>
ယူနီကုတ် စနစ် အနှစ် ၂၀ အထိမ်းအမှတ် ဆွေးနွေးပွဲ၊ မြန်မာပြည်က ပညာရှင် ၀ဏ္ဏကိုကို စာတမ်းဖတ်
မိုးမခ အထောက်တော် ၀၀၂
စက်တင်ဘာ ၁၂၊ ၂၀၀၈
ကွန်ပျုတာစနစ်မျိုးစုံမှာ ဘာသာစကားပေါင်းစုံ အတူတကွ ယှဉ်တွဲသုံးစွဲနိုင်စေဖို့ သတ်မှတ်ထားတဲ့ ယူနီကုတ်စနစ် အကြောင်း ဆွေးနွေးပွဲနဲ့ စာတမ်းဖတ်ပွဲ ၃၂ ကြိမ်မြောက်ကို ကယ်လီဖိုးနီးယားပြည်နယ်၊ ဆီလီကွန်တောင်ကြား၊ ဆန်ဟိုဇေးမှာ ကျင်းပခဲ့ရာမှာ မြန်မာနိုင်ငံက မြန်မာယူနီကုတ်စနစ် သုတေသနပညာရှင် ၀ဏ္ဏကိုကို တက်ရောက်ပြီး သူ့အတွေ့အကြုံကို စာတမ်းဖတ်တင်ပြခဲ့တယ်လို့ သိရပါတယ်။
၁၉၈၈ မှာ ကွန်ပျူတာစနစ်များတွင် ယူနီကုတ်စနစ်ကို စတင်အခြေပြုခဲ့ရာမှာ ၁၉၉၈ နောက်ပိုင်း အင်္ဂလိပ်စာ စာလုံးအရေအတွက်ထက် ဗျည်း၊ သရ၊ အတွဲအဖက် မျိုးစုံတဲ့ ဘာသာစုံနဲ့ ကွန်ပျူတာစနစ်များ၊ အသုံးချ ဆော့ဝဲများ စတင် ထွန်းကားလာခဲ့ပါတယ်။ သက္ကရာဇ် ၂၀၀၀ နောက်ပိုင်းကျမှ ယူနီကုတ်စနစ်နဲ့ နီးစပ်နိုင်တဲ့ မြန်မာစာလုံးပုံစံတွေ စတင် အသုံးပြုလာခဲ့တယ်လို့ ဆိုပါတယ်။ မြန်မာကွန်ပျူတာ ပညာရှင်များအသင်းသာမက စိတ်ဝင်စားသူ လူငယ်တွေရဲ့ စေတနာဝန်ထမ်း ၀ိုင်းဝန်းဆောင်ရွက်မှုတွေနဲ့ ယူနီကုတ်စနစ်နဲ့ လိုက်ဖက်မယ့် မြန်မာစာလုံးပုံစံများ ထုတ်လုပ်ခြင်းအပြင် မြန်မာဘာသာစကားနဲ့ ကွန်ပျုတာကို အသုံးချနိုင်မည့် အဆင့်အထိကို ဆက်လက်ဆောင်ရွက်လာကြတယ်လို့ သိရပါတယ်။
ကိုဝဏ္ဏကိုကို က အဲဒီ စေတနာဝန်ထမ်းစီမံကိန်းရဲ့ တာဝန်ခံအဖြစ်နဲ့ အခမဲ့ရုံးသုံးစနစ်တခုဖြစ်တဲ့ အိုးပင်းအောဖစ်စ် အခြေခံပေါ်မှာ မြန်မာဘာသာစကား သုံးစွဲနိုင်ရေးကို သုတေသနပြုဆောင်ရွက်လျက်ရှိတယ်လို့ မိုးမခကို ရှင်းပြပါတယ်။ သူက မြန်မာစာ စာလုံးပုံစံကို ထုတ်လုပ်တာ မဟုတ်ဘူး၊ မြန်မာဘာသာစကားကို ဘာသာဗေဒနည်းနဲ့ အစီအစဉ်တကျ အတိုင်း စက်က နားလည်အောင် စနစ်များ၊ ပုံစံများ ကြံဆခြင်း၊ သုတေသနပြုပြီး စေတနာရှင် ပညာသည်အချင်းချင်း ဆွေးနွေးမျှဝေခြင်းတို့ ပြုလုပ်ကြတာ ဖြစ်တယ်လို့ သူက ပြောပြပါတယ်။
စိတ်ဝင်စားသူများအနေနဲ့ http://my.openoffice.org/ ကို သွားရောက် လေ့လာနိုင်တယ်လို့ သိရပါတယ်။ ယူနီကုတ်လို့ ဆိုတဲ့အတိုင်း တညီတညွတ်တည်းဖြစ်ဖို့ နိုင်ငံတကာက ပညာရှင်များက ငွေကြေးအကျိုးအမြတ်အတွက် မဟုတ်ဘဲဆောင်ရွက်ကြတဲ့နေရာမှာ သဘောမတူတာတွေ၊ အငြင်းပွားကြရတာတွေ ရှိပေမယ့် အခုလို အနှစ် ၂၀ ကြာချိန်မှာ ကွန်ပျူတာစနစ်တွေသာမက အင်တာနက်ဝက်ဆိုက်စနစ်တွေမှာပါ နိုင်ငံတကာ ဘာသာစုံတို့ စည်ပင်ထွန်းကားလျက်ရှိတာကတော့ အထင်အရှားပဲ ဖြစ်ပါတယ်။
မြန်မာပြည်မှာက နိုင်ငံရေးသာမက အထွေထွေ အကြပ်အတည်းများကို ဖြေရှင်းနိုင်ဖို့အတွက် စစ်အာဏာရှင်များ နားလည်နိုင်မယ့် ဘာသာစကားကိုတော့ အတိုက်အခံတွေ၊ မြန်မာ အဖွဲ့အစည်းများသာမက နိုင်ငံတကာက ကုလသမဂ္ဂအဖွဲ့ကြီးအပါအ၀င် ငြိမ်းချမ်းတဲ့နည်းနဲ့ ခုထိ အဖြေရှာမတွေ့သေးတာကတော့ ၀မ်းနည်းစရာပဲလို့ မိုးမခကို မိတ်ဆွေတဦးက မှတ်ချက်ပေးသွားပါတယ်။