>
ဇန်န၀ါရီ ၂၄၊ ၂၀၁၂
မိတ်ဆွေများခင်ဗျား …
ဒီနေ့ ကျနော်ပြောမှာကတော့ ကျနော်ဖတ်လိုက်မိတဲ့ မြန်မာဝတ္ထုတချို့အကြောင်းဖြစ်ပါတယ်။ ကျနော့်အနေနဲ့ စာအုပ်များများတော့ ဖတ်ခွင့် မသာပါဘူး။ နယူးယောက်မြို့ကြီးမှာ စာကြည့်တိုက်တွေ နေရာတကာမှာ လက်လမ်းမှီရှိကြပေမယ့် ဘယ်စာကြည့်တိုက်မှာမှ မြန်မာစာအုပ်စင်ရယ်လို့ သီးခြားမရှိသေးပါဘူး။ နယူးယောက်မြို့ကြီးမှာ “ဆုံးစည်းရာ”ဆိုတဲ့ စာအုပ်ဆိုင်ငယ်လေးတခုတော့ ရှိရဲ့။ အဲဒီဆိုင်ကလေးမှာလဲ မြန်မာပြည်ကထုတ်သမျှ စာအုပ်တွေကို အစုံမှာယူထားရှိနိုင်လောက်အောင် မကြီးကျယ်လှပါဘူး။ ဘုန်းကြီးကျောင်း တကျောင်းမှာတော့ ဒကာ ဒကာမတွေက သုတို့ဖတ်ပြီးသားစာအုပ်တွေကို လာပြီးပေးလှူကြတာနဲ့ စာကြည့်တိုက်ကလေးတခုဖြစ်စပြုနေပါ တယ်။ တချို့ကလဲ ဘုန်းကြီးကျောင်းလာရင်းနဲ့ စာအုပ်မိတ်ဆွေဖြစ်သွားကြပြီး စာအုပ်ချင်းဖလှယ်ဖတ်ကြပါတယ်။ ဒီလိုနဲ့ ကျနော့်မှာလဲ ဖတ်စရာ စာအုပ်ကလေးတွေ အတန်သင့်ရရှိနေပါတယ်။ ဒီလိုနဲ့ ဖတ်ခွင့်ရတဲ့ စာအုပ်တွေထဲမှာ အရင့်အရင်နှစ်တွေက အမျိုးသားစာပေးဆုရရဖူးတဲ့ ၀တ္ထုတချို့လဲပါပါတယ်။ ဆုရ၀တ္ထုတွေထက်ကောင်းတဲ့ ၀တ္ထုတွေကို ဖတ်လိုက်ရတဲ့အတွက် ၀မ်းမြောက်ဝမ်းသာ မုဒိတာပွားရတာတွေလဲ ရှိပါတယ်။
ကျနော် စာဖတ်သူချင်း ကောင်းသတင်းဖလှယ်ကြတဲ့ ၀တ္ထုတွေကတော့ ခင်ခင်ထူးရဲ့ဝတ္ထုတွေသာများပါတယ်။ မဟေသီမဂ္ဂဇင်းနဲ့ ရွှေအမြူ တေမဂ္ဂဇင်းတို့မှာ လစဉ်အခန်းဆက်ပါလာတဲ့ ခင်ခင်ထူးရဲ့ ၀တ္ထုတွေကို ကျနော်တို့ လစဉ် စောင့်ဖတ်ရပါတယ်။ လုံးချင်းထွက်လာတော့လဲ ဖတ်ြဖြစ်အောင် ရှာ ဖတ်လိုက်ပါတယ်။ စကားပုံလေးတွေနဲ့ ဒေသသုံးစကားလုံးဝေါဟာရတွေ ဝေေ၀ဆာဆာရှိလှပါတယ်။ ခင်ခင်ထူးရဲ့ ဝေါဟာရကြွယ်ဝပုံနဲ့ စာရေးသားမှု ကျွမ်းကျင်နိုင်နင်းပုံတို့ကိုလဲ ဂရုပြုမိပါတယ်။ ခင်ခင်ထူးဟာ အညာကျေးလက်တောသူတောင်သားတွေရဲ့ စကားပြောဆိုပုံနဲ့ အလေ့အထ အမူအရာတွေမှာလဲ အနုစိတ်သရုပ်ဖော်နိုင်လောက်အောင် အသေးစိတ်လေ့ကျွမ်း မှတ်သားနိုင်စွမ်းရှိပုံကိုလဲ တွေ့ရပါတယ်။
ကျနော်ဖတ်မိတဲ့ ခင်ခင်ထူးရဲ့ ၀တ္ထုရှည်တပုဒ်က “ဆူးပန်းခွေသွယ် ဘယက်နှင့် လရွက်လိပ် နားတောင်းဆင်” ဆိုတာဖြစ်ပါတယ်။ မန္တလေး မြောက်ဖက် မတ္တရာမြို့နယ်က ကျေးရွာလေးတရွာမှာ မူလတန်းပြဆရာမအဖြစ် ခန့်ထားခံရတဲ့ ရန်ကုန်သူ အမျိုးသမီးလေးရဲ့ဇတ်ကြောင်းကို ၀တ္ထုဖွဲ့ထားတာဖြစ်ပါတယ်။ ကျေးလက်တောရွာမှာ အယူသီးမှုတွေ လျော့ပါးအောင်၊ ပညာရေးလိုချင်တဲ့စိတ်ဓာတ်တိုးတက်အောင် စည်းရုံးမြှင့်တင်လုပ်ဆောင်ရပုံတွေကို ကျေးရွာဇာတ်ဆောင်တွေ မျိုးစုံ ထည့်သွင်းသရုပ်ဖော်ထားတာဟာ အထူးပြောင်မြောက်လှပါတယ်။
နောက်တပုဒ်က မြင်းခြံမြောက်ဖက် ကျေးရွာလေးတရွာက ရွာသူကြီးမိသားစုကို ဗဟိုပြုပြီး ကိုလိုနီခေတ်နောက်ပိုင်းကနေ ဂျပန်ခေတ်ကိုဖြတ်သန်းပြီး လွတ်လပ်ရေးခေတ် ပြည်တွင်းစစ်သမိုင်းတို့ကို နောက်ခံထားရေးသားထားပုံဟာ အထူးဝေဆာ ပြောင်မြောက်လှပါတယ်။ အညာကျေးရွာသားတို့ရဲ့ ကိုယ်နှုတ်အမူအရာများကလဲ ပီပြင်ပေါ်လွင်လှပါတယ်။ မင်းအောင်၊ အောင်စိုး၊ ဆင်ဖြူကျွန်းအောင်သိန်း၊ လယ်တွင်းသားစောချင်တို့ရဲ့ဝတ္ထုတွေထက် အစစသာတယ်လို့ ကျနော်ပြောရဲပါတယ်။ ဒါဟာနှစ်ပေါင်း ၂၀ – ၃၀ လောက်စာအုပ်ဝေဖန်ရေးတွေ မပြတ်ရေးခဲ့တဲ့ အတွေ့အကြုံနဲ့ ပြောတာပါ။ အဲ့ဒီ ၀တ္ထုရှည်နှစ်ပုဒ်ဟာ ဆုရပြီးသားလား၊ မရသေးတာလားတော့ ကျနော်မသိဘူး။ ဒါပေမယ့် အမျိုးသားစာပေဆုကြေညာတော့ ၀တ္ထုရှည်လုံးဝမပါတာကို ကြားရတဲ့အခါ အံ့သြရပါတယ်။ ဆုရွေးချယ်ရေးအဖွဲ့မှာ စစ်အာဏာရှင်ရဲ့ သြဇာဖယ်ရှားလို့မရသေးနိုင်တာလဲ အကြောင်းတခုဖြစ်ပါလိမ့်မယ်။ စာပေတိုးတက်ရေးမှာလဲ ဒီမိုကရေစီရှိမှ ဖြစ်နိုင်တာပါကလားလို့ သဘောပေါက်မိတယ်ခင်ဗျား …။ ကျနော် မောင်စွမ်းရည်ပါ။
(ဗွီအိုအေ သက်ကြီးစကားအစီအစဉ်)