၀၏ ပန်းချီကားချပ်ဖြစ်လေသည်။ သရုပ်သဏ္ဍာန်လည်း ပေါ်လှ၏။ လွမ်းစရာလည်းကောင်းလှ၏။
‘တရားပုလိပ်စောင့်’ မှာ ပုလိပ် (ရဲ) အဖွဲ့သားတိုင်းဖတ်ထိုက်သော ပြုပြင်ရေးဆန်ဆန်ဝတ္ထုတိုဖြစ်၏။ ‘မိန်းမပီပီ’ ကား မင်းပိုင်းစိုးပိုင်း ကတော်များ၏ နေမှုထိုင်မှုမှ အိမ်ထောင်သိမ်းဆည်းရေး အအက်အနာများကို ကြည့်ရှုတွေ့မြင်ချက်ဖြစ်၏။
ဂျာနယ်ကျော်မမလေးကား ၀တ္ထုရေးဆရာတို့၏ အရည်အချင်းတရပ်ဖြစ်သော စေ့ငုသေချာစွာ သိမြင်ကြည့်ရှုတတ်ခြင်းဖြင့် ပြည့်ဝလှ သည်။ သူမ၏၀တ္ထုတိုများတွင် အသေးစိတ် မှုန်မှုန်သေးသေးများပင်ပါ၍ အားကောင်းသောမှန်ဘီးလူးနှင့်ကြည့်သကဲ့သို့ ပီသခြင်း အသေး စိတ်များပါ အကုန်လာ၍ ထင်ပေသည်။
၎င်းအပြင် မမလေး၏အတွေးအခေါ်များမှာ မိန်းမပီသပြီးလျှင် ဖတ်ချင်စဖွယ်ကောင်းလှသည်။ စာပေမွေ့သူတို့သည် စေ့စပ်၍ သေသပ်လှပ သော ရှုမငြီးကိုဖတ်၍ ၀တ္ထုတို၏အရသာကို ခံစားနိုင်လိမ့်မည်ဟု မျှော်လင့်မိလေသည်” ဟူ၍ ဂျာနယ်ကျော်မမလေး၏၀တ္ထုတိုများ ကိုဝေဖန်ထားလေသည်။
ဂျာနယ်ကျော်မမလေးရေးသားခဲ့သော စာပေလက်ရာများမှာ ၀တ္ထုရှည် ၁၄ ပုဒ်ရှိ၍ ၀တ္ထုတို ၃၀ ပုဒ်ရှိသည်။ ၀တ္ထုရှည်များမှာ …
(၁) အေးအေး – ဂျာနယ်ကျော် ၁၉၄၅ သြဂုတ်လ
(၂) ကျွန်တော့်သားလေး – ဂျာနယ်ကျော် ၁၉၄၆ သြဂုတ်လ
(၃) လူ – ဂျာနယ်ကျော် ၁၉၄၉ ဇန်န၀ါရီ
(၄) နတ်ရေးငယ်ရွှေစာ – ရှုမ၀ ၁၉၅၃ ဒီဇင်ဘာ
(၅) ရွှေလင်းယုန် – ရှုမ၀ ၁၉၅၄ ဇူလိုင်
(၆) လောကီရတနာ – ရှုမ၀ ၁၉၅၄ အောက်တိုဘာ
(၇) မုန်း၍မဟူ – ရှုမ၀ ၁၉၅၅ မေလ
(၈) မေတ္တာ – ရှုမ၀ ၁၉၅၆ စက်တင်ဘာ
(၉) သူမ – ရှုမ၀ ၁၉၅၇ မတ်
(၁၀) ရင်နင့်အောင်မွှေး – ရှုမ၀ ၁၉၆၇ ဧပြီ
(၁၁) ရဲဘော်ခင်မှတ်တမ်း- ငွေတာရီ ၁၉၆၈ ဇန်န၀ါရီလ
(၁၂) ရင်မှာတရှိုက် – စန္ဒာ ၁၉၇၀ သြဂုတ်
(၁၃) သွေး – ရှုမ၀ ၁၉၇၃ ဧပြီ
(၁၄) အဖြူ တို့ဖြစ်ကြသည်။
ဝတ္ထုတိုများမှာ –
(၁) မသိရလေခြင်း ဂျာနယ်ကျော် ၁၉၄၁ မေ
(၂) မိခွေး၊ မိခွေး ဂျာနယ်ကျော် ၁၉၄၅ အောက်တိုဘာ
(၃) အခုအမျိုးသားနေ့ ဂျာနယ်ကျော် ၁၉၄၅ နိုဝင်ဘာ
(၄) ဗာဟီရ ဂျာနယ်ကျော် ၁၉၄၅ ဒီဇင်ဘာ
(၅) မိန်းမပီပီ ဂျာနယ်ကျော် ၁၉၄၆ မေလ
(၆) သည်မိုး ဂျာနယ်ကျော် ၁၉၄၆ ဇူလိုင်
(၇) သည်ဆောင်း ဂျာနယ်ကျော် ၁၉၄၆ ဒီဇင်ဘာ
(၈) မှန်မှန်ကန်ကန် ဂျာနယ်ကျော် ၁၉၄၈ ဇူလိုင်
(၉) မိန်းမ၀တ္ထု ရှုမ၀ ၁၉၅၁ မေ
(၁၀) စိရိတ္တမဏ္ဍိုင် ရှုမ၀ ၁၉၅၂ ဇွန်
(၁၁) မုဆိုးမ ရှုမ၀ ၁၉၅၃ စက်တင်ဘာ
(၁၂) ခေမာရီ ဂန္တ၀င်ဂျာနယ် ၁၉၅၄ မတ်
(၁၃) ပျို့ကရုဏာ ရှုမ၀ ၁၉၅၃ နိုဝင်ဘာ
(၁၄) ကာဖီ ရှုမ၀ ၁၉၅၄ သြဂုတ်
(၁၅) ဗမာ့ငြိမ်းချမ်းရေး ရှုမ၀ ၁၉၅၄ မတ်
(၁၆) မြက်ကလေးတပင် ရှုမ၀ ၁၉၅၄ နိုဝင်ဘာ
(၁၇) မေ့အိပ်မက် ရှုမ၀ ၁၉၅၅ ဖေဖော်ဝါရီ
(၁၈) ကုသိုလ်ပေါ့ဟယ်… ရှုမ၀ ၁၉၅၆ ဧပြီ
(၁၉) ဘ၀အဖော် ရှုမ၀ ၁၉၅၆ ဇူလိုင်
(၂၀) ဥမ္မသကာ မြ၀တီ ၁၉၅၆ နိုဝင်ဘာ
(၂၁) အ၀ယ်နှင့်အရောင်း ရှုမ၀ ၁၉၅၇ ဒီဇင်ဘာ
(၂၂) တွေးတစိမ့်စိမ့် ရှုမ၀ ၁၉၅၈ ဇွန်
(၂၃) လှတမျက်နှာ ရှုမ၀ ၁၉၅၈ ဧပြီ
(၂၄) တသက်မှာ တခါကြုံသည် ရှုမ၀ ၁၉၅၈ ဇူလိုင်
(၂၅) ပျိုလေးတို့အိမ်ခေါင်မိုး ရှုမ၀ ၁၉၅၉ စက်တင်ဘာ
(၂၆) သံသရာဘေး ရှုမ၀ ၁၉၅၉ နိုဝင်ဘာ
(၂၇) သည်အပူ ငွေတာရီ ၁၉၆၁ ဇူလိုင်
(၂၈) အားမကျပေါင်ရှင် န၀ဒေး ၁၉၆၃ ဇန်န၀ါရီ
(၂၉) နီးလျက်နှင့်… စန္ဒာ ၁၉၇၀ ဇန်န၀ါရီ
(၃၀) ထိုအမော ဖြူနီညိုပြာ ၁၉၇၀ နိုဝင်ဘာ စသည်တို့ဖြစ်သည်။
အဆိုပါဝတ္ထုများအနက် မြက်ကလေးတစ်ပင် ၀တ္ထုတိုကို ၁၉၆၈ ခုနှစ်၊ ဂျာမန်ဘာသာ၊ တွေးတစိမ့်စိမ့်ဝတ္ထုတိုကို ၁၉၈၄ ခုတွင် ရုရှားဘာသာ၊ သွေးဝတ္ထုကို ၁၉၇၇ ခုတွင် ဂျပန်ဘာသာ၊ မုဆိုးမကို အင်္ဂလိပ်ဘာသာသို့ ပြန်ဆိုခြင်းခံရသည်။
ဂျာနယ်ကျော်မမလေး ရေးသားခဲ့သောစာအုပ်များအနက် ‘မုန်း၍မဟူ’ စာအုပ်ကို ၁၉၅၅ ခုနှစ်အတွက် စာပေဗိမာန် (၀တ္ထုရှည်ဆုကိုလည်း ကောင်း၊ တွေးတစိမ့်စိမ့်ဝတ္ထုပေါင်းချုပ် စာအုပ်ဖြင့် ၁၉၆၃ ခုနှစ်အတွက် အနုပညာဆိုင်ရာ (၀တ္ထုတိုပေါင်းချုပ်) တတိယဆုတို့ကိုလည်း ကောင်း) အသီးသီးရရှိခဲ့သည်။
ထို့ပြင် ဂျာနယ်ကျော်မမလေးသည် ခရီးသွားမှတ်တမ်း၊ ဆေးပညာ၊ ဘာသာပြန်၊ အတ္ထုပ္ပတ္တိနှင့် အထွေထွေစသည့် ဆောင်းပါးများကိုလည်း ရေးသားခဲ့သည်။
ခရီးသွားမှတ်တမ်း ဆောင်းပါးများအနက် ‘အရှေ့တခွင်ရောက်ခဲ့စဉ်က’ (၁၉၅၁)၊ ‘မြစ် ကြီးနား ကချင်မနောပွဲ’ (၁၉၅၃)၊ ‘ငွေနှင်းစိုစိုမော်စကို’ (၁၉၅၃)၊ ‘သီရိလက်ျာတောင်မြေ’၊ ‘ဟီရိုရှီးမား’ (၁၉၅၈) ‘စာပေခရီးသည်’ (၂၀၁၀) စသည်တို့ကို ရေးသားခဲ့သည်။
ဂျာနယ်ကျော်မမလေးသည် မြန်မာ့ဆေးပညာ နေလ၀ိဇ္ဖာနည်းကို ၁၅ နှစ်ခန့်ဆည်းပူး လေ့လာခဲ့ပြီး၊ နိုင်ငံတော်ဆေးဝါးလုပ်ငန်းစက်ရုံသို့လည်း သွားရောက်လေ့လာ၍ တိုင်းရေးဆေး ပညာဆောင်းပါးများကို သွေးသောက်၊ ရှုမ၀မဂ္ဂဇင်းများ၌ ရေးသားခဲ့သည်။ သူသည် ရန်ကုန် မြို့အနော်ရထာလမ်းပေါ်ရှိ သီဟရတနာပုံနှိပ်တိုက်တွင် နေ့စဉ်ဝေဒနာရှင်များအားတွေ့ဆုံကာ ဆေးဝါးဓာတ်စာပေး၍ မြန်မာ့ဓာတ်နည်းဖြင့် ကုသပေးလျက် ကျန်းမာအောင် နေထိုင်စား သောက်တတ်ဖို့ သတိပေးရင်း ဆေးပညာပေး ဆောင်းပါးများ ရေးခဲ့သည်။ ၁၉၅၃ ခုတွင် သွေး သောက်မဂ္ဂဇင်းတို့၌ ရေးသားခဲ့ပြီးသော ဆေးပညာဆောင်းပါးများကို စုစည်း၍ ၁၉၆၂ ခုနှစ် တွင် ‘ဆေးပညာဆောင်းပါးများ’ အမည်ဖြင့် လည်းကောင်း၊ ၁၉၆၇ ခုတွင် မြန်မာ့ဆေးပညာ စာ အုပ်ကိုလည်းကောင်း ထုတ်ဝေခဲ့သည်။
ထို့ပြင် အေးအေး၊ မိခွေးမိခွေး၊ ဗာဟီရ၊ အမျိုးသားနေ့၊ တရားပလိပ်စောင့်၊ မိန်းမပီပီ၊ သည်ဆောင်း၊ မာမရှိန်း၊ သည်မိုးစသော ၀တ္ထုတိုများ ကိုစုစည်း၍ ‘ရှုမငြီး’ အမည်ရှိ ၀တ္ထုတို ပေါင်းချုပ်ကိုလည်း ထုတ်ဝေခဲ့သည်။
အတ္ထုပ္ပတ္တိစာပေအနေနှင့်ကား ရုပ်ရှင်မင်းသမီး ကြည်ကြည်ဋ္ဌေးအကြောင်းကို ရေးဖွဲ့ထားသော ‘မာလာရီ’ စာအုပ်နှင့် ခင်ပွန်းဖြစ်သူ ဂျာနယ် ကျော် ဦးချစ်မောင်၏ဘ၀ကို ရေးသားထားသော ‘သူလိုလူ’ စာအုပ်တို့ကို တွေ့ရသည်။
မာလာရီစာအုပ်တွင် ဒါရိုက်တာဗိုလ်ကလေးတင့်အောင်၊ အေ၀မ်းဦးတင်မောင်၊ ဦသုခ၊ အောင်မြင့်မြတ်၊ ကြည်ကြည်ဋ္ဌေး၏သား မောင်ပါတို့ ၏ မှတ်တမ်းများကိုပါ ပူးတွဲဖော်ပြထားသည်။
အတ္ထုပ္ပတ္တိဆောင်းပါးအနေနှင့်မူ ၂၂ ပုဒ်ရှိသည်ကို တွေ့ရသည်။
‘သူလိုလူ’ အတ္ထုပ္ပတ္တိစာအုပ်နှင့်ပတ်သက်၍ ဂျာနယ်ကျော် အယ်ဒီတာဂုဏ်ရောင်က … “အအိပ်မမှန်၊ အစားမမှန်သဖြင့် အသားရေခြောက် ခန်းလျက် မျက်တွင်းမျက်ချောင်ကျ နေသော လူပျိုအယ်ဒီတာချုပ်တစ်ဦးသည် သူအလုပ်လုပ်လျက်ရှိသော သတင်းစာတိုက်ကြီးအား သူ၏တစ်ကိုယ်လုံးကို အပ်နှံလျက် သူ၏ ဦးနှောက်မှယိုစိမ့်၍ထွက်သော အခိုးအလျှံဖြင့် သူ၏တိုင်းပြည်ကို ပူဇော်လျက်ရှိနေစဉ် သူနှင့်တခါ ဘူးမျှ မျက်နှာချင်းမဆိုဘူးသော မိန်မပျို တစ်ဦးသည် သူ့မျက်မှောက်၌ ဘွားခနဲပေါ်လာကာ သူ၏အကျင့်လွန်မှုကို ကြေးမုံဖြင့်ပြပြီး နောက် မပျော့မတင်းသော စောင်းသံကို တီးပြခဲ့လေသည်။
အယ်တီတာချုပ်သည် ထိုစောင်းသံရှင်ကြောင့် သူ၏ဘ၀ကို သူပြန်၍ မြင်လာလေသည်။ စောင်းသံရှင်ကို သူအလွန်ကျေးဇူးတင်လေသည်။ သူသည် ကျေးဇူးတင်လွန်းသဖြင့် စောင်းသံရှင်နှင့် အနီးစပ်ဆုံးသောဘ၀သို့ရောက်အောင် အမိအရ ကြိုးပမ်းခဲ့လေသည်။ အယ်ဒီတာချုပ် သည် စောင်းသံရှင်ကို ရခဲ့လေသည်။
ဂျာနယ်ကျော်မမလေးသည် စောင်းသံရှင်အဖြစ်ဖြစ် ဂျာနယ်ကျော်ဦးချစ်မောင်၏ အယ်ဒီတာဘ၀၊ ဦးချစ်မောင်၏ ဆန်းကြယ်သောနဖူးစာ၊ ထူးခြားသော စိတ်နေသဘောထား၊ ဦးချစ်မောင်၏ အိမ်ထောင်သည်ဘ၀မှာသည် ကွယ်လွန်သည့်အချိန်အထိ ဂျယ်နယ်ကျော်မမလေး သည် ဦးချစ်မောင်၏ အနီးစပ်ဆုံးနေရာ၌ ရောက်နေသည့်ဇနီးသည်ဘ၀မှ မြင်ရပုံကို စာပန်းချီရေးဖွဲ့၍ ပြထားသည်” ဟူ၍ ရေးသား ထားလေသည်။
သူလိုလူ (ပထမတွဲ) ပထမနှိပ်ခြင်းစာအုပ်အမှာစာ၌ ဂျာနယ်ကျော်မမလေးက သူလိုလူစာအုပ်နှင့်ပတ်သက်၍ အောက်ပါအတိုင်း ရေးသား ခဲ့သည်။
ဂျာနယ်ကျော်တွင် ‘သူလိုလူ’ ၀တ္ထုရေးမည်ဟု ကြော်ငြာစဉ်က ဤ၀တ္ထုရေးဖို့ရာ ကြော်ငြာခြင်းမဟုတ်ဘဲ မိန်းကလေးများအတွက် အိမ် ထောင်ရေးတွင် အိမ်ထောင်ရွေးနည်းဝတ္ထုတစ် ပုဒ်ကို ‘သူလိုလူ’ အမည်ပေး၍ ထုတ်ဝေရန်သာ ကြော်ငြာခဲ့ခြင်းဖြစ်သည်ကို ဂျာနယ်ကျော်ပရိ သတ်တိုင်း သိရှိပေလိမ့်မည်။
ဤ၀တ္ထုဖြစ်ပေါ်လာအောင် လှုံ့ဆော်တိုက်တွန်း တောင်းပန်သည့်သူမပေါ်ပေါက်က ကျွန်မသည် ‘သူလိုလူ’ အမည်နှင့် ဤ၀တ္ထုကို ရေးဖြစ် လိမ့်ဦးမည်မဟုတ်ပေ။
ဆရာဖြစ်သူအား လေးစားကြည်ညိုချစ်ခင်၍ ဆရာ့အကြောင်းအရာ အတ္ထုပ္ပတ္တိကိုသာ အတ္ထုပ္ပတ္တိရင်းအတိုင်း သူလိုလူတစ်ယောက် သူလို ရှိခဲ့ဖူးခြင်းအကြောင်းကို ‘သူလိုလူ’ ၀တ္ထုအဖြစ်နှင့်ရေးပါရန် တက္ကသိုလ်ကိုမျိုးသန့်က အကြိမ်ကြိမ်အဖန်ဖန် အတန်တန်လာရောက် တိုက် တွန်းရုံမက၊ မကြာမီထုတ်ဝေခဲ့သည့် ဦးချစ်မောင်၏ မှတ်တမ်းဒိုင်ယာရီထဲတွင် ‘ဘယ်ရှေးကံ အဘိရာစရယ်ကြောင့်၊ သိလာရခုပုံ’ ဆိုသည့် ဇနီးဖြစ်သူအား အဆန်းတကြယ်တွေ့ရပုံကို ရေးစပ်ထားခဲ့သည့်ကဗျာမှာ ဖတ်ရသူတိုင်းထူးထူးဆန်းဆန်း အကြောင်းပါပုံပါနည်းကို သိ ချင်ကြားချင်ကြသည်တစ်ကြောင်း၊ ဦးချစ်မောင်မှာ အဘက်ဘက်ကပြည့်စုံဖူလုံနေသ့ည့် ဗဟုသုတပိဋကတ်အိုးကြီးတစ်ဆူဖြစ်၍ မုချ ဧကန် ဗဟုသုတဖြစ်ဖွယ်၊ မှတ်သားဖွယ်ကောင်းလောက်အောင် ထူးထူးခြားခြားအတွေးဖြင့် ပြည့်သိပ်နေမည့်အပြင် မိန်းမမြင့်လျှင် ခေါင်းမ ဖော်ဝံ့သူဖြစ်၍ ‘ဘုန်းကြီး’ ဟု ခေါ်တွင်ခြင်းခံခဲ့ရသော ဦးချစ်မောင်၏ အချစ်ဇာတ်လမ်းမှာ ဆန်း ဆန်းပြားပြား တစ်ခမ်းတစ်နားရှိပေလိမ့်မည်ဟု သိချင်စိတ် ယိုဖိတ်ပြင်းထန်လှပြီး ဦးချစ်မောင်၏ အဆွယ်အပွား သားသမီးများအတွက်သော်လည်းကောင်း၊ ဦးချစ်မောင်ကို ကျွန်တော်ကဲ့ သို့ လေးစားကြည်ညိုသူတွေအတွက်လည်းကောင်း၊ ဦးချစ်မောင်နှင့် ဇနီးဖြစ်သူတို့တွေ့ဆုံကြပုံအစမှ သေးဆုံးသွားသည့် နောက်ဆုံး အချိန်အထိ ဦးချစ်မောင်၏အတွင်းရေးကြီးကို တိုင်းပြည်တွင် မှတ်တမ်းတင်ထားအပ်ပါ ရေးသားထုတ်ဝေသင့်ပါသည်ဟု အကြိမ်ကြိမ် အဖန်ဖန် အတန်တန် မေတ္တာရပ်ခံ တောင်းပန်လွန်း၍ သူလိုလူတစ်ယောက် သူ့လိုရှိခဲ့ဖူးခြင်းကို မူရင်းအတိုင်း ရေးသားမှတ်တမ်းတင် အပ်သည်ဟု ယူဆခဲ့သည့်အတိုင်း ဤ၀တ္ထုကြီးကို စာဖတ်ပရိသတ်ရှေ့မောက်သို့ အရောက်တင်ပို့လိုက်ဖြင်းဖြစ်လေသည်။
အနောက်နိုင်ငံတွင် ထင်ရှားကျော်ကြားသူ ပုဂ္ဂိုလ်ကြီးများ၏ Auto Biography စာအုပ်ကြီးများမြောက်မြားစွာ ထွက်ပေါ်နေခဲ့သည်ကား ကြာခဲ့ချေပြီ။ မြန်မာပြည်တွင်မူ ဤလိုစာအုပ်မျိုးများထွက်ပေါ်မလာထူးသေး၍ အရေးစောနေမည်လောဟူ၍လည်း ချိန်ဆမိလေသည်။ ကွယ်လွန်သူ၏ အတွင်းရေးများဖြစ်၍ ၎င်း၏အတွင်းရေးများကို ဤပုံထုတ်ဖော်ရေးသားခြင်းကြောင့် စာဖတ်သူပရိသတ်အဖို့ အကျိုးဖြစ် ထွန်းနိုင်ဖွယ်ရာ ရှိပါမည်လောဟုလည်း ချိန်ဆမိသေးသည်။
သို့သော် ကွယ်လွန်သူ ဦးချစ်မောင်ရှိစဉ်က တနေ့နေ့တွင် ‘ကျွန်မ၏ခင်ပွန်း’ ဟူ၍ ကျွန်မ၏ခင်ပွန်းသည်၏ အတ္ထုပ္ပတ္တိကြီးကို ရေးသားကာ ခင်ပွန်းသည်အား ပေးအပ်ရန်နှင့် ဦးချစ်မောင်ကလည်း ‘ကျွန်ုပ်၏ဇနီး’ ဟူသော စာအုပ်တစ်အုပ်ရေးပြီး ဇနီးဖြစ်သူအားပေးအပ်ရန် တစ်ဦး နှင့်တစ်ဦး ကတိက၀တ်ထားခဲ့ကြခြင်းသည်ပင် ဤစာအုပ်ထွက်ပေါ်လာရခြင်း၏ အ ကြောင်းရင်းဖြစ်ပေတော့သည်။ ဤသို့ ကတိက၀တ် ထားခံသည့်အချိန်ကစ၍ ‘ကျွန်မ၏ ခင်ပွန်း’ နာမည်ဖြင့် ပေါ်ထွန်းရမည့်စာအုပ်ကြီးအတွက် ဦးချစ်မောင်၏အကြောင်းအရာဥဿုံကို နေ့စဉ် မပြတ် စုဆောင်းရေးသားမှတ်တမ်းတင်ခဲ့ရပေသည်။ သို့သော် ထိုကဲ့သို့လက်ထပ်ပြီးမှ တစ်နေ့မပြတ် စုဆောင်းသိုသိပ်ထားသည့် ဖိုင်တွဲ မှတ်တမ်းမှတ်စုများမှာ ဂျပန်ခေတ်တွင် ပြည်လမ်းရှိ ဆရာဖြစ်သင်ကောလိပ်ကျောင်းနှင့် မျက်နှာချင်းဆိုင်အိမ်တွင်နောက်စဉ်က အင်္ဂလိပ် တို့ဝင်ခါနီး ပြင်းထန်သော ဗုံးမိသွား၍ အိမ်ကြီးပျက်စီးသွားရာက မှတ်တမ်းတချို့ပါ ပျက်စီးပျောက်ပျက်ကုန်ခဲ့၍ ကိုးနှစ်တိုင်တိုင် စုဆောင်း လာသမျှ ပျက်စီးရလေစွဟု စိတ်နှလုံးယူကျုံးမရဖြစ်ရပြီး ‘ကျွန်မ၏ခင်ပွန်း’ ဟူသောနာမည်ဖြင့် စာအုပ်ကြီးထုတ်ဝေဖို့ရန် မဖြစ်နိုင်တော့ပြီဟု မှတ်ထင်ခဲ့မိလေသည်။ ယခုသော် အတ္ထုပ္ပတ္တိမဟုတ်သော်လည်း ‘သူလိုလူ’ ၀တ္ထုကြီးအဖြစ်နှင့် ရေးဖို့ရာဖြစ်ပေါ်လာ၍ နဂိုရည်ရွယ်ချက်ကား တစ်စိတ်တစ်ဝက် ပြည့်မြောက်သွားသည်ဟုဆိုရပါပေမည်” ဟူ၍ ရေးသားခဲ့လေသည်။
ဗဟုသုတမြောက်မြားစွာ ရလိုသူများ၊ ကိုယ်ကျင့်တရား ကောင်းမွန်လိုသူများ၊ ထက်မြက်ခိုင်မာသည့် အမျိုးသမီးဖြစ်လိုသူများ၊ နောင်တ ခေတ်တွင် အနာဂတ်ကိ်ုစိုးပိုင်ကြမည့်လူ ငယ်များ မလွတ်တမ်း ဖတ်သင့်သည့်စာအုပ်ဖြစ်သည်။
ယခုအခါ ‘သူလိုလူ’ စာအုပ်ကို ၂၀၀၃ ခုနှစ်၊ သြဂုတ်တွင် ဒဿမအကြိမ်မြောက်အဖြစ် သီဟရတနာစာပေတိုက်က ထုတ်ဝေခဲ့ပြီးဖြစ်သည်။
‘သူလိုလူ’ စာအုပ်နှင့်ပတ်သက်၍ ဆရာမ စောမုံညင်းက …. “စာတစ်အုပ်ဖြစ်အောင် လူတိုင်းရေးနိုင်ကြပါသည်။ သို့ရာတွင် မိမိဘ၀မှန်ကို ဖွင့်အန်၍ အရင်းတိုင်းဖောက်သည်ချဝံ့သောသတ္တိ၊ သရုပ်မှန်ပေါ်လာအောင် တင်ပြနိုင်စွမ်းရှိဖို့မှာမလွယ်ကူပါ။ သူ့အရေးအသား ပြောင် မြောက်မှုနှင့်အတူ ဖတ်ရသူမှာ လိုက်ပါ၍သွားခဲ့ရသည်” ဟူ၍ ကောက်ချက်ချထားသည်။
အရပ်ရှည်၍ အသားညိုကာ မျက်လုံးမျက်မှန်စူးရှသည့် ဆရာမကြီး ဂျာနယ်ကျော် မမလေးကို ဧရာဝတီတိုင်း၊ ဖျာပုံခရိုင်၊ ဘိုကလေးမြို့နယ်၊ ကမာကလူကျေားရွာ၌ အဖ ဒေါ်ဆင် ဘဏ်မန်နေဂျာ ဦးပျားချို၊ အမိ ဒေါ်ကွီတို့မှ ၁၉၁၇ ခု၊ ဧပြီလ ၁၃ ရက် သောကြာနေ့တွင်ဖွားမြင်သည်။ မွေးချင်းငါးဦးအနက် စတုတ္ထမြောက်ဖြစ်သည်။ အမည်ရင်းမှာ မတင်လှိုင်ဖြစ်သည်။
၁၉၂၂ ခုနှစ်တွင် ဖျာပုံအေဘီအမ်ကျောင်းတွင် ကျောင်းစနေခဲ့ပြီး ဘိုကလေးမြို့အစိုးရ ကျောင်းမှ ၁၉၂၇ ခုနှစ်တွင် သတ္တမတန်းအောင်သည်။ ထို့နောက် ရန်ကုန်မြို့မအမျိုးသမီး ကျောင်း၌ န၀မတန်း၊ ၁၉၃၂ အထိ ပညာသင်ကြားခဲ့သည်။ ၁၉၃၈ ခု၊ အောက်တိုဘာလ ၂၆ ရက်နေ့တွင် မြန်မာ့အလင်းသတင်းစာ အယ်ဒီတာချုပ်ဦးချစ်မောင်နှင့် လက်ထက်သည်။ ၁၉၄၆ ခု၊ ဧပြီလ ၃ ရက်နေ့ ခင်ပွန်းဖြစ်သူ ဂျယ်နယ်ကျော်ဦးချစ် မောင်ကွယ်လွန်၍ သားနှစ်ဦး သမီးတစ်ဦးကျန်ရစ်ခဲ့သည်။ ခင်ပွန်းဖြစ်သူ စတင်တည်ထောင်ခဲ့သော ဂျာနယ်ကျော်မဂ္ဂဇင်း ကို ဦးစီးထုတ် ဝေခဲ့သည်။ ထို့နောက် ၁၉၅၉ ခု၊ မေလ ၁၄ ရက်နေ့တွင် ဦးအောင်ဇေယျနှင့် ဒုတိယအိမ်ထောင်ပြုခဲ့သည်။
ဘိုကလေးမြို့ တို့ဗမာအစည်းအရုံးတွင် အဖွဲ့ဝင်နှင့် တက်ခေတ်အမျိုးသမီးအဖွဲ့ ဥက္ကဌ (၁၉၃၆-၃၇)၊ ဂျာနယ်ကျော်ထုတ်ဝေသူ၊ ဂျာနယ် ကျော်နှင့် ပြည်သူ့ဟစ်တိုင်သတင်းစာအယ်ဒီတာ (၁၉၃၉)၊ အမျိုးသမီးကလောင်ရှင်အသင်း ဒုတိယဥက္ကဌနှင့်ကလောင်ရှင်မဂ္ဂဇင်းတာဝန်ခံ အယ်ဒီတာ (၁၉၄၇)၊ မြန်မာနိုင်ငံစာရေးဆရာအသင်းဥက္ကဌ (၁၉၄၈-၄၉)၊ မြန်မာနိုင်ငံစာရေးဆရာ စာပေကလပ်အတွင်းရေးမှူး (၁၉၆၁-၆၂) တာဝန်များကို ထမ်းဆောင်ခဲ့သည်။ တရုတ်နှင့် ဆိုဗီယက်သို့ ယဉ်ကျေးမှုကော်မတီအဖွဲ့ဝင် (၁၉၅၂)၊ အာရှတိုက် စာရေးဆရာများ ကွန်ဖရင့် (နယူးဒေလီ) (၁၉၅၅)၊ အဏုမြူဆန့်ကျင်ရေးကွန်ဖရင့် (ဂျပန်)(၁၉၅၈)၊ ဂျပန်ဘာသာ ပြန် ‘သွေး’ ၀တ္ထုအတွက် ဂုဏ်ပြုဖိတ်ကြား ခြင်း (ဂျပန်) (၁၉၈၀) စသည်ဖြင့် နိုင်ငံရပ်ခြားသို့ သွားခဲ့သည်။
၁၉၈၂ ခု၊ ဧပြီလ ၆ ရက်နေ့တွင် ရန်ကုန်မြို့၌ ကွယ်လွန်သွားခဲ့လေသည်။ ကွယ်လွန်ချိန်၌ အသက် ၆၅ နှစ်သာရှိသေးသည်။ သူကွယ်လွန်ပြီး သုံးနှစ်အကြာတွင် သူနှင့်ရေးဖော် ရေးဖက်ဆရာမကြီး လူထုဒေါ်အမာက …. “သူနဲ့ကျွန်မက အသက်ချင်းမတိမ်းမထိမ်း၊ စာပေ၀ါသနာ အတူပါကြ၊ အယ်ဒီတာတွေနဲ့ အတူ အကြောင်းပါကြ၊ ကိုယ်ကိုယ်တိုင် စာရေးဆရာ၊ သတင်းစာဆရာတွေဖြစ်လာကြ၊ စာပေ ယုံကြည်ချက်ကို ဆုပ်ကိုင်ရင်း ကြုံတွေ့ရတဲ့ ခလုတ်ကန်သင်းတွေကို ရင်ဆိုင်ကျော်လွှားကြရ တဲ့ ဘ၀တူတွေ။
ဒေါ်တင်လှိုင်ရဲ့ ဘ၀အားမာန်က မြန်မာမိန်းမတစ်ယောက်အနေနဲ့ တင်းပြည့်ကျပ်ပြည့် ရှိပါတယ်။ မြန်မာမပီသပါတယ်လို့ သူ့ဘ၀ကို မြင် တိုင်းကြားတိုင်း မုဒိတာဖြစ်မိတယ်။ လူဆို တာ ‘လှေခွက်ချည်းဆန်မယ်၊ အလံမလှဲဘူးဟေ့’ လို့ လူတိုင်းကြွေးကြော်ချင်ကြတာပေါ့။ နို့ပေ မယ့် တကယ့်လှေခွက်ချည်းဆန်ရတဲ့အခါ ထန်လှတဲ့မုန်တိုင်းရဲ့လှိုင်းလေ၊ ကြမ်းလှတဲ့ရေကြောကို အန်တုပြီး မိန်းမတန်မဲ့ တိုက်ပွဲလံကို ထူရတာမို့ တယ်မလွယ်ပါဘူး။ ဒေါ်တင်လှိုင်က ဒီကိစ္စမျိုးအတွက် သူ့သတ္တိကို မကြာခဏသုံးခဲ့ရှာပါတယ်။ နောက်ပိတ်ဆုံးအနေနဲ့ သတ္တ၀ါ တိုင်းကြောက်တဲ့သေမင်းနဲ့ ရင်ဆိုင်ရတဲ့အခါမှာတောင် သူယုံကြည်တဲ့ တိုင်းရင်းဆေးဝါးကိုသာမှီဝဲပြီး အဆုံးစွန်သောအဖြစ်ကို အရောက် ခံလိုက်သတဲ့။ ဒါဟာ နှယ်နှယ်သတ္တိမှ မဟုတ်ပါ ဘဲကလား။
အဲဒီလို သတ္တိဗျတ္တိနဲ့ ကလောင်ရှင်အမျိုးသမီးတစ်ဦး၊ စာရေးကြစို့ဆိုတော့လည်း ၀တ္ထုတိုတွေ၊ ဆောင်းပါးတိုရှည်တွေကို အများကြီး ဖန်တီး သွားခဲ့တဲ့ အမျိုးသမီး၊ အယူအဆတစ်ခုကို တင်ပြကြစို့ဆိုရင်လည်း သူယုံကြည်တာဆိုရင် ဖတ်ရသူ တစ်ဖက်သားစိတ်ထဲမှာလည်း ဟုတ် မှာပဲလို့ ထင်စွဲလာရအောင်ရေးစွမ်းတဲ့ ကလောင်ရှင်တစ်ဦးမို့ လွမ်းမိတယ်” ဟူ၍ ၁၉၈၅ ခု၊ ဖေဖော်ဝါရီလထုတ် ကလျာမဂ္ဂဇင်းတွင် အမှတ် တရဖော်ပြထားလေသည်။
မည်သို့ဆိုစေ ဂျာနယ်ကျော်မမလေးသည် ခင်ပွန်းသည်၏ စာပေလက်ငုတ်လုပ်ငန်းကို သတ္တိရှိရှိ ဆက်လက်လုပ်ကိုင်ရင်း အမျိုးသမီး ထုကြီးနှင့်တကွ နိုင်ငံအကျိုးပြုစာပေများဖြင့် စာပေတာဝန်ကျေပွန်ခဲ့သော စာရေးဆရာ၊ သတင်းစာဆရာမကြီး ဂျာနယ်ကျော်မမလေး၏ စာပေလက်ရာများသည် နောင်နှစ်ပေါင်းများစွာ အရှည်တည်တံ့၍ နိုင်ငံနှင့်ပြည်သူ့အကျိုးကို သယ်ပိုးဆောင်ရွက်နေမည်မှာ ဧကန်ပင်တည်း။
စာကိုး
(၁) ဂျာနယ်ကျော်မမလေး၊ သူလိုလူ ရန်ကုန် သီဟရတနာစာပေတိုက်၊ ဒသမအကြိမ် ၂၀၀၃ သြဂုတ်။
(၂) ဂျာနယ်ကျော်မမလေး၊ ဘ၀ပုံရိပ်များ ရန်ကုန်၊ သီဟရတနာ ဒုကြိမ် ၂၀၀၆၊ ဇူလိုင်။
(၃) ဂျာနယ်ကျော်မမလေး၊ ရင်နင့်အောင်မွှေး ရန်ကုန်၊ ရတနာစာအုပ်တိုက် သတ္တမကြိမ် ၂၀၀၄ ဧပြီ။
(၄) စောမုံညင်း “ဂျာနယ်ကျော်မမလေး၏ စာပေများ” ရှုမ၀မဂ္ဂဇင်း ၁၀၈၂ ဇွန်။ စာ ၁၆၃ – ၁၆၇။
(၅) လူထုဒေါ်အမာ၊ “မမခင်နဲ့ မမလေးတို့ကို လွမ်းပါဘိတယ်” ကလျာ မဂ္ဂဇင်း။ အမှတ် ၂ (၁၉၈၅ ဖေဖော်ဝါရီ)
(၆) ဒဂုန်ရွှေမျှား၊ မြန်မာနိုင်ငံစာပေဆုများ စာပေဗိမာန် ပကြိမ် ၁၉၇၂။