Newsom new book introduced at SFSU Library – MoeMaKa

မေလ ၉  ရက်၊ ဆန်ဖရန်စစ္စကိုပြည်နယ်တက္ကသိုလ် (SFSU) စာကြည့်တိုက်၊ ၄ထပ်က မော်ကွန်းတိုက် ခန်းမဆောင်မှာ စာအုပ်မိတ်ဆက်ပွဲနဲ့ လက်မှတ်ထိုးပွဲ တခု ကျင်းပခဲ့ပါတယ်။ စာရေးဆရာကတော့ ကယ်လီဖိုးနီးယားပြည်နယ်ရဲ့ လက်ထောက်ပြည်နယ်မှူးလို့ ခေါ်မလား၊ မြန်မာပြည်အဆိုအရ ပြည်နယ်ဒုဝန်ကြီးချုပ်လို့ ခေါ်မလား၊ Lt Governor – Gavin Newsom ဖြစ်ပါတယ်။ အသက် ၄၅ နှစ်၊ လူချော၊ ဆန်ဖရန်စ္စကိုသား၊ အသက်အငယ်ဆုံး ဆန်ဖရန်မြို့တော်ဝန် (၂၀၀၃)၊ လက်ရှိ ၄၉  ဦးမြောက် ပြည်နယ်ဒုဝန်ကြီးချုပ်ဖြစ်ပါတယ်။ 

သူရဲ့စာအုပ်ကတော့ Citizenville: How to Take the Town Square Digital and Reinvent Government ( နိုင်ငံသားမြို့တော် – မြို့တော်ခမ်းမတွေကို ဒစ်ဂျစ်တယ်အသွင်ပြောင်းပြီး အစုိုးရတွေကို အသစ်တီထွင်ကြဖို့) ဆိုတဲ့ ခေါင်းစဉ်ဖြစ်ပါတယ်။  နည်းပညာနယ်မြေဖြစ်တဲ့ ဆန်ဖရန်ဘေးဧရိယာကို နောက်ခံထားပြီးတော့ သူရဲ့ နိုင်ငံရေးအတွေးအမြင်တွေကို ပြုစုထားတာမို့ ပြည်နယ်တက္ကသိုလ်ဖြစ်တဲ့ SFSU က ကျောင်းစာကြည့်တိုက်မှာ ကျောင်းသားတွေဆီ လာရောက်ပြီး စာအုပ်ကို မိတ်ဆက်ခြင်း၊ မေးခွန်းများ ဖြေကြားခြင်းနှင့် အမှတ်တရစာအုပ်လက်မှတ်ထိုး ရောင်းချခြင်း အခမ်းအနားကို ပြုလုပ်တာ ဖြစ်ပါတယ်။

အမေရိကန်တပြည်လုံးမှာ ကယ်လီဖိုးနီးယားပြည်နယ်က နည်းပညာနဲ့ အပြောင်းအလဲမှာ ရှေ့တန်းရောက်ပါတယ်။ ကယ်လီဖုိုးနီးယားပြည်နယ်တခုလုံးမှာ ဆန်ဖရန်ဘေးဧရိယာနဲ့ ဆီလီကွန်တောင်ကြားဆိုတာဟာ ဆန်းသစ်ပြောင်းလဲတဲ့ လူတန်းစားတွေ လူငယ်တွေ နည်းပညာသမားတွေ အများဆုံး နေထိုင်ရာ ဒေသပါ။ လူမှုရေး နိုင်ငံရေးမှာ ထူးခြား ဆန်းသစ်တဲ့အတွက် လက်နက်ကိုင်အကြမ်းဖက်မှုကို ဆန့်ကျင်ရာ၊ စစ်ဆန့်ကျင်သူများ၊ ဂျစ်ပစီများ၊ ဆေးခြောက်ရှုသူများ၊ လိင်တူချင်း လက်ထပ်သူများ၊ အတိုက်အခံနိုင်ငံရေးလှုံဆော်သူများ၊ ဒီမိုကရက်များ အားကောင်းတဲ့ ဒေသတခုဖြစ်ပါတယ်။ အဲသည်အသိုင်းအ၀ိုင်းကြားထဲက နည်းပညာကို အားပေးသူ၊ လိင်တူချင်းလက်ထပ်ခွင့် မြို့တော်ဝန်ဘ၀မှာ ပထမဆုံးခွင့်ပြုခဲ့သူ၊ ပြည်နယ်ရဲ့ ဒုဝန်ကြီးချုပ်ရဲ့ စာအုပ်ကို ကျောင်းသူ ကျောင်းသားတွေ အပါအ၀င် ဆရာတွေ ဆရာမတွေကပါ စိတ်ဝင်စားလို့ ခမ်းမတခုလုံး အပြည့်နီးပါး မိတ်ဆက်ပွဲကို လာရောက် နားထောင်ကြပါတယ်။

သူဟောပြောချက်တွေ အထဲက စိတ်ဝင်စားဖွယ်ရာတွေကို ကောက်နုတ်ဖော်ပြရသည် ရှိသော် …

(၁) နည်းပညာတွေက ပြောင်းလဲနေတယ်။ ခေတ်က မြေဖြူခေတ်၊ ပါဝါပွိုင့်တွေနဲ့ စာသင်တဲ့ ခေတ်မဟုတ်တော့ဘူး။ အွန်လုိုင်းတွေ၊ အင်တာနက်တွေနဲ့ စာသင်တဲ့ခေတ်၊ ကျောင်းသားတွေက တော်လှန်ပြောင်းလဲနေတဲ့ခေတ်၊ ကျောင်းဆရာတွေ၊ ၀န်ထမ်းတွေ၊ အစုိုးရတွေက နောက်က လိုက်နေရတဲ့ ခေတ်ဖြစ်နေပြီ။

(၂) ဥပမာတခုက သမ္မတ ရီဂင်လက်ထက်မှာ အာကာသထဲက ဂြိုလ်တုတွေရဲ့ ပထ၀ီဆိုင်ရာ အချက်အလက်တွေကို အစုိုးရချည်းပဲ မောင်ပိုင်စီးထားရာကနေ ပြည်သူတွေ လက်ထဲ ထည့်လိုက်တယ်။ အဲသည်မှာ ဂျီပီအက်စ်တွေ၊ လျပ်စစ်မြေပုံတွေ၊ မိုးလေ၀သခန့်မှန်းချက်တွေဟာ နည်းပညာတခေတ်ဆန်းပြီး တော်လှန်ပြောင်းလဲသွားတယ်။ open data access လို့ ခေါ်တယ်။

(၃) လက်ရှိသမ္မတ အုိုဘားမားကိုယ်တုိုင်ကလည်း အစုိုးရလက်ထဲက ဒေတာတွေကို ပြည်သူလက်ထဲ ထည့်ဖို့ လုပ်နေတယ်။ သာဓကကတော့ ဖုံးတွေထဲက app တွေဟာ အစုိုးရဒေတာတွေကနေ ပြည်သူတွေ လုိုအပ်ချက်တွေကို ဖြည့်ဆည်းပေးတဲ့ အခမဲ့ဝန်ဆောင်မှုတွေအသွင် ပြောင်းလာတယ်။ ဘတ်စကားလမ်းကြောင်းတွေ၊ လေယာဉ်ပျံခရီးစဉ်တွေ၊ ဈေးသက်သာတဲ့ နေရာတွေ၊ အများကြီး ရှာနိုင်တဲ့ appတွေ ပေါ်ထွန်းလာတယ်။ အစုိုးရ၀က်ဆိုက်တွေက အွန်လိုင်းပေါ်တက်ဖို့ အကုန်အကျများတယ်။ ကြိုးနီတွေ များတယ်။ အဲသည် အစိုးရဒေတာတွေကို လူတွေလက်ထဲ ထည့်လိုက်ရင် အကျိုးရှိဖို့ ဖြစ်လာမယ်။

(၃) ဒါပေမယ့် အစုိုးရတွေဟာ နည်းပညာကို ခေတ်နဲ့အမီသုံးပြီးတော့ အလွဲသုံးစားမဖြစ်အောင်၊ အန္တရယ်မဖြစ်အောင် ကာကွယ်နိုင်ရမယ်။ စောင့်ရှောက်နိုင်ရမယ်။ ပညာပေးနိုင်ရမယ်။

(၄) နည်းပညာတော်လှန်ရေးဟာ ခေတ်တိုင်း နေ့တိုင်းမှာ ဖြစ်နေတယ်။ ပြောင်းလဲနေတယ်။ အမေရိကန်မှာ အွန်လိုင်းနဲ့ မဲမပေးနိုင်သေးဘူး။ အွန်လိုင်းကနေ မဲပေးသူအဖြစ် မှတ်ပုံတင်တာပဲ လုပ်နိုင်သေးတယ်။ နိုင်ငံရေးသမားတွေကိုယ်တုိုင်က ရှေ့ကနေ ကာဆီးကာဆီးလုပ်နေတယ်။ ကမ္ဘာမှာ ဆဲလ်ဖုံးတွေက ရေလောင်းအိမ်သာတွေထက် အရေအတွက်များနေတာဟာ ရှက်စရာလည်း ကောင်းတယ်၊ စဉ်းစားစရာလည်း ကောင်းတယ်။

(၅) နိုင်ငံရေးသမားတွေဟာ ရွေးကောက်ခံရဖို့၊ အာဏာရဖို့ကိုပဲ ဦးစားပေးတဲ့အတွက် ခေတ်မီ ပြောင်းလဲ တိုးတက်ရေးကို မလုပ်နိုင်ဘူး။ အမြဲတန်း ဈေးဆစ်ခံနေကြတယ်။ ကမ္ဘာမှာ နိုင်ငံရေးသမားတွေ အစစ်အမှန်တွေဆိုတာ ရွေးကောက်ပွဲနိုင်စရာမလိုဘဲ ခေတ်ကို ပြောင်းအောင်လုပ်နိုင်တဲ့သူတွေ ဖြစ်တယ်။ ဥပမာ မာတင်လူသာကင်း၊ ဂန္ဓီ၊ ဟာဗယ်၊ မန်ဒဲလားတို့ကို ကြည့်ပါ။ အကုန်လုံး ဖမ်းချုပ် ထောင်ချခံရသူတွေချည်းပဲ။ ရွေးကောက်ပွဲဆိုတာကို မည်မည်ရရ နိုင်ခဲ့သူတွေ မဟုတ်ဘူး။ သို့သော်လည်း ခေတ်ကို လူတွေကို ပြောင်းလဲနိုင်တဲ့ နိုင်ငံရေးသမား စစ်စစ်တွေ ဖြစ်တယ် ဆိုတာကို လက်ခံရမယ်။

(၆) ရီပတ်ဘလစ်ကန်နဲ့ ဒီမုိုကရက်တွေ ဘာကွာခြားသလဲ။ ဒီမုိုကရက်တွေက နည်းပညာသုံးပြီးတော့ ရွေးကောက်ပွဲနိုင်အောင်လုပ်နိုင်တယ်။ ရီပတ်ဘလစ်ကန်တွေကတော့ နည်းပညာသုံးပြီး တိုင်းပြည်ကို ချယ်လှယ်နိုင်တယ်။ အခုပဲကြည့်ပါ။ အိုဘားမားနိုင်တယ်။ ဒါပေမယ့် ဘာတွေ လုပ်နိုင်သလဲ။ အတိုက်အခံရီပတ်ဘလစ်ကန်တွေနဲ့ ငြင်းခုန်နေရတာနဲ့ ခေတ်က တောင်းဆိုနေတဲ့ အပြောင်းအလဲကို မနည်း ဖြစ်အောင်လုပ်နေရတယ်။ ခုချိန်မှာ လက်နက်တွေကို ထိန်းချုပ်ဖို့ မလုပ်နိုင်သေးဘူး၊ နိုင်ငံသားဥပဒေ ပြောင်းလဲရေးကို မလုပ်နိုင်သေးဘူး။ 

(၇) နည်းပညာတော်လှန်ရေးဟာ မျိုးဆက်သစ်တွေနဲ့အတူ အစုိုးရတွေ လူ့ဘောင်လောကတွေကို ပြောင်းလဲမှု ပြုလုပ်မှာ အသေအချာပါပဲ။ နိုင်ငံရေးသမားတွေက ဒါကို လက်ခံရမယ်။ ဆန့်ကျင်နေလို့ မရဘူး။ အောက်ခြေကနေ ပြောင်းမှာပဲ။ အပေါ်ကနေ ပြောင်းမှာ မဟုတ်ဘူး။

(၈) တခုပဲ ပြောချင်တယ်။ မိုက်ကယ်အင်ဂျလိုပြောခဲ့တာ။ အမြင့်ကို မှန်းပြီးတော့ လွဲသွားတာ က အရေးမကြီးဘူး။ နိမ့်နိမ့်လေးမှန်းပြီးတော့ မှန်းတဲ့အတုိုင်းဖြစ်လာခဲ့တာ အဆိုးဆုံးပဲ။ စိတ်ကူးယဉ်မှတော့ ကြီးကြီးကျယ်ကျယ် ယဉ်ကြမှပေါ့။ မဖြစ်စလောက်လေး စိတ်ကူးပြီး အဲသည်လောက်လေး ဖြစ်လာခဲ့တာနဲ့ ဘ၀ကို ပြီးသွားတာမျိုးတော့  မဖြစ်စေချင်ဘူး။

အပြောကောင်းတဲ့ ကိုယ်လူချော နိုင်ငံရေးသမားက စာရေးဆရာလည်း လုပ်သေးဆိုတော့ လာမယ့် ရှေ့ရွေးကောက်ပွဲတွေ အဆင့်ဆင့်မှာ နယူးဆွန်တယောက်ကတော့ အောင်မြင်မှုတွေ ရပြီး နေရာရလာဦးမှာတော့ မြင်ယောင်မိပါသေးတယ်။ ချီကာဂိုနိုင်ငံရေးလောကထဲက တက်လာတဲ့ ရှေ့နေ စာရေးဆရာ၊ ကျောင်းဆရာ၊ ဟောပြောပွဲဆရာ ဘရက်ဟူစိန်အိုဘားမားဆိုတာ ကြားဖူးကြတယ် မဟုတ်လား။ အခု အမေရိကန်ပြည်ထောင်စုရဲ့ ဒုတိယသက်တမ်းနိုင် သမ္မတကြီး ဖြစ်နေပြီလေ။

ကဲ … စာဖတ်သူတွေလည်း နယူးဆွန်ရဲ့ စာအုပ်ကို ၀ယ်ဖတ်၊ ငှားဖတ်ကြည့်ကြပါဦး။ ညွှန်းလိုက်ပါရဲ့ဗျာ။ (ဓာတ်ပုံ မိုးမခ)
http://www.amazon.com/dp/B008EKMC9K/ref=rdr_kindle_ext_tmb