ကိုသန်းလွင် – သမ္မတကြီးထံသို့အိပ်ဖွင့်ပေးစာ
(မိုးမခ) အောက်တိုဘာ ၁၃၊ ၂၀၁၆
(၁)
နိုင်ငံတော်သမ္မတကြီးခင်ဗျား
ကျွန်တော်တို့သည် သမ္မတကြီးနည်းတူ မူလတန်း၊ အထက်တန်းမှ တက္ကသိုလ် ကျောင်းသားဘ၀ အလုပ်ခွင်ဝန်ထမ်းဘ၀၊ ယခု ပင်စင်စားဘ၀သို့ ရောက်သည့်တိုင် နိုင်ငံတွင် ကောင်းမွန်သော အပြောင်း အလဲများဖြစ်လာလိမ့်မည်ဟု မျှော်လင့်ခဲ့ကြရသူများ ဖြစ်ပါသည်၊ သမ္မတကြီးတို့ အစိုးရအဖွဲ့ စတင် တာဝန်ယူခဲ့သည့် ဧပြီလသည် ကျွန်တော်တို့၏ မျှော်လင့်ချက်ရောင်ခြည်များ တလက်လက် တောက်ပလာခဲ့ကြသည့် အချိန်များ ဖြစ်ပါသည်၊ သို့ပါသော်လည်း ယနေ့အထိ နိုင်ငံတော်၏ အုပ်ချုပ်ရေး ယန္တယားကြီးမှာ အပြောင်းအလဲဟူ၍ ထင်ရှားစွာ မတွေ့ရဘဲ ယခင်အချိန်များအတိုင်း ကြိုးနီစနစ်၊ တင်းကြပ်သော စည်းမျဉ်းဥပဒေများဖြင့် ပြည်သူလူထုအဖို့ အလုပ်အကိုင် ခက်ခဲနေဆဲပင် ဖြစ်ပါသည်။
ကျွန်တော်တို့သည် သမ္မတကြီးတို့ ရက်၁၀၀ ရှင်းလင်းပွဲအကြောင်းကို သတင်းသာကြားရပြီး အသေး စိတ်မသိခဲ့ရပါ၊ သို့ပါသော်လည်း ကျွန်တော်တို့၏မျှော်လင့်စောင့်စားရမှုများကိုသမ္မတကြီး သိစေလိုပါ သည်၊ အကယ်၍ ကျွန်တော်တို့၏ အကြံပြုချက်များမှာ သမ္မတကြီးတို့ သိရှိအရေးယူပြီးသား ဖြစ်နေ သည်ဆိုလျင်လည်း ကျွန်တော်တို့အား နားလည်ခွင့်လွှတ်စေလိုပါသည်။
ဗဟိုဦးစီးစနစ်၊ ဗဟိုကစီမံပေးသည့် စီမံကိန်း စီးပွားရေးစနစ်ဆိုသည်မှာ ပြီးခဲ့သော အစိုးရအဖွဲ့နှင့်အတူ ပြီးဆုံးသွားပြီဖြစ်ကြောင်း သမ္မတကြီးက ရှင်းရှင်းလင်းလင်း ပြောပြစေလိုပါသည်၊ ဒီမိုကရေစီသဘော တရား များအရ တိုင်းပြည်၏ အချုပ် အခြာအာဏာကို ပြည်သူပြည်သားတို့က ပိုင်ဆိုင်သည့်နည်းတူ ၀န်ကြီးဌာနအသီးသီး၊ အောက်ခြေမှ ၀န်ထမ်း အဆင့်ဆင့်တို့သည် မိမိဖါသာ ဆုံးဖြတ်လုပ်ပိုင်ခွင့် ရှိ ကြောင်းကို သမ္မတကြီးက အစိုးရ ၀န်ထမ်းအားလုံးကို ရှင်းပြစေလိုပါသည်၊ အစိုးရ၀န်ကြီးဌာန ၀န်ကြီး တဦးသည် ဗဟိုအစိုးရက ချပေးသော ဘတ်ဂျက်ပမာဏကိုသာ စောင့်ကြည့်ရန်လိုပြီး မိမိဌာနတွင် လုပ်နည်းလုပ်ဟန်များကို ပြုပြင်ပေးရန်မှာ မိမိတာဝန်သာဖြစ်ပါသည်၊ တိုင်း၊ ခရိုင်၊ မြို့နယ်အဆင့်ဆင့် ဦးစီးမှူးကြီးများသည် မိမိအဆင့်အလိုက် လုပ်ပိုင်ခွင့်အနေအထားကို ရှင်းရှင်း လင်းလင်း သိထားရ ပါမည်။
ယခုလက်ရှိ အခြေအနေမှာ ကိစ္စတခုပေါ်တိုင်း မိမိအထက်ကို တင်ပြနေကြရဆဲဖြစ်ပြီး အမိန့်လာမှ ဆုံးဖြတ်ချက်ချပေးနေရခြင်းများမှာ မဖြစ်သင့်တော့ပါ။
ဒုတိယအရေးကြီးဆုံးအချက်မှာစီးပွားရေး၊ ပညာရေး၊ ကျန်းမာရေး၊ ကဏ္ဍအသီးသီးအလိုက် ခေတ်သစ် နှင့် မညီလျော်တော့သော ဥပဒေများနှင့် ဗျူရိုကရေစီ ယန္တယားကြီးကို ပယ်ဖျက် ပြီး ပြုပြင်ပြောင်းလဲရေး လုပ်ကြရန်ဖြစ်ပါသည်။
Reform ခေါ် ပြုပြင်ပြောင်းလဲရေးလုပ်ငန်းများတွင် e-government ဖြစ်ရန်အရေးကို ပထမ ဦးစားပေး ဆောင်ရွက်သင့်ပါသည်၊ သမ္မတကြီးက တိုက်ရိုက်ကွပ်ကဲသော MDI -Myanmar Digital Initiative ရုံးကို ဖွင့်လှစ်ပြီး ကျွန်တော်တို့နိုင်ငံ၏ နေရာကဏ္ဍအသီးသီးတွင် ဒီဂျစ်တယ် နည်းစနစ်ကို အသုံးပြု နိုင်ရေး ကိုဆောင်ရွက်ရန် ဖြစ်ပါသည်။
နိုင်ငံသားကဒ်များ ပလပ်စတစ်ကဒ်ဖြစ်ရေး ပတ်စပို့ကို ကွန်ပျူတာစက်များမှ ထုတ်ပေးနိုင်ရေး ဘဏ် များမှ ငွေပေးငွေယူ Transactions ကိစ္စများ၊ ပြည်သူများအကြား အချင်းချင်း ငွေပေးငွေယူ လုပ်ခြင်း အစရှိသည့် အခြေခံကိစ္စများအားလုံးကို ဒီဂျစ်တယ်နည်းများဖြင့်ဆောင်ရွက်နိုင်ရန် ဤရုံးက လမ်းညွှန် ပေးရပါမည်၊
လိုအပ်သော နည်းပညာအတွက်မူ သမ္မတကြီးကိုယ်တိုင်ဖြစ်စေ ကျွမ်းကျင်သော ပညာရှင်များအဖွဲ့ ကိုဖြစ်စေ နိုင်ငံအသီးသီးသို့ လေ့လာရေးခရီးစဉ်များ စေလွှတ်ပေးရပါမည်၊ ထိုနိုင်ငံများမှ ဥပမာများကို လေ့လာဆည်းပူးသည့်နည်းတူ အတတ်ပညာ အထောက်အကူများရယူနိုင်ပါလိမ့်မည်၊ ဥပမာ ဆီလီကွန်းတောင်ကြားမှ IT-Information Technology ကုမ္ပဏီများသည် လိုအပ်သော ဘတ်ဂျက် ပမာဏ Hardware, Software လိုအပ်ချက်များအားလုံးကိုပြောပြနိုင်ပါလိမ့်မည်။
ပညာရေးနှင့်ကျန်းမာရေး စီးပွားရေးကဏ္ဍအသီးသီးတွင် အင်တာနက်ဆက်သွယ်ရေး ပစ္စည်းကိရိယာ များမပါဘဲ ခရီးဆက်နေရပါလျင် အဖက်ဖက်မှနောက်ကျနေပါလိမ့်မည်၊
ဒုတိယလိုအပ်ချက်မှာ အစိုးရရုံးများ၏ ဖွဲ့စည်းပုံ၊ အလုပ်လုပ်ပုံ၊ ၀န်ထမ်းများ၏ အယူအဆများကို ပြုပြင်ရပါမည် (Structural Change)၊ ပြည်သူလိုအပ်ချက်ကို ဦးစားပေးဖြည့်ဆည်းပေးသည့် စနစ်မျိုးဖြစ်အောင် ပညာပေး ခြင်း အလုပ်ကို လုပ်ရပါမည်။
တိုင်းပြည်၏ စီးပွားရေး မပာာဗျူဟာတွင်လယ်ယာကဏ္ဍထွက်ကုန်တိုးရေး၊ ကုန်ထုတ်လုပ်မှု စီးပွားရေး (Manufacturing Economy) ဖြစ်လာရေး၊ နိုင်ငံခြားဧည့်သည်များ ရောက်လာရေး ဆိုသော အချက် များပါဝင်ရပါမည်၊ ထို့ပြင် နိုင်ငံခြားမှ ရင်းနှီးမြှုတ်နှံမှုများဝင် ရောက်လာရေးဆိုသောအချက်မှာလည်း အရေးကြီးလှပါသည်၊
MIC-Myanmar Investment Commiddion မှ အရာရှိများက သမ္မတကြီး တာဝန်ယူခဲ့ချိန်မှစ၍ နိုင်ငံခြားရင်းနှီးမျြပ်နှံမှုမှာ အမေရိကန်ဒေါ်လာ တသန်းသာရှိသည်ဟု ဆိုပါသည်။
ယနေ့ ရင်းနှီးမြှပ်နှံမှုကော်မရှင်သည် နိုင်ငံခြားရင်းနှီးမြှပ်နှံမှုများကို ဖိတ်ခေါ်ရမည့်အစားစောင့်ကြည့် သည့် ဂိတ်တံခါးကဲ့သို့ ပြုမူနေပါသည၊် နိုင်ငံခြားမှ ရင်းနှီးမြှုပ်နှံလိုသူတဦးသည် လိုအပ်သည့် မြေ၊ လျှပ်စစ်၊ ရေ၊ လိုအပ်ချက်ပြဿနာများကို မိမိဖါသာ ဖြေရှင်းကြရပြီး ဤကော်မရှင်ရုံးတွင် လိုင်စင် (သို့) ပါမစ်ကို လျှောက်ထားကြရပါသည်၊ ပုံစံပေါင်း တဒါဇင်ကျော်တွင် တခါတရံ မဆီလျော်သော အကြောင်း အရာများစွာကို ဖြည့်စွက် တင်ပြကြရပါသည်။
အမှန်တကယ်လုပ်သင့်သည်မှာ ထက်မျက်တက်ကြွသောလူငယ်အရာရှိများ ခန့်အပ်ခါ နိုင်ငံခြား ကုမ္ပဏီများကိုဆက်သွယ် ဖိတ်ခေါ်သင့်ပါသည်၊ ထိုရုံးတွင်ရန်ကုန်အပါအ၀င် တပြည်လုံးနေရာအနှံရှိ စီးပွားရေး အရ အသုံးပြုနိုင်သည့် မြေနေရာစာရင်းကို အပြည့်အစုံပြုစုပြီးဖြစ်ရပါမည်၊ ရင်းနှီးမြှုပ်နှံမည့် သူ၏ လိုအပ်သမျှကို One Stop Station အဖြစ် ဤရုံးကြီးက ဆောင်ရွက်ပေးသင့်ပါသည်။
နိုင်ငံခြားရင်းနှီးမြှုတ်နှံသူများနှင့်ဆက်ဆံရာတွင်ဘဏ်များ၏အခမ်းကဏ္ဍမှာအရေးကြီးလှပါသည်၊ မြန်မာနိုင်ငံတွင် ဘဏ်များစွာရှိသည့်အနက်ဧရာဝတီဘဏ်တခုသာ ibanking ခေါ် ငွေစာရင်း ဆိုင်ရာကိစ္စများကို အင်တာနက်ဖြင့် လုပ်နိုင်ပါသေးသည်၊ အထူးသဖြင့် နိုင်ငံခြားဆက်ဆံ ရေး တွင် အရေးကြီးသော မြန်မာ့စီးပွားရေးဘဏ်ကြီးအနေဖြင့် ibanking လုပ်နိုင်ရေးမှာ အရေးကြီးပါသည်၊
အကောက်ခွန်ဌာနကြီးမှာ မြန်မာနိုင်ငံအတွင်းသို့ ၀င်သမျှပစ္စည်းများကို ရသင့်သည့် အခွန်ငွေကို ကောက်ခံပြီး မလိုလားအပ်သောပစ္စည်းများကို မ၀င်နိုင်အောင် တားဆီးပေးရန်သာဖြစ်ပါသည်၊ ယခုအခါ ရာဖြတ် အရာရှိများက ကုန်သည်ကကြေငြာလာသော ကုန်ပစ္စည်းတန်ဘိုးမှာမည်မျှ ဖြစ်သင့်သည်ဟု ဆုံးဖြတ်ပေးနေကြပါသည်၊ ဤလုပ်ထုံးလုပ်နည်းကြောင့် လာဘ်ပေးလာဒ်ယူ ကိစ္စကို ဖန်တီးပေးနေသလို ကုန်စည်စီးဆင်းရေးကိုလည်း အဟန့်အတားဖြစ်စေနိုင်ပါသည်၊ အကောက်အခွန် အရာရှိများအနေဖြင့် ကွန်တိန်နာတွေ စုပုံနေအောင် စီစစ် စစ်ဆေးနေခြင်းသည် တိုင်းပြည်တွင် ကုန်ဈေးနှုန်းတက်လာစေပါသည်။
အကောက်ခွန်တွင် နာမည်အမျိုးအစားကွဲပြားကောက်ခံနေခြင်းအစား GST Government Service Tax ခေါ်ပုံစံအမျိုးတည်းတပြေးညီကောက်ခံသင့်ပါသည်၊ အကယ်၍သာအကောက်ခွန်ရုံးကြီးက အဟန့်အတားအမျိုးမျိုးကို ဖယ်ရှားပေးပြီး လွယ်ကူချောမွေ့အောင်ပြုလုပ်ပေးနိုင်လျင် နိုင်ငံပေါင်းစုံမှ လူသုံးကုန်ပစ္စည်းမျိုးစုံ ၀င်လာနိုင်ပါသည်၊ အင်ဒိုနီးရှားမှပို့လိုက်သော ပါတိတ် ကွန်တိန်နာသည် ယိုးဒယားသို့ ပဌမသွားပြီးကုန်းလမ်းမှ ရန်ကုန်သို့ လာရခြင်းမှာ မဖြစ်သင့်တော့ပါ၊
တိုင်းပြည်စီးပွားဖွံ့ဖြိုးမှုအတွက် အမြတ်ရရှိသော စီးပွားရေးလုပ်ငန်းများစွာ ရှိနေရန် လိုအပ်ပါသည်၊ စီးပွားရေးသမားများ အပေါ်မှ ငွေကြေးအမြတ်ထုတ်ရန် ရည်ရွယ်ချက်ဖြင့် ပြုမူဆက်ဆံနေခြင်းများကို အစိုးရရုံးများမှ ဖယ်ရှားပေးရပါမည်၊ ထိုအမြတ်ရရှိသော စီးပွားရေးလုပ်ငန်းများ ပေါများလာမှသာ တိုင်းပြည်စီးပွားရေး တိုးတက်ခြင်းကိုမြင်ကြရပါလိမ့်မည်။
ယနေ့ အစိုးရရုံးများလည်ပါတ်နေကြပုံမှာ စီးပွားရေးလုပ်ငန်းအများအပြားပေါ်ပေါက်စေရန်ဆိုသော ရည်ရွယ်ချက်ရှိဟန်မတူဘဲ ခေတ်ကာလအမျိုးမျိုးက အကြောင်းအမျိုးမျိုးတို့ကြောင့် ထုတ်ခဲ့ရသော ဥပဒေအမျိုးမျိုးကို အကြောင်းပြုပြီးမခက်ခဲလျင် ခက်ခဲအောင် ပြဿနာများကိုသာ ဖန်တီးပေးနေကြ ပါသည်၊ ထိုအကျင့်ဆိုးများရှိနေပါလျင် အောင်မြင်သောစီးပွားရေးလုပ်ငန်းများမပေါ်ပေါက်နိုင်ပါ။
မော်တော်ကားလိုင်စင်သက်တန်းတိုးရန်အတွက် က၊ည၊န ရုံးသို့ တနေကုန်သွားပြီးတန်းစီကြရပါသည်၊ နိုင်ငံခြားသားဖြစ်သွားသော မြန်မာတယောက် ဗီဇာသက်တန်းသွားတိုးရန်လည်း တနေကုန်ကြာသည် ဟုငြီးငြူသံကိုကြားရဖူးသည်၊ ချက်လက်မှတ်တစောင် မိမိငွေစာရင်းတွင်ဝင်ရန် ၂ရက်မှ ၃ ရက်စောင့် ကြရသည်၊ မိမိကုန်ပစ္စည်းအတွက် ဆိုင်းဘုတ် (Bill board) ထောင်လိုသူလုပ်ငန်းရှင်တဦးမှာ မြေပိုင် ဆိုင်မှုဂရန်အတောင်းခံရဘူးသည်၊ မိတ်ဆွေတဦးကရုံးခမ်း နေရာကို ဂိုဒေါင်အဖြစ်အသုံးပြုလို ရာတွင် လိုင်စင်ထုတ်ပေးမည့်သူ က လျှပ်စစ်ဌာန နှင့်မီးသတ်တပ်ဖွဲ့၏ ထောက်ခံစာပေးရမည်ဟုဆိုသည်၊
ဤကိစ္စများမှာအရေးမကြီး အသေးအမွှားပါဟု ဆိုနိုင်သော်လည်း ထိုကဲ့သို့သော အရာများက စီးပွားရေးလုပ်ငန်း များကို ပေါ်ထွက်မလာအောင် ပိတ်ပင်တားဆီးထားတတ်ပါသည်၊
ဤအခက်အခဲများကို အချိန်ယူ၍သာပြုပြင်ယူရမည်ဟု နားလည်ပါသည်၊ သို့ပါသော်လည်း အစိုးရက ထိုအကျင့်ဆိုးများကိုပပျောက်အောင်လုပ်နေပါသည်ဆိုသောအချက်ကိုမမြင်ကြရသဖြင့်ကျွန်တော်တို့ စိတ်ပျက်လက်ပျက်ဖြစ်ကြရပါသည်၊
(Manufacturing Economy ) ကုန်ထုတ်လုပ်သည့် စီးပွားရေးစနစ် ဖြစ်ပေါ်ရေးအတွက် လျှပ်စစ်၊ ရေ၊ ရေဆိုးမြောင်းများ၊ မြေနေရာ အဆောက်အဦး အစရှိသည်တို့ လိုအပ်ပါသည်၊ ပြုပြင်ပြောင်းလဲရေး လုပ်ငန်းများမလုပ်ဘဲ ထိုလိုအပ်ချက်များကို ဖြည့်ဆည်းပေးနိုင်မည်မဟုတ်ပါ၊ ကျွန်တော်တင်ပြလိုသော အချက်မှာ လျှပ်စစ်စက်ရုံအသစ်ကြီးရောက်လာလျင်လည်း ယနေ့ဝန်ထမ်းများ လိုက်နာကြရသည့် နည်းလမ်းထုံးတမ်းများနှင့်ဆိုလျင် ပြည်သူလူထုထံ လျှပ်စစ်ဖြန့်ဝေရန် ခက်ခဲနေပါလိမ့်ဦးမည်။
၁၉၇၉ ခုနှစ်ကစခဲ့သော စီးပွားရေးပြုပြင်ပြောင်းလဲရေးလုပ်ငန်းများဖြင့် တရုတ်ပြည်ကြီးသည် ချမ်းသာ သော လူလတ်တန်းစားများဖန်တီးပေးခြင်းဖြင့်ယခုအခါလူစီးလေယာဉ်ပျံများ ပြည်တွင်းတွင်ထုတ်လုပ် နေပြီဟူ၍၄င်း၊ အိန္ဒိယနိုင်ငံနိုင်ငံတွင် ၁၉၉၁ ၀န်ကြီးချုပ်နာမာဆင်ဝါရောင်း လက်ထက်မှစ၍ ပြုပြင် ပြောင်းလဲရေးလုပ်ငန်းများကြောင့် ကမ္ဘာ့ဈေးကွက်တွင် ထင်ရှားသော စီးပွားရေး ကျားကြီးတကောင် ဖြစ်လာပုံကို၎င်း ကွန်မြူနစ်ဝါဒဖြင့် ပြည်တွင်းစစ်ဒဏ်ကိုဆိုးဆိုးရွားရွားခံခဲ့ရသော ဗီယက်နမ် နိုင်ငံတွင် ဈေးကွက်စီးပွားရေး ပြုပြင်ပြောင်းလဲမှုများ ကြောင့် စီးပွားရေးတိုးတက်မှုနှုန်း အများဆုံးနိုင်ငံ ဖြစ်ခဲ့ ရသော ဥပမာပေါင်း မြောက်များစွာကို တွေ့နိုင်ကြပါသည်။
ကျွန်တော်တို့နိုင်ငံတွင်လည်း ဗီယက်နမ်နိုင်ငံနှင့်မရှေးမနှောင်း ၁၉၈၇ ခုနှစ်တွင် ဆန်ရောင်းဝယ်မှုကို ထိမ်းချုပ်ထားခြင်းကို ပယ်ဖျက်ခြင်းမှအစ နိုင်ငံခြားကုန်သွယ်ခွင့် ပုဂ္ဂလိကဘဏ်ခွင့်ဖွင့် စသည်ဖြင့် စီးပွားရေုးပြုပြင်ပြောင်းလဲမှုများကို ဆက်တိုက်ကြိုးစားလုပ်ကိုင်ခဲ့ကြပါသည်၊ သို့ပါသော်လည်း များစွာ သောအကြောင်းများကြောင့် ယခုအချိန်အထိ အောင်မြင်မှုမရနိုင်ဘဲ အထက်ပါနိုင်ငံများနှင့် နှိုင်းယှဉ် လျင်များစွာနောက်ကျနေခဲ့ရပါသည်၊
ယခုအခါ ၂၁ ပင်လုံညီလာခံကြီးကျင်းပအပြီး ကျွန်တော်တို့၏ ညီအစ်ကို မောင်နှမများ စည်းလုံး ညီညွတ်ရေး၊ လက်နက်ကိုင် ပဋိပက္ခ ချုပ်ငြိမ်းရေးကို ဆွေးနွေးနေကြသည့် အချိန်လည်းဖြစ်ပါသည်၊ အကယ်၍တောင်ပေါ် ဒေသအပါအ၀င် မြန်မာနိုင်ငံအ၀ှမ်း လမ်းကွေ့ဖေါက်၊လျှပ်စစ် အင်တာနက် အဆက်အသွယ်တွေ ကောင်းပြီး အထူးသဖြင့် တိုင်းရင်းသားများနေထိုင်ရာ တောင်ပေါ်ဒေသများတွင် စီးပွားရေးလုပ်ငန်းအသီးသီး လုပ်ကိုင်နေကြပြီး ၀င်ငွေကောင်းသောလုပ်ငန်းများကိုဖန်တီးပေးနိုင် ကြလျှင် ဤလက်နက်ကိုင်ဖြေရှင်းရသော ပြဿနာများမှာ များစွာဖြေလျှော့လာနိုင်မည်ဟု ကျွန်တော် ယုံကြည်မိပါသည်။
ထို့ကြောင့် နှစ်ပေါင်း ၆၀ ကျော်ကြာအောင် စောင့်စားနေကြရသော တကဲ့ပြုပြင် ပြောင်းလဲမှုများကို သမ္မတကြီး၏လက်ထက်တွင် ဖေါ်ဆောင်ပေးနိုင်လိမ့်မည်ဟု မျှော်လင့်မိပါကြောင်း ရေးသားလိုက်ရ ပါသည်။
ကိုသန်းလွင်
Voice Weekly 8 October 2016
သင့်အကြောင်း သင့်လုပ်ငန်း ကြော်ငြာ သည်နေရာမှာ ကြော်ငြာနိုင်ပါပြီ
