(မိုးမခ) နိုဝင်ဘာ ၃၀၊ ၂၀၁၅
ယခုကထိန်ရာသီတွင် အသံချဲ့စက်ကိစ္စတော်တော်ပြောကြသည်။ မကြာခင်ပြီးစီးခဲ့သည့်ရွေးကောက်ပွဲအောင်နိုင်ရေးကာလတုန်းကလည်း အသံချဲ့စက်များ မိုးလုံးပွက်ညံခဲ့ကြသည်။ နေ့စဉ်နှင့်အမျှ လက်ဖက်ရည်ဆိုင် ထီဆိုင် ထီသည်စသည့်ဈေး ရောင်းသူများ၏ အသံချဲ့စက်အသံများ။
အသံချဲ့စက်သည် တောနှင့်မြို့ဟန်ရောစပ်မှုကြားတွင် အချို့သူများအတွက် နားသောတဆင်စရာဖြစ်နေပြီး အချို့သူများ အတွက် နားဒေါသသင့်စရာဖြစ်နေပြီ။
အသံလုံသော ဝင်းခြံကျယ်သောခန်းမတွင်း မကျင်းပ မပြုလုပ်သောပွဲမှန်သမျှတွင် အသံချဲ့စက်ပြဿနာရှိနေမည်သာ။
အသံမစဲပဌာန်းပွဲများ ဗလီဝတ်ပြုဆုတောင်းသံများ တရားဖွင့်သံများ အလှူခံမဏ္ဍပ်များစသည်ဖြင့် အသံတွေကြွယ်ဝလွန်း နေပေသည်။ ကိုယ့်ရပ်ရွာ ကိုယ့်ဧရိယာက လက်ခံနိုင်ပြီး အခြားသူများကို အနှောင့်အယှက်မရှိလျှင် ပြဿနာမဟုတ်ပေ။
ဆိုတော့ အသံချဲ့စက်ကိစ္စသည် လူနေမှုအခြေအနေတွေ ဓလေ့ထုံးတမ်းကို အခြေခံသာစရိုက်သဘာဝတွေနှင့် အများကြီး အဆက်အစပ်ရှိနေသည်။
နောက်တခုက ကိုယ့်ရဲ့လုပ်ဆောင်ချက်တိုင်းသည် အခြားသူကို ထိခိုက်လို့မဖြစ်ဖူးဆိုသည့် အသိ၊ အကျင့်နှင့်လည်း တိုက် ရိုက်အချိုးကျပါသည်။
အသံချဲ့စက်ထက် လူများစွာကို နေ့တဓူဝ စိတ်ဒုက္ခ ကိုယ်ဒုက္ခပေးနေသည်များ အပုံအပင်ရှိသေးသည်။
လူများစွာ လမ်းလျှောက်လို့ အဆင်မပြေကြ။ နောက်ကနေ ဆိုင်ကယ်ဝင်တိုက် ကားဝင်တိုက်မှာ ကြောက်ရသလို ရှေ့ တည့်တည့်ကလည်း အချိန်မရွေး အတိုက်ခံရနိုင်သည်။ တိုက်ပြီးလျှင်လည်း ထွက်ပြေးမောင်းနှင်သွားမည်။ ဆိုင်ကယ်အိပ်ဇောဖွင့်မောင်းသည့်အသံများလည်း အသံချဲ့စက်နီးနီးပင်။ ပလက်ဖောင်းပေါ်နေရာယူထားသည့်ဆိုင်များ လမ်းဘေးအိမ်ရှင်တို့၏ခင်းကျင်းနေရာယူထားမှုများ၊ လမ်းပေါ်ချရပ်ထားသည့် ကားများ ဆိုင်ကယ်များဖြင့် လမ်းလျှောက်စရာမရှိတော့၊ လမ်း လျှောက်၍ မလုံခြုံတော့သဖြင့် အခက်အခဲများစွာ စိတ်အနှောင့်အယှက်များစွာ ဖြစ်လာကြသည်။ စက်ဘီးသမားများ လည်း မလုံခြုံတော့။ စက်ဘီးလမ်းလဲမရှိ။ လမ်းဘေးဝဲယာတွင် ယဉ်ရပ်နားစရာ တပေ နှစ်ပေမျှမရှိဘဲ ဖွင့်ထားသည့်ဆိုင်ပေါင်း မရေမတွက်နိုင်အောင်ပင်။ ယင်းဆိုင်များတွင်လာသမျှယဉ် လမ်းပေါ်ချည်းသာ။ မြန်မာပြည်တွင် ရှိရှိသမျှသော ကားဂိတ်များ ဆိုက္ကားဂိတ်များ မြင်းလှည်းဂိတ်များ ဆိုင်ကယ်တက်စီဂိတ်များသည် လမ်းပေါ်မှာချည်းပင်။
ထို့ပြင် အရက်ဆိုင်များ ဖွင့်ချင်သည့်နေရာမှာ ဖွင့်ခွင့်ရနေခြင်းသည်လည်း လူများစွာ၏ ရပ်ရွာ၏ စိတ်လက်မသက်သာမှု မလုံခြုံမှုကို အမြဲတမ်းဖန်တည်းနေပေသည်။
နောက်ထပ် စိတ်လက်မသက်မသာဖြစ်စရာများစွာအနက် မိုးရွာတိုင်းရေနစ်ခြင်း၊ မြောင်းပုတ်နံ့ရှူနေရခြင်း ခြင်ကိုက်ခံရခြင်း တို့လည်း ရှိသေးသည်။
ဥပဒေအတိုင်း လိုက်နာနေထိုင်ကြမှ စိတ်လက်ချမ်းသာ နေရကုန်ရာသည်။
မောင်လူရေး
ကာတွန်းသရုပ်ဖော်ပန်းချီအား ကာတွန်းဆရာ၏ လူမှုကွန်ရက်စာမျက်နှာမှ ကူးယူပါသည်။
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
