4 10 2683 https://moemaka.net/omeka2/files/original/19dc457bff7bd9a247d1a13d77b22079.jpg 9e09fad5dff5dfac43f1410e2f801eeb https://moemaka.net/omeka2/files/original/d258f42158d162b358cb5aa43d702520.jpg 07bfc65c77d6c8055357fa9a3978bc6b Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource 2020 Reports on Burma Subject The topic of the resource Event, Report, Obit, Bio Person An individual. Birth Date 1934 Death Date 3rd August 2020 Occupation British linguist Biographical Text ကျွန်တော့်ထက် မြန်မာစာပိုတတ်တဲ့ ဆရာဂျွန်အိုကယ် By ကျော်ရင်မြင့် on Saturday, August 8, 2020 - 01:30 7 Day News Online ဆရာ အိုကယ် ဩဂုတ် ၃ ရက် တနင်္ဂနွေနေ့က လန်ဒန်နေ အိမ်မှာ ကွယ်လွန်တယ်လို့ ပါ မောက္ခ ဆရာဂျပ်စတင်က သတင်းပေးပါတယ်။ ဆရာ အို ကယ်ဟာ အရင်ဘဝက မြန်မာ ဖြစ်ခဲ့သူလားလို့ ထင်ရတဲ့ အင်္ဂ လိပ်ကြီးတစ်ယောက်ပါ။ ပြော မယ့်သာ ပြောရတာ၊ အခု ဘဝ လည်း မြန်မာဖြစ်နေတဲ့ အင်္ဂလိပ် ကြီးလို့ ပြောရရင် ပိုမှန်ပါလိမ့် မယ်။ တကယ်လို့များ စားသောက် ဆိုင်တစ်ဆိုင်က ဟိုတစ်ဖက်စား ပွဲမှာ ကန့်လန့်ကာခြားပြီး ဆရာ အိုကယ်က ထိုင်ပြီးစကားပြောနေ မယ်၊ ကိုယ်က ဒီဘက်ကကြား နေရမယ်ဆိုရင် ကန့်လန့်ကာဟို တစ်ဖက်မှာ စကားပြောနေသူက မြန်မာစစ်စစ် ပညာတတ်ကြီး တစ်ယောက်လို့သာ မှတ်ထင်ဖို့ သေချာတယ်။ ဆရာအိုကယ်က မြန်မာစကားကို ပီသရုံမက ပုံတို ပတ်စ စကားပုံ အခိုင်းအနှိုင်းကြွယ်ကြွယ်ဝဝနဲ့ ဝေဝေဆာဆာ ပြောလေ့ရှိတယ်။ မြန်မာထဲက ကဗျာဆရာကြီး ဆရာအံ့မောင်နဲ့ ဆရာအိုကယ်က လေယူလေ သိမ်းနဲ့ စကားကြွယ်ဝပုံဆင်တူပါ တယ်။ မြန်မာပညာရှိတစ် ယောက်အဆင့် သူ့မှာရှိတယ်။ ဆရာ့နာမည်က Mr. John Okell ပါ။ မြန်မာနာမည် ဦးလှ သိန်းလို့ မှည့်ခေါ်ထားတယ်။ (ဒီ နာမည်ကို အမရပူရက ဘုန်းကြီး တစ်ပါးက ပေးထားတာပါ။) ဒါပေမဲ့ သူ့ကို ဆရာအိုကယ်လို့ သာ အသိများတယ်။ ဆရာက သူ့နာမည်ကို သူဖျက်လေ့ရှိပါ တယ်။ သူ့ကိုယ်သူ မိတ်ဆက်တဲ့ အခါ ဦးလှသိန်း ခေါ် John Okell ပါ။ ‘အုတ်ခဲ’ လို့ ခေါ်ရင်လည်းရ ပါတယ်လို့ အရွှန်းဖောက်လေ့ရှိ တယ်။ ဆရာက ဟာသလည်း ပြောတတ်တယ်။ ဆရာအိုကယ်ကို ကျွန်တော် စသိတာက လွန်ခဲ့တဲ့ နှစ်ပေါင်း ၃၀ ကျော်က ကွန်ပျူတာ မြန်မာ စာလုံးရဲ့အဦးဆုံးဖြစ်တဲ့ ‘အင်းဝ စာလုံး’ ကို ဖန်တီးသူအနေနဲ့ပါ။ ကွန်ပျူတာမှာ မြန်မာစာလုံးရိုက် လို့ရအောင် Apple Macintosh အတွက် မြန်မာစာ Ava Laser Font ကို ဆရာ အိုကယ် တီထွင် ပေးခဲ့တယ်။ သူက လန်ဒန်တက္ကသိုလ်S O A S (School of Oriental and African Studies) မှာ မြန်မာစာပါမောက္ခအဖြစ် တာဝန် ထမ်းဆောင်ပြီး အငြိမ်းစားယူပါ တယ်။ ဆရာ ကွယ်လွန်တော့ အသက် (၈၇) နှစ်ရှိပါပြီ။ အငြိမ်း စားယူပြီးပေမယ့်လည်း ဆရာ အို ကယ်က နိုင်ငံခြားသားတွေကို မြန်မာစာသင်ပေးတဲ့အလုပ်ဆက် လုပ်တယ်။ မြန်မာနိုင်ငံကိုလည်း ပုံမှန်လာလေ့ရှိတယ်။ ဆရာအိုကယ်က မြန်မာမှု ကို မြတ်နိုးတယ်။ ကျွန်တော် လန် ဒန်ကိုရောက်စဉ်က ဆရာအို ကယ်တို့ရဲ့ လန်ဒန်တက္ကသိုလ် မြန်မာစာဌာနကို သွားလည်ပါ တယ်။ လျှောက်လမ်းနံရံထက်မှာ ပန်းချီကျော် ပေါ်ဦးသက်ရဲ့ပန်းချီ ကား ချိတ်ထားတာတွေ့တော့ အံ့ဩရတယ်။ အဲဒီအချိန်က ဆရာပေါ်ဦးသက် ဆုံးပါးသွားပြီ။ ဆရာပေါ်ဦးသက်ရဲ့ ပန်းချီကား တွေက တန်ဖိုး သိန်းရာဂဏန်း ဖြစ်နေပါပြီ။ ဒီလိုတန်ဖိုးကြီးတဲ့ ပန်းချီကားကို တက္ကသိုလ်ကျောင်း က အများသူငါ ဝင်၊ ထွက်သွား လာတဲ့ လျှောက်လမ်းကနံရံမှာ ချိတ်ထားတော့ ပျောက်မှာ ကျွန် တော်ပူပန်တာပါ။ ဒီကိစ္စ ဆရာ အိုကယ်ကိုပြောတော့ မြန်မာ့ပန်း ချီလက်ရာမွန်ကို ကျောင်းသူ ကျောင်းသားတွေ ခံစားရစေချင် လို့ဆိုပြီး ဆရာအိုကယ်က ဖြေ တယ်။ ဆရာအိုကယ်က မြန်မာစ ကားကို လန်ဒန်မှာ ဆရာဒေါက် တာလှဖေထံက ဆည်းပူးလေ့ လာတယ်။ ၁၉၆၁ ခုနှစ်မှာ ရန်ကုန်တက္ကသိုလ်ကိုလာနေပြီး ဆက်လေ့လာပါတယ်။ ဆရာက မြန်မာစကားလေ့လာခဲ့ရတဲ့အ တွေ့အကြုံတွေ ကျွန်တော့်ကို ပြန်ပြောပြဖူးပါတယ်။ ‘ကျွန်တော်က မတောက်တ ခေါက်တတ်ထားတဲ့ မြန်မာစကား လေးတွေကို သိပ်အသုံးချချင် တယ်။ ဒါပေမဲ့ ရန်ကုန်မှာ ကျွန် တော်တွေ့တဲ့ လူတိုင်းလိုလိုက အင်္ဂလိပ်လိုပဲ ပြောကြတယ်’ ဆရာအိုကယ်က မြန်မာစကား အပြောကျင့်ချင်တော့ တစ်ခါတစ် ရံမှာ သူမျက်စိလည်လမ်းမှားဟန် ဆောင်ပြီး တွေ့သူတွေကို မြန်မာ လိုမေးတယ်။ ‘ဟိုဘက်လမ်းက ဘယ်လမ်း လဲ။ များသောအားဖြင့် မြန်မာလိုမေးလိုက်ရင် သူတို့က ကျွန်တော့်ကို ကြည့်ပြီးတော့ what did you say? အင်္ဂလိပ်လိုပဲ ပြန်ပြောတယ်’ လို့ ဆရာက ပြောပြီးရယ်တာ ပြန်သတိရပါ တယ်။ ရန်ကုန်မှာနေပြီး မြန်မာစ ကားသင်ဖို့ မလွယ်ဘူးထင်တာနဲ့ ဆရာအိုကယ် အမရပူရကို သွား နေပါတယ်။ ဒေါက်တာညီညီက သူနဲ့ မယားညီအစ်ကိုတော်တဲ့ ရက်ကန်းထောင် ဆရာ ဦးညွန့်ရဲ့ အိမ်ကို ပို့ပေးတယ်။ ဦးညွန့်တို့ မိသားစုက အားလုံး တစ်ယောက် မှ အင်္ဂလိပ်လိုမတတ်ဘူး။ ဆရာ အိုကယ် အမရပူရရောက်မှ မြန် မာစကားကို အားပါးတရ လေ့ လာရတော့တယ်။ ‘အမရပူရမှာ နေနေတုန်း မှာပဲ ဘုရားပွဲရှိတယ်။ ဘုရားပွဲမှာ ဇာတ်အဖွဲ့လာတယ်။ ဇာတ်ဆ ရာနာမည်က မေတ္တာစိန်တဲ့။ ကျွန် တော်က မေတ္တာစိန် ဇာတ်ကတာ ကို အသံဖမ်းထားတယ်။ သူတို့က လည်း သဘောကျတာပေါ့လေ’ ဆရာအိုကယ် မြန်မာစကား လေ့လာပုံက ဘာသာစကားတစ် ခု သင်ယူလိုသူတွေအတွက် နမူ နာကောင်းပါ။ ဆရာက ဇာတ်အ ဖွဲ့နဲ့ ခင်မင်သွားတယ်။ ဇာတ်အ ဖွဲ့က ကချင်ပြည်နယ်ကို သွားက ရာ တစ်လကြာလိုက်သွားတယ်။ အင်းတော်ကြီးဘုရားပွဲ၊ ဗန်းမော် ရွှေကျီးနားဘုရားပွဲ၊ မိုးညှင်း မိုး ကောင်းအနှံ့ရောက်တယ်။ ဘုရား ပွဲတစ်ပွဲမှာ သုံးလေးည ကပြီးရင် လော်ရီကားကြီးနဲ့ ပွဲကူးကြရ တယ်။ သူက ဇာတ်ထဲမှာနေပြီး ဇာတ်ထမင်းဟင်းကို စားရုံမက ဇာတ်ပါဝင်ကလိုက်သေးတယ်။ ‘မေတ္တာစိန်က ရှေ့ပိုင်းပြ ဇာတ်ထဲမှာ မင်းပါရင်ကောင်း မယ်ဆိုပြီး တရားသူကြီးအဖြစ်နဲ့ ထွက်ခိုင်းတယ်’ ‘‘ပွဲကြည့်ပရိသတ်က နိုင်ငံ ခြားသားမှန်းသိလား’’ လို့ သူ့ကို ကျွန်တော်မေးတယ်။ ‘‘သိတာပေါ့။ မျက်နှာဖြူ တရားသူကြီးအနေနဲ့ သရုပ် ဆောင်ရတာ။ ခက်တာက ဇာတ် ဆရာက ပြောပြတာပေါ့လေ၊ မင်းပြောရမယ့်စကားက တရားခံ ကို တရားသူကြီးရှေ့ခေါ်လာ မယ်။ ထောင်ဒဏ်သုံးနှစ်ချမှတ် လိုက်ပါသည်လို့ပြောပြီးရင် ပြန် ဝင်ရုံပဲရှိတယ်။ ဒါပေမဲ့ တရားခံ လုပ်တဲ့သူက သနားတော်မူပါဘု ရား။ ကျွန်တော့်မှာ မယားရှိတယ်၊ ကလေးတွေရှိတယ် ဘာညာပြော ပြီး ငိုတယ်။ ကျွန်တော် ဘာလုပ်ရ မှာလဲ မသိတော့ဘူး’’ လို့ ဇာတ် ဝင်ကခဲ့တဲ့ အတွေ့အကြုံကို လည်း ဆရာအိုကယ်က ပြောပြဖူး တယ်။ ကျွန်တော်က ဆရာ့ကို ပေါက်ပေါက်ရှာရှာ စပ်စုပါတယ်။ ‘‘ဇာတ်သမားတွေဆိုတာ အိမ်သာကိစ္စကို ကြုံသလိုဖြေရှင်း ရတာ။ ဆရာကော ဒုက္ခမရောက် ဘူးလား’’ ‘‘ဒုက္ခမရောက်ဘူး။ တော ထိုင်တာ ပျော်စရာပဲ။ သဘာဝနဲ့ ပိုရင်းနှီးသွားတာပေါ့’’ ဆရာအိုကယ်က အင်္ဂလိပ် စစ်စစ်ဖြစ်လျက်နဲ့ ‘တောထိုင် တယ်’ ဆိုတဲ့ဝေါဟာရကို သုံးပြီး ဖြေသွားတယ်။ မြန်မာစကားကို ဆရာအို ကယ်လောက် ကျွန်တော်လေ့လာ တတ်ကျွမ်းပါရဲ့လားဆိုတာ မေး ခွန်းပြန်ထုတ်မိတာ အမှန်ပါပဲ။ သူပြောပြတာက ‘မြန်မာစကားရဲ့ မူကွဲတွေ၊ ဒေသိယစကားတွေ လေ့လာရရင် မြန်မာစကားကို ပိုပြီး လေးလေးနက်နက်သိရမယ် ဆိုပြီး ရခိုင်စကားရယ်၊ ထားဝယ် စကားရယ်၊ ယောစကားရယ်၊ အင်းသားစကားရယ် လျှောက်ပြီး လေ့လာခဲ့တာ’ ပါတဲ့။ အင်းသားစကားလေ့လာဖို့ ဆရာအိုကယ် အင်းလေးမှာ သွား နေခဲ့တယ်။ ‘အဲဒီတုန်းက ကျွန်တော်က ငယ်သေးတော့ ငါးဖမ်းတာ ဝါသ နာပါတယ်။ သူတို့အရပ် ဘုန်းကြီး ကျောင်းဆရာတော်က ငါးဖမ်း တာကို ဘယ်နည်းနဲ့မှ သည်းခံလို့ မရဘူး။ အကြီးအကျယ်ကန့်ကွက် တယ်။ ပြဿနာက အကြီးဆုံးငါး တွေက အဲဒီဘုန်းကြီးကျောင်း အောက်မှာပဲ အောင်းလေ့ရှိ တယ်’ ဘုန်းကြီးကျောင်းအောက် ကို ညအချိန်မှာ စွန့်စွန့်စားစား လှေနဲ့သွားပြီး ငါးခိုးဖမ်းခဲ့ပုံကို ဆရာအိုကယ်ပြန်ပြောပြတယ်။ ‘လှော်တက်ကိုင်တဲ့သူက အသံမမြည်အောင် ဖြည်းဖြည်း ချင်းလှော်ရတာ။ ညမှာ ဘုန်းကြီး ကျောင်းအောက်ကိုသွားရတယ်။ ပွဲစားဖူးက လှေဦးမှာ မှိန်းသုံးခွနဲ့ ထိုင်လာတယ်။ စကားလုံးဝ မပြောရဘူး။ အသက်ကိုတောင် သာသာလေးပဲ ရှူရတယ်။ လက် နှိပ်ဓာတ်မီးနဲ့ ရေထဲကိုထိုး၊ ငါးကို တွေ့တော့ ဖျောက်ခနဲထိုးလိုက် တာ၊ မှိန်းဖျားမှာ ငါးပါလာတယ်။ ငါးကို လှေဝမ်းထဲ ချလိုက်တော့ ဖလပ်ဖလပ်နဲ့ ကြားနေရတာ။ ဘုန်းကြီးကြားပါလိမ့်မယ် ဖိထား ဖိထား’ ဆရာအိုကယ်က အင်းထဲက ဘုန်းကြီးကျောင်းအောက်မှာ ငါး ခိုးဖမ်းရင်း မိတဲ့ငါးက တဖျပ်ဖျပ် ခုန်နေတာ ကျောင်းပေါ်ကဘုန်း ကြီးမကြားအောင် ငါးကို လက်နဲ့ ဖိကိုင်ထားပုံ ပြောလည်းပြော၊ ပုံစံလည်း လက်တွေ့ လုပ်ပြတာ မျက်စိထဲက မထွက်နိုင်ပါဘူး။ သူက ဂီတကိုလည်း ဝါသ နာပါတော့ စောင်းဆရာကြီး အင်းလေး ဦးမြင့်မောင်ထံမှာ ပတ္တလားနဲ့ စောင်းပညာသင်ယူ ပါတယ်။ အဲဒါ ၁၉၆၁ ခုနှစ်ကပါ။ ယခုအချိန်ဆိုရင် နှစ်ပေါင်း ၆၀ လောက်ပင်ကြာခဲ့ပါပြီ။ ဒါပေမဲ့ ဆရာ အင်းလေးဦးမြင့်မောင်တို့၊ ဆရာမ ဒေါ်ခင်မေတို့နဲ့ သွေးသား ရင်းချာပမာ ချစ်ခင်ရင်းနှီးနေကြ ဆဲ။ ဆရာအိုကယ် မန္တလေး လာ တိုင်း စားအိမ်သောက်အိမ်အဖြစ် ဝင်ထွက်စားသောက်နေထိုင်ဆဲ ဖြစ်ပါတယ်။ တစ်ခါတစ်ရံမှာ မန္တလေးမြို့ခံဖြစ်တဲ့ ကျွန်တော်က ဆရာအိုကယ်နဲ့ ဧည့်မြှောင်လုပ် ပြီး ထမင်းဝင်နှိုက်စားဖူးပါတယ်။ ဆရာ အိုကယ် ကျန်းမာရေး ချူချာတဲ့အကြောင်း သတင်းတွေ ထွက်လာတယ်။ ဆရာ စောင်းဦး မြင့်မောင်ရဲ့သမီး ဒေါက်တာမြင့် မြင့်ချိုက ဆရာအိုကယ် သက်သာ တဲ့အကြောင်း ဆရာကတော် မစုက သူတို့မိသားစုကို ရေးလိုက် တဲ့စာ ကျွန်တော့်ဆီ မက်ဆင်ဂျာ က ပို့ပေးလို့ ‘တော်ပါသေးရဲ့’ ဆိုပြီး တွေးနေဆဲမှာ ဆုံးပြီဆိုတဲ့ သတင်းက နောက်ဆက်တွဲအဖြစ် ရောက်လာပါတယ်။ ဆရာ အိုကယ် ကွယ်လွန် တော့ ဇနီး မစုနဲ့ သမီး မမဉ္ဇူ၊ သား ကိုကျော်ဇေယျတို့ ကျန်ခဲ့ ပါတယ်။ နောက်ဘဝမှာ ဆရာဂျွန်အို ကယ် မြန်မာပြည်လာပြီး လူဝင် စားဖြစ်မှာပဲလို့ ကျွန်တော် တွေး ထင်နေမိတယ်။ သူ့ကြောင့် မြန်မာပြည် အကျိုးဖြစ်ဖို့သာရှိပါ တယ်။ ။ (ဆောင်းပါးရှင် ကျော်ရင်မြင့် သည် အောင်မြင်သူများ၏ ရုပ်ပုံလွှာများ၊ လူမှုဘဝဆောင်းပါးများ၊ အတွေးအမြင် ဆောင်းပါးများနှင့် ဝတ္ထုတိုများ ရေးသားနေသူဖြစ် သည်) Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource John Okell Subject The topic of the resource British linguist Description An account of the resource ဂျွန်အိုကဲလဲ မြန်မာစာပညာရှင် Source A related resource from which the described resource is derived Kyaw Yin Myint Publisher An entity responsible for making the resource available 7 Day Burmese News Journal Linguist https://moemaka.net/omeka2/files/original/9e98a48d7c59a147533235c06aab864e.jpg 0363ff5a7c5fca74d40f078b383a48b5 Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource 2020 Reports on Burma Subject The topic of the resource Event, Report, Obit, Bio Person An individual. Death Date 10th August 2020 Occupation Sayadaw Buddhist Monk Biographical Text ဒေါက်တာဘဒ္ဒန္တဓမ္မပီယ (သက်တော် ၆၅၊ ဝါတော် ၄၆) ပျံလွန်တော်မူခြင်း။ မဟာစည် ပြည်တွင်းပြည်ပ နာယက၊ အမေရိကန်နိုင်ငံ ကယ်လီဖိုးနီးယားပြည်နယ် ကက်(စ်)ထရို ဗေးလီးဒေသ မေတ္တာနန္ဒကျောင်း၊ ရန်ကုန်မြို့ ငါးကျမ်းပြန်ကျောင်းတို့၏အဓိပတိ။ နိုင်ငံတကာမေတ္တာနန္ဒကျောင်းတည်ထောင်သူ၊ ရန်ကုန်မြို့ အပြည်ပြည်ဆိုင်ရာထေရဝါဒဗုဒ္ဓသာသနာပြုတက္ကသိုလ် ပါမောက္ခ မဟာဌာနမှူး ၊ စစ်ကိုင်းတိုင်း ကန့်ဘလူခရိုင် ကျွန်းလှမြို့ သီတဂူဗုဒ္ဓတက္ကသိုလ် ပါမောက္ခချုပ် ဆရာတော် ဒေါက်တာအရှင်ဓမ္မပိယ မထေရ်မြတ်သည် သာသနာတော်နှစ် ၂၅၆၄၊ ကော်ဇာသဣရာဇ် ၁၃၈၂၊ ဒုတိယဝါဆိုလဆုတ်(၇)ရက်၊ (၁၀.၈.၂၀၂၀) ရက် တင်္နလာနေ့ နံနက်ပိုင်း (၈) နာရီ အချိန်၌ အမေရိကန်နိုင်ငံ၌ (၉၆) ပါးရောဂါဖြင့် ဆေးရုံတွင် ဘဝနတ်ထံပျံလွန်တော်မူသွားပါကြောင်း ဝမ်းနည်းစွာဖြင့် ဆရာတော်သံဃာတော်အပေါင်း၊ တပည့်ဒကာ၊ ဒကာမအပေါင်းအားအသိပေးပါတယ်။ ဆရာတော်၏ စျာပန ဖြစ်မြောက်ရေးအတွက် အလှူရှင်များအနေဖြင့် သဒ္ဒါတရားနည်းများမဆို ကုသိုလ်ပါဝင်လှူဒါန်းနိုင်ပါကြောင်းတိုက်တွန်းနှိုးဆော်အပ်ပါသည်။ ဆရာတော်၏ စျာပန အသေးစိတ်ကို နောက်မှထပ်တင်ပေးပါမယ်။ အမေရိကန်နိုင်ငံ၊ကယ်လီဖိုးနီးယားပြည်နယ်၊ ကက်စထရိုဗယ်လီမြို့၊ မေတ္တာနန္ဒဝိဟာရဆရာတော် ဒေါက်တာဦးဓမ္မပိယအတွက် သက်ပျောက်ဆွမ်းတရားနာ အရှင်ဦးသီရိ မေတ္တာနန္ဒဝိဟာရ Myanmar American Buddhist Association (MABA) Bibliography သတင်းထုတ်ပြန်ကြေငြာခြင်း -ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်၊ ငါးကျမ်းပြန်(ထားဝယ်)သာသနာ့ရိပ်သာ -အမေရိကန်နိုင်ငံ၊ ကာလီဖိုးနီးယားပြည်နယ်၊ ကက်စထရိုဗယ်လီမြို့၊ မေတ္တာနန္ဒဝိဟာရဓမ္မရိပ်သာ -မလေးရှားနိုင်ငံ၊ ပီနန်မြို့၊ မေတ္တာနန္ဒဝိဟာရဓမ္မရိပ်သာ -မန္တလေးမြို့၊ မေတ္တာနန္ဒဓမ္မဒူတကျောင်းတိုက် -ထောက်ကြံ့မြို့နယ်၊ နွယ်ခွေကျေးရွာ၊ မေတ္တာနန္ဒပရဟိတကျောင်းတိုက် -ရှမ်းပြည်နယ်၊ ကျိုင်းတုံမြို့၊ဇေတဝန်ဘုန်းတော်ကြီးသင်ပညာရေးကျောင်း -ရှမ်းပြည်နယ်၊ တောင်ကြီးမြို့၊ မေတ္တာနန္ဒဓမ္မရိပ်သာ -ဘုရားကြီးမြို့၊ ကံ့ကော်တစ်ထောင်ကျောင်းတိုက် -ကန့်ဘလူမြို့၊ မေတ္တာနန္ဒသာမဏေကျော်ကျောင်းတိုက် ကြီးများ၏ ဦးဆောင်ပဓာန မဟာနာယကဆရာတော် မလေးရှားနိုင်ငံ၊ ကွာလာလမ်ပူမြို့၊ ဗောဓိယာရာမရိပ်သာကြီး၏ ဩဝါဒါစရိယ -ရန်ကုန်မြို့၊ အပြည်ပြည်ဆိုင်ရာထေရဝါဒသာသနာပြုတက္ကသိုလ် ပါမောက္ခ ပရိယတ္တိဋ္ဌာန၊ မဟာဋ္ဌာနမှူး -စစျကိုငျးမွို့၊ သီတဂူကမ်ဘာဗုဒ်ဓတက်ကသိုလျ ၊ ဂုဏျထူးဆောငျပါမောက်ခ -ရန်ကုန်မြို့ မေတ္တာနန္ဒသာသနတက္ကသိုလ် ပါမောက္ခချု ပ် -ကျွန်းလှမြို့ သီတဂူဗုဒ္ဓတက္ကသိုလ် ပါမောက္ခချုပ်၊ အဂ္ဂမဟာသဒ္ဓမ္မဇောတိကဓဇ ဆရာတော် ဒေါက်တာဘဒ္ဒန္တဓမ္မပိယမထေရ်မြတ် Ph.D USA (သက်တော် ၆၆နှစ် သိက္ခာတော် ၄၆ဝါ)သည် ခရစ် 2020ပြည့်နှစ်၊ ဩဂုတ်လ ၁၀ ရက် ဒေသစံတော်ချိန် နံနက် ၈နာရီခန့်တွင် အမေရိကန်နိုင်ငံ ဖရီးမောင့်မြို့ ဝါရှင်တန်ဆေးရုံ၌ တစ်ဘဝခန္ဓာ လွန်တော်မူပါကြောင်း ဝမ်းနည်းစွာဖြင့် သတင်းထုတ်ပြန်ကြေငြာအပ်ပါသည်။ ဆရာတော်ဒေါက်တာဘဒ္ဒန္တဓမ္မပိယမထေရ်မြတ်၏ ကျန်းမာရေးအတွက် ဆေးဝါးကုသနေစဉ်ကာလအတွင်း မိမိတို့ ကိုယ်အား ဉာဏ်အားအစွမ်းရှိသမျှ ကူညီ စောင့်ရှောက် ပြုစု လှူဒါန်းကြသည့် ဆေးပညာရှင်များဖြစ်ကြသော Dr. Kevin Lee , Dr. David Chee, Dr. Myat Wai Robert Chong, Dr. Cho Cho Lay, Dr. Htay Htay than, Dr. Yin Yin Nu, Dr. Thomas Yu, Dr.Aung Ko Ko Naing, မနန်းဝိုးဖောင်း တို့အားလည်းကောင်း၊ ဆန်ဖရန်စစ္စကို ဗေးဧရိယာအတွင်းသီတင်းသုံးတော်မူကြကုန်သော ဆရာတော် သံဃာတော်များအားလည်းကောင်း၊ ဆရာတော်ဆေးဝါးကုသစဉ်အတွင်း ဝေယျာဝစ္စလိုက်ပါပြုလုပ်ပေးကြသော ကိုအောင်လှိုင် မိသားစု၊ ကိုလှမျိုး မိသားစုအားလည်းကောင်း ၊ ထေရဝါဒဓမ္မအသင်း အသင်းသူ အသင်းသားများအားလည်းကောင်း၊ ဆန်ဖရန်စစ္စကို ဗေးဧရိယာအတွင်းရှိ ပစ္စည်းလေးပါးအလှူရှင် ဒါယကာ ဒါယိကာမအပေါင်းအားလည်းကောင်း၊ မြန်မာပြည် အနယ်နယ်အရပ်ရပ်ရှိ ကိုယ်အားဉာဏ်အား အစွမ်းရှိသမျှ ကူညီ ဖေးမ စောင့်ရှောက်တော်မူကြသော သံဃာတော်အရှင်မြတ်များအားလည်းကောင်း၊ မြန်မာပြည်အတွင်းရှိ ဆေးပညာရှင်များ၊ ပစ္စည်းလေးပါး လှူဒါန်းထောက်ပံ့ကြသော ဒါယကာ ဒါယိကာမများအားလည်းကောင်း၊ မလေးရှားနိုင်ငံ၊ စင်္ကာပူနိုင်ငံတို့မှ ကိုယ်အား ဉာဏ်အား ပစ္စည်းလေးပါးတို့ဖြင့် အစွမ်းရှိသမျှ လှူဒါန်း ကူညီစောင့်ရှောက်ကြသော ဆရာတော်သံဃာတော်များ၊ ဆေးဘက်ဆိုင်ရာပညာရှင်များ မေတ္တာနန္ဒမိသားစုဝင်အလှူရှင် ဒါယကာ ဒါယိကာမများအားလည်းကောင်း၊ အထူးကျေးဇူးတင်ရှိပါကြောင်း မေတ္တာနန္ဒဝိဟာရရိပ်သာ ဓမ္မမိသားစုများမှ မှတ်တမ်းတင်အပ်ပါသည်။ ကျေးဇူးမှတ်တမ်းတင်ရာတွင် သတိမေ့လျော့၍ ကျန်ရစ်နေခဲ့သော အဖွဲ့အစည်းများ၊ အလှူရှင်များရှိပါက မေတ္တာရှေ့ထား၍ နားလည်ခွင့်လွှတ်ပေးကြပါရန် ကိုလည်း နူးညွတ်စွာ ပန်ကြားအပ်ပါသည်။ ဈာပနအစီအစဉ်အသေးစိတ်ကို ဆက်လက်ကြေငြာပေးသွားပါမည်။ — Mettananda Vihara တွင်။ Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Ashin Dhamma Piya Subject The topic of the resource Monk Sayadaw Description An account of the resource အရှင် ဒေါက်တာ ဓမ္မပီယ Source A related resource from which the described resource is derived အရှင်သီရိ Ashin Dhamma Piya Sayadaw https://moemaka.net/omeka2/files/original/bc6eca56b175c518fe3d56f272a0cf1b.jpg 51137bc27a5c7b1658d83838c7ed21eb Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource 1988 Burmese Democracy Uprising Subject The topic of the resource Revolution Description An account of the resource 8888 - ၈လေးလုံး အရေးတော်ပုံ Date A point or period of time associated with an event in the lifecycle of the resource 1988 - Text A resource consisting primarily of words for reading. Examples include books, letters, dissertations, poems, newspapers, articles, archives of mailing lists. Note that facsimiles or images of texts are still of the genre Text. Text Any textual data included in the document ဘာတွေဖြစ်ကုန်ကြပြီလဲ ကို အဖေကရေး ဦးမျိုးမြင့်ညိမ်းကအယ်ဒီတာလုပ်ပြီး ဦးစိန်လှိုင်က ဖြန့်ပါတယ် ဦးမျိုးနဲ့ ဦးစိန်လှိုင်က အရင် အဖမ်းခံရပါတယ် အဖေရေးတယ်လို့ ဦးမျိုးရော ဦးစိန်လှိုင်ရောက မဖော်ပါ မပြောပါ ဝန်မခံပါ နှစ်ယောက်စလုံး ထောင်ထဲမှာ ဘယ်လောက်အဆော်ခံရမလဲ မတွေးရဲဘူး(ဒါလည်း အဖေ့ပြောစကားအရ သိရခြင်းပါ၊ ထောက်လှမ်းရေးက အဖေ့ကို မိတော့ ခင်ဗျားတို့သုံးယောက်လုံးတော်တော်နုတ်လုံကြတယ်လို့ ပြောလို့ပါ) နောက်ဆုံး အဖေရယ် ဦးမျိုးရယ် ဦးစိန်လှိုင်ရယ်အပြင် ဒီကိစ္စကိုသိတဲ့ အခြား တစ်ယောက်ယောက်ကြောင့် ဒီကဗျာ အဖေရေးတယ်ဆိုတာ ထောက်လှမ်းရေးက သိသွားပါတယ် (ဒါက အဖေ့ပြောစကားအရပါ ကျွန်မကတော့ ဘယ်သူဘယ်ဝါရယ်မသိပါ အဖေကလည်း သူသိပေမယ့် မပြောပြခဲ့ပါ အပြစ်တင်စရာလည်းမရှိပါ) ဘာတွေဖြစ်ကုန်ကြပြီလဲကြောင့် ဦးမျိုးမြင့်ညိမ်း ဦးစိန်လှိုင် အဖေ ထောင်၇ နှစ်စီကျပါတယ် အဖေက အကြောင်းမျိုးမျိုးကြောင့် ၂နှစ်နဲ့ပြန်ထွက်လာပါတယ် နောက်တစ်ခါနိုင်ငံရေး ကိစ္စမရေးပါဘူးဆိုတဲ့ ခံဝန်မျိုးနဲ့ပါ ဦးမျိုးက ခင်ဗျားကလေးတွေ ငယ်သေးတယ် မရှန်က အေးတယ် ခင်ဗျားလုပ်တာမှန်ပါတယ်လို့ ထောက်ခံအားပေးပါတယ် ဦးမျိုးရော ဦးစိန်လှိုင်ရော ထောင်၇နှစ်အပြင်ထပ်တိုး ထပ်ကျပါတယ် အဲဒါကြောင့်လည်း အဖေက ထောင်ကျတာနဲ့ပတ်သက်ပြီး သိပ်မပြောတာနေမယ်ရေးလည်းလုံးဝမရေးခဲ့ပါဘူး သူအပြည့်အဝတာဝန်မကျေဘူးလို့ ခံယူပုံရပါတယ် ဦးမျိုး၊ ဦးစိန်လှိုင်ထောင်ကထွက်တော့ အဖေတအားပျော်တာကို ကျွန်မမြင်ခဲ့ရတယ် အရေးကြီးဆုံးအချက် ဘယ်သူက စလိုက်တယ်မသိပါ ထောက်လှမ်းရေးက လာခေါ်တော့ အဖေက မျက်နှာဖုံးစွပ်ကို တောင်းပန်ပြီးချွတ်ခိုင်း သူ့ဘာသာချုပ်ထားတဲ့ မျက်နှာဖုံးကိုစွပ်တယ်ဆိုတာ လုံးဝ လုံးဝ မဟုတ်ပါဘူး (အဲဒီအကြောင်းအရာက ပြောနေကြတာတော်တော်ကြာပြီ မရှင်းဘဲထားရာက အမှန်ဖြစ်လာမှာစိုးလို့ပါ ) ဆရာဥက္ကာကြည်ဝင်းတို့ကလည်း အဖေ့အကြောင်းကို ဂုဏ်ယူပြီးရေးထားပေးတာတွေ့ရပါတယ် ဆရာနဲ့ ဖရန့်မဖြစ်တော့ ဒီကပဲ ဆရာအပါအဝင် တခြားသူတွေ လွဲမှားပြီးသိနေတာလေးကိုရှင်းပြတာပါ အဖေ့ကို လာခေါ်တဲ့အချိန်က ည၁၁နာရီလောက်ပါ အဖေဟာ အဝတ်တစ်ထည်ကိုယ်တစ်ခုနဲ့ လိုက်သွားခဲ့ရတာပါ ရုပ်ရှင်ဇာတ်လမ်းတွေထဲမှာလိုလည်း အဖေသွားတော့မယ်နော်လို့ မနှုတ်ဆက် မကြာခင်ပြန်လာမှာပါလို့လည်းမပြောခဲ့ပါဘူး သာမန် အဖမ်းခံနေရကျ နိုင်ငံရေးသမားတွေလိုပဲ အဖမ်းခံခဲ့ရတာပါ ဘာမှမထူးခြားပါဘူး ကံကောင်းထောက်မစွာ ဦးမျိုးတို့ ဦးစိန်လှိုင်တို့လောက် အဆော်မခံရတာပဲရှိတာပါ ဘာတွေဖြစ်ကုန်ကြပြီလဲ ၁ ၂ ၃ ရှိပါတယ် အခုတလော အဲဒီကဗျာကို ပြန်ရှယ်ကြပါတယ် ကျေးဇူးတင်ပါတယ် ဝမ်းသာပါတယ် ဒါပေမယ့် တစ်ယောက်ယောက်ကို ဖိနှိပ်ဖို့ ဒီကဗျာကို မရှယ်ဖို့ မေတ္တာရပ်ခံပါရစေ (အဖေကိုယ်တိုင်လည်း ကျွန်မဆန္ဒနဲ့ တစ်ထပ်တည်း ရှိမယ်ဆိုတာ ကိုယုံပါတယ်) သတိတရ အမှတ်တရ ရှယ်ပါ ဂုဏ်ယူစွာလက်ခံပါတယ် ဒီထက်ပိုပြောရရင်တော့ ဒီကဗျာကိစ္စမှာ ကျွန်မအဖေထက် ဦးမျိုးနဲ့ ဦးစိန်လှိုင်ကို ကျွန်မပိုလေးစားတယ် ။ နောက်ပြီး အဖေ့ကဗျာဝေပြီး ထောင်ကျခဲ့ရတဲ့ ကျောင်းသားတွေရောပေါ့့့။ ဒါလည်း ကျွန်မအဖေရဲ့စကားတွေကြောင့်ပါ အဖေက ဒီကိစ္စ မှာ ဦးမျိုး ဦးစိန်လှိုင် ကျောင်သားတွေလောက် အထုအထောင်း မခံလိုက်ရဘူးလို့ အဖေခဏခဏပြောတယ် ကျွန်မနားထဲစွဲနေရောပဲ ဒီဓာတ်ပုံကလည်း ကျွန်မကိုယ်တိုင်ရိုက်ထားတာပါ အဖေဆုံးတော့ စာရွက်တွေပြန်ရှာရင်းတွေ့လို့ ရိုက်ထားတဲ့ပုံပါ တော်ကြာ ပုံကို credit မပေးဘူးထင်မှာစိုးလို့ Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Poem that cost 3 people in prison in Burma - Min Lu, Myo Myint Nyein, Sein Hlaing Subject The topic of the resource  88 Uprising Description An account of the resource လူ ၃ ဦး ထောင် ကျစေတဲ့ ဘာတွေဖြစ်ကုန်ကြပြီလဲ ကဗျာအကြောင်း ။ မင်းလူ၊ မျိူးမြင့်ညိမ်း၊ စိန်လှိုင်။ Source A related resource from which the described resource is derived Yu Ya (Daughter of Writer Min Lu) https://moemaka.net/omeka2/files/original/5ba211405728c841e71c3925d96a602a.jpg 124ab721bd16d29b47c8151bbd85c0fb https://moemaka.net/omeka2/files/original/7421b6efefd01b33fd8092cb32fed882.jpg 73fc50b5b874ebf6ed040e0a5af2c061 https://moemaka.net/omeka2/files/original/18354ef3313309ec7903ce1b9b697d35.jpg 3fc4792f827e030dbdf8ddbb4ab7fee4 https://moemaka.net/omeka2/files/original/f24ab693cb69463cb4264b535d660a50.jpg 1ba9105359196694edebdad9dae0161d https://moemaka.net/omeka2/files/original/bf00135302244cce8cb126af3afe676d.jpg e38820f27927f9feadaa6586b276b31c https://moemaka.net/omeka2/files/original/665b5558e72bbc94fc3d0cb849884926.jpg f3b5ab1241a4f613877235fe0e8462e7 https://moemaka.net/omeka2/files/original/8026a5caa86f7388586aee297cd38d4d.jpg 818dc08c9fcf892b9afdcf1cd8fa9444 https://moemaka.net/omeka2/files/original/feafffaf58d5226e36113061af5eac12.jpg 25a8e51577b806cb6b972535fb74dfc0 https://moemaka.net/omeka2/files/original/acd35421216b852d8f4a130c05130870.jpg b94fbcc2c5426aa9065de3faf75b3023 https://moemaka.net/omeka2/files/original/b75d60a731cfa6519d5add1351c67bb9.jpg 29f7d0e4a27e53ea266dc433b588d5ed https://moemaka.net/omeka2/files/original/b6b3355e0449ea0fd720f627622e1c64.jpg 4bac5a1b7ee8147430f3e551a1b2ac91 https://moemaka.net/omeka2/files/original/bdd88ed770004cd97a51841204895ed6.jpg af5a890e554b6cb21886c93988ea3e92 https://moemaka.net/omeka2/files/original/9f0f983aba1701e641ac33a8abee057b.jpg ced108ba5c2d990de9fb8461378b36f5 https://moemaka.net/omeka2/files/original/04e324f6c89823918eea83b2f63a28a3.jpg faa31a571f064ca7a181cf20397f3025 https://moemaka.net/omeka2/files/original/e002eccc50d919388b5b42126beca5fe.jpg 265ffc8cc264d5fede655e108824743d https://moemaka.net/omeka2/files/original/1806c885e99f8e2137e5747204de5cd0.jpg 41c9c4a5dfec52bb16c87dbdb87b99a2 https://moemaka.net/omeka2/files/original/12e7fd2c7c68995bbb39eccabd704217.jpg 15bc70ce00f0ec0ed7dd7fff45341ea3 https://moemaka.net/omeka2/files/original/e73abb12c1a82d9289b601323b91adf3.jpg a0097c6fb7372b9a9523d23165f5d347 https://moemaka.net/omeka2/files/original/2e7cf167b9d985febafe7ba64bcb7edf.jpg fa601e87c1551eb330b74e00050712a5 https://moemaka.net/omeka2/files/original/ad72991a78b20be998f98241c95381b8.jpg 58b67ae378d2deb75b6b183c794cc819 Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource 1988 Burmese Democracy Uprising Subject The topic of the resource Revolution Description An account of the resource 8888 - ၈လေးလုံး အရေးတော်ပုံ Date A point or period of time associated with an event in the lifecycle of the resource 1988 - Still Image A static visual representation. Examples include paintings, drawings, graphic designs, plans and maps. Recommended best practice is to assign the type Text to images of textual materials. Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource 1988 AUGUST - SEPTEMBER -PEOPLE UPRISING PHOTOS (2) Subject The topic of the resource 88 Uprising Description An account of the resource ၈လေးလုံး အရေးတော်ပုံ ဩဂုတ် စက်တင်ဘာ ၁၉၈၈ ဓာတ်ပုံများ Source A related resource from which the described resource is derived facebook 88 Uprising https://moemaka.net/omeka2/files/original/490dfddec0b92f397ccbaf3998d222a8.jpg 3f0bc636074de27dbee6ff0f956bee60 Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource 1988 Burmese Democracy Uprising Subject The topic of the resource Revolution Description An account of the resource 8888 - ၈လေးလုံး အရေးတော်ပုံ Date A point or period of time associated with an event in the lifecycle of the resource 1988 - Text A resource consisting primarily of words for reading. Examples include books, letters, dissertations, poems, newspapers, articles, archives of mailing lists. Note that facsimiles or images of texts are still of the genre Text. Text Any textual data included in the document ( ၉.၈.၈၈ ) စစ်ကိုင်း အမှတ်တရ ၈၈၈၈ ဆိုတဲ့ရက်ကိုမြန်မာတနိုင်ငံလုံးမေ့မရကြပါဘူး၊အတိတ်ရဲ့ရက်စက်ခါးသီးခဲ့တဲ့ အရိပ်မဲတွေဟာနှစ်စဉ်တစ္ဆေချောက်သလိုဘဲအမြဲပြန်မြင်ယောင်ပြီးခြောက်လှန့်လို့ရှိနေမှာပါ၊ စစ်ကိုင်းမြို့သူမြို့သားများကတော့ ၈၈၈၈ ရဲ့နောက်တရက်ဖြစ်တဲ့ ၉.၈.၈၈ ရဲ့နှစ်ပတ်လည်ကိုရောက်ပြီဆိုတာနဲ့စစ်ကိုင်းမြို့ရဲ့ကတ္တရာလမ်းတွေဟာသွေးညှီနံ့တွေ မပျောက်သေးသလိုဘဲစိတ်ချောက်ခြားနေကြရတာယနေ့အချိန်ထိပါ၊ ၈.၈.၈၈-နေ့မှာအားလုံးသပိတ်မှောက်ကြမယ်ဆိုတဲ့သတင်းကတနိုင်ငံလုံးမှာ ပြန့်နှံ့နေခဲ့တဲ့နည်းတူ စစ်ကိုင်းမြို့ရဲ့အနေထားကတော့ဟိုနားကတွတ်တွတ်၊ ဒီနားကတွတ်တွတ်နဲ့သု့ဝိုင်းနဲ့သူဖြစ်နေကြတာ၊ အဲဒီတုန်းကစစ်ကိုင်းမှာနောင်ရိုးလ္ဘက်ရည်ဆိုင်ဆိုတာရှိခဲ့တယ်၊ပိုးတန်းရပ်ကွက်မှာ၊ ဦးတင်ဝင်းဖွင့်ထားတဲ့လ္ဘက်ရည်ဆိုင်ပါ၊အဲဒီမှာကျောင်းသားတွေအများဆုံးထိုင်ကြတာ၊ ဦးတင်ဝင်းကလည်းအရင်နိုင်ငံရေးသမားကြီးဆိုတော့အားလုံးကတလေးတစားတည်း ရှိနေကြတာ၊ ဒီလိုနဲ့နောက်ပိုင်းမှာစစ်ကိုင်းကိုရောက်လာတဲ့ ဦးအောင်ကြီးရဲ့(၄၂)မျက်နှာစာတမ်းကို ဦးတင်ဝင်းရဲ့သား ကိုမိုးနဲ့ ကိုထွဋ်ဦးလှိုင်တို့ကရွှေပန်းကုန်းရွာကိုသွား ပြီးစာရွက်တွေပွား၊ ဖြန့်ကြတာ၊နောက်ပိုင်းအမှတ်(၂)အထက၊ကျောင်းမှာစာတွေကပ်တာတွေပါ ဆက်ဖြစ်လာတယ်။ ရန်ကုန်ကျောင်းသား(မျိုးချစ်လူငယ်တပ်ဦး)တွေလည်းစစ်ကိုင်းရောက်လာကြတယ်၊ မှတ်မိသလောက်ဆိုရင်အောင်သိုက်၊မောင်ချစ်၊ကရင်လေး နဲ့ ကျောင်းသူတွေ။ အဲဒီမှာတင် (၆)တန်း ကျောင်းသား သံချောင်း(ခ)မောင်အောင်မင်းသိန်းကိုရဲက စမိသွားပြီး နံရံကပ်ပိုစတာတွေ၊ အနီရောင်နဖူးစီး တွေ၊ ဖြန့်ဝေစာရွက်တွေကို သိမ်းမိကာ နောင်ရိုးဦးတင်ဝင်း၏သား ကိုတင်မောင်ထွေး ထံမှ ရသည်ဟုထွက်ဆိုခဲ့ရာမှု(၆.၈.၈၈) တွင်ကြိုတင်လှုပ်ရှားသူများဆိုပြီး ဇော်ဝင်း(ခ) ဂျစ်ဇော်၊လည်းကောင်း၏ညီဖြစ်သူ နိုင်ဝင်း၊ နှင့် မျိုးမြင့်( RIT ) ဇော်လွင်တို့ကိုဖမ်းစီး စစ်ဆေးကာ ဦးတင်ဝင်း၏သား ကိုမိုး၊ကိုတင်မောင်ထွေး ဦးမျိုးညွန့် နဲ့ ကိုအောင်ညွန့်တို့ ကိုဆက်လက်ဖမ်းမိပါတယ်။ဦးတင်ဝင်းတို့အုပ်စု ဖြစ်တဲ့ ဦးတင်ဝင်းရယ် သူ့ချွေးမ မနိုင် ရယ် ကိုထွဋ်ဦးလှိုင်၊ ကိုခင်မောင်ရီ၊(မှတ်မိသလောက်) တို့အင်းဝဖက်ကို ရှောင်ထွက်သွားပြီး(၇.၈.၈၈) နေ့မှာ စစ်ကိုင်းဖက်ကို ရေလမ်းကနေပြန်ဝင်လာကြပါတယ်။ အဲဒီတုန်းက စစ်ကိုင်းမှာသူ့အစုဖွဲ့နဲ့သူလှုပ်ရှားနေတာတွေလဲ ရှိနေကြတယ်၊ အသံတွေကလည်းထွက်လာတယ် (၈)ရက်နေ့ (၈)နာရီမှာ သပိတ်စမယ်ဆိုတဲ့ သတင်းကလည်းတယောက်စကား တယောက်နား နဲ့ပြန့်ခဲ့ပါတယ်။ (၈) ရက်နေ့နံနက်(၈) နာရီလောက်မှာ အထက(၁)ထဲကို ဦးတင်ဝင်း ကကြယ်ပွင့်တပ်ထားတဲ့ ခေါင်းစီးအနီနဲ့ရောက်ရှိလာပြီး တရားဟောရာ ကျောင်းတွင်အသင့်စောင့်နေသောရဲများက လိုက်လံဖမ်းဆီးပြီးသေနတ်ပစ်ဖေါက်ခဲ့ပါတယ်။ဦးတင်ဝင်းကိုဖမ်းမိသွားခဲ့ပါတယ်။ ဦးတင်ဝင်းကိုဖမ်းမိပြီးနောက်ပိုင်း(၉)နာရီဝန်းကျင်လောက်မှာ အထက(၁)တောင်ဖက် ဘော်လုံးကွင်းဖက်တွင်လူများစုရုံးရောက်ရှိလာကြပါတယ်၊ထိုအချိန်တွင်မီးသတ်ကားရောက်လာပြီးရေပက်လူစုခွဲကာသေနတ် မိုးပေါ်ထောင်ဖောက်ခဲ့ပါတယ်။ ရဲများဘော်လုံးကွင်းတောင်ဖက်ဂျုံရုံးထဲဝင်ပြေးပြီးအပြင်ဖက်ရှိလူအုပ်ကိုပစ်ခတ်ရာ(၈)ရက်နေ့တွင်ပထမဆုံး မိုးကျော်ဆိုသူကိုထိမှန်ခဲ့ပါတယ် ၊ဘော်လုံးကွင်းတောင်ဖက်လမ်း အနောက်ဖက် သုဓမ္မာ ဓမ္မာရုံဖက်တွင်လည်း စားပွဲခုံပေါ်မှနေပြီး ဥူးပဇင်းတပါးနှင့် အနီရောင်ခေါင်းစီးများ ပတ်ထားသည့် ရန်ကုန်ကျောင်းသားများကနိုင်ငံရေးတရားဟောရာ လမ်းတလျှောက်လူများပိုမိုပြည့်နှက်လာပါတော့တယ်။ လူများစုရုံးမိပြီးလမ်းလျှောက်ထွက်လာကြစဉ် မမင်းမင်း က အလံထောင်ပြီးစနစ်တကျလုပ်ကြဖို့၊စည်းကမ်းရှိကြဖို့အော်ပြောကာ - - သည်မှနေ ၍ဆန္ဒပြပွဲကြီးစတင်ပါတော့တယ်၊ တံမျက်စီးကို ကိုင်ထားတာများလို့ တံမျက်စီးကိုယ်တော်လို့ခေါ်ကြတဲ့ဥူးပဇင်းရယ် နောက်ဥူးပဇင်းကုလား လည်းပါတယ်၊ (၈)ရက်နေ့တနေ့လုံးစစ်ကိုင်းလမ်းများပေါ်တွင် လှည့်လည်ဆန္ဒပြကြရာဒို့အရေး၊ဒို့အရေး အသံများမိုးထိညံနေပါတော့တယ်။ (၉)ရက်နေ့သို့ရောက်လာသောအခါလှည့်လည်ဆန္ဒပြမှုများမြို့အနှံ့ပိုမိုများလာပြီး အထက(၂)သည်သပိတ်စခန်းဖြစ်လာပါသည်၊ဆန္ဒပြသူများသည်ကျောင်းဝင်းအတွင်းပြည့်နှက်လျှက်ရှိပါတယ်၊ အဲဒီ(၉)ရက်နေ့နံနက်ပိုင်း(၁၀)နာရီလောက်ကစပြီး ‘ ဒီနေ့ ပစ်မိန့်ပေးထားတယ်’ ဆိုတဲ့သတင်းကတော့ လူထုကြားမှာဘယ်ကနေရောက်လာမှန်း မသိပေမယ့် အတော်လေးပျံ့နှံ့ခဲ့ပါတယ်။ ပစ်မိန့်ပေးထားတယ်ဆိုတဲ့သတင်းက အရမ်းကိုတက်ကြွနေကြတဲ့ ဆန္ဒပြသူတွေ ကိုနဲနဲလေးမှမတုန်လှုပ်စေခဲ့ပါဘူး။ ဒါနဲ့တဆက်တည်းဘဲ အမှတ်(၁)ရဲစခန်းရဲ့အချုပ်ထဲမှာဖမ်းထားတဲ့ ဦးတင်ဝင်းနဲ့ လူထုကို ရဲက ပေးတွေ့မယ်ဆိုတာလည်းကြားရပြန်ပါတယ်။ အဲဒီတုန်းက နောင်ရိုးဦးတင်ဝင်းဟာ စစ်ကိုင်းရဲ့ Hero ဖြစ်ပါတယ်၊ တမနက်လုံးလှည့်လည်ဆန္ဒပြကြ၊အထက(၂)သပိတ်စခန်းမှာစုကြနဲ့၊ နေ့လည်ပိုင်းမှာဦးတင်ဝင်းကိုမြင်တွေ့ချင်သူတွေကလည်းရဲစခန်းဖက်မှာသွားစုနေကြပါတယ်၊ ဒီလိုနေ နေရင်း (၂)နာရီဝန်းကျင်လောက်မှာ အုန်းတော စစ်ကြောင်း စစ်ကိုင်းကိုရောက်လာပါတယ်၊ အထက(၂)ထဲမှာနားဖို့ စီစဉ်ပြီးနေ့လည်စာ ကျွေးဖို့စီစဉ်ကြတာ၊ ဒါနဲ့အချိန်အတူလောက်မှာဘဲ ရဲစခန်းမှာ ဦးတင်ဝင်းကို အချုပ်အပြင် အောက်ဖက်ကိုထုတ်ပြီးလူထုနဲ့ စကားပြောခွင့်ပေးပါတယ်၊ လက်ထိပ်ခတ်ထားတဲ့ ဦးတင်ဝင်းကို လက်ထိပ်ဖြုတ်ပေးဖို့ လူထုကတောင်းဆိုပြီး ဦးတင်ဝင်းကိုလွှတ်ပေးဖို့တောင်းဆိုကြပါတယ်၊ ဦးတင်ဝင်းက ရဲစခန်းရဲ့အလယ် လောက်မှာ၊ လူထုက ရဲစခန်းရဲ့ သံစူးကြိုးဝင်း အပြင်ဖက်မှာပါ၊ ကျနော်က အဓိက မဟုတ်ပါဘူး၊ လုပ်စရာရှိတာဆက်လုပ်ကြပါ၊ ပြန်ကြပါ၊ ကျနော့်လူတွေကို ဆူးတချောင်းအငြိမခံနိုင်ပါဘူး၊ မှဲ့တပေါက်အစွန်းမခံနိုင်ပါဘူး၊ ပြန်ကြပါ၊ ပြန်ကြပါ လို့ မိုက်ကရိုဖုန်းကိုင်ပြီး ပြောပါတယ်၊ (ရဲစခန်းအထဲကနေ ဦးတင်ဝင်း ကို သေနတ်နဲ့ ချိန်ထားတယ်လို့ အဲဒီအချိန် အချုပ်ခန်းပေါ်မှာဖမ်းခံနေရတဲ့ ဦးတင်ဝင်းရဲ့သား ကိုမိုးကပြောပါတယ်) ။ ဦးတင်ဝင်းက ပြန်ကြပါ လို့ပြောနေလည်းလူထုက နားမဝင်ပါဘူး၊ အလွမ်းသယ်လို့ကောင်းနေတာပေါ့၊ ဦးတင်ဝင်းကိုပြန်သွင်းပြီးချိန် ရဲစခန်းအရှေ့ဖက် လမ်း ထူပါရုံဘုရားဖက်ကနေ အုန်းတောတပ်ကြီးချီတက်လာပါပြီ ဆိုပြီး ဖျာပေါ်မှာရေးထားတဲ့ အုန်းတော ဆိုင်းဘုတ်ကြီးရောက်လာပြီးမကြာခင်- (၂)နာရီ(၃၅)မိနစ်လောက်မှာ သေနတ်သံတွေထွက်ပေါ်လာပါတယ်၊ ရဲစခန်းရဲ့ အနောက်ဖက်မျက်နှာပြု ဖက်ကစတင်ပစ်တယ်လို့သိရပါတယ်။ ပထမဆုံး ကျည်ဆံ ပစ်သူက ဒလမ သန်းနိုင် လို့ပြောကြပါတယ်၊ လူအုပ်ထဲကို အရင်ကတည်းအစီအစဉ်နဲ့နေရာယူထားတဲ့ ရဲတွေရဲ့သေနတ်က ကျည်ဆံတွေ ဆက်တိုက် ပစ်သွင်းပါတယ်၊ ဘရင်းဂန်း ပူပြီးပွင့်တဲ့အထိ ရက်ရက်စက်စက် ပစ်သတ်တာလို့ သိရပါတယ်၊ ရဲစခန်းရှေ့ လမ်းနှစ်ဖက်စလုံး သေနတ်မှန်သူတွေ အတုံးအရုံး နဲ့ လမ်းအပြည့်ပါဘဲ၊ ဖိနပ်တွေကလဲ ပွစနာတက်နေတာ၊ ရဲစခန်းက ပစ်နေလို့ အသက်လုပြေးတဲ့ သူတွေကိုပြေးလမ်း ကထပ်ပြီး ပစ်တာ ဘာကြောင့်ရယ်၊ ဘယ်သူ့ အငြိုးရယ်မသိပါဘူး။ အခုလိုသေကုန်တာကြောင့် ကျောင်းသားအဖွဲ့တွေက စစ်ကိုင်း မှာရှိတဲ့ စစ်တပ်ကို သွားခေါ်ပါတယ်၊ အဲဒီတုန်းက စစ်ကိုင်း ကတပ်ရဲ့ တပ်ရင်းမှူးဟာ စစ်ကိုင်းသား ဗိုလ်မှူးမျိုးဝင်း နဲ့ ဒုတပ်ရင်းမှူးကတော့ ဗိုလ်မှူးဇော်ထွန်း(နောင် ဒုဝန်ကြီးဖြစ်သူ) တို့ဖြစ်ပါတယ်။ ရဲတွေက လမ်းပေါ်မှာ ပွစနာတက်နေတဲ့ အလောင်းတွေကို စစ်တပ် မလာခင် ရဲစခန်းဝင်းထဲဆွဲသွင်းပြီး ‘ ရဲစခန်းကိုဝင်စီးသလို' ဖြစ်အောင်လုပ်ခဲ့ပါသေးတယ်၊ ရဲစခန်း ဝင်းအပေါက်မှာ ဒရွတ်ဆွဲထားတဲ့ အရာတွေကတော့ အထင်းသားပါ၊။ အပြာရောင်ဟီးနိုးရိန်းဂျားကားပက်လက် ရဲကားကြီးက ရဲစခန်းလမ်းဆုံကနေ ထူပါရုံကျောက်စာတိုက်ဖက်ကိုဖင်ပေး ပြီးနောက်ဆုတ် နောက်ဆုတ်ရင်း အလောင်းတွေရော အသက်မသေသေးတဲ့သူတွေရော ကို လက်ကတစ်ယောက် ခြေထောက်ကတစ်ယောက် ဆွဲပြီးကားပေါ် ပစ်တင်ကြပါတယ်။ သေနေတဲ့ အလောင်းတွေကြားမှာအသက်မဲ့မိဘနှစ်ပါးကြားထဲက ငိုနေတဲ့ ကလေးငယ် လေးတွေ့ရပါတယ်။ ကားပေါ်မှာအသက်မသေသေးလို့ ထထိုင်ပြီးအော်တဲ့သူတွေလဲပါ ပါတယ်၊ အဲဒီဖြစ်စဉ်နားမှာ အဲဒီတုံးက ထောက်လှမ်းရေးခေါ်မလားဘဲ အောင်ဘော် ဆိုသူကိုမြင်တွေ့ရတယ်လို့ သိရပါတယ်။ အချုပ်ကား နဲ့ ရိန်းဂျားကားတစ်စီးတွေ့ရတယ်လို့လည်းသိရပါတယ်၊အလောင်းတွေ၊ မသေမရှင်တွေ တင်ထားတဲ့ကားတွေကိုရဲက ည(၁၂)လောက်ထိရဲစခန်းရှေ့မှာဘဲ ထား ထားတယ်လို့သိရပါတယ်။ မျက်မြင်တွေရဲ့ပြောစကားအရ တင်ထားတဲ့အလောင်းတွေဟာ ကားဘော်ဒီရဲ့အပေါ်ဖက်ထိ မောက်ထွက်နေတယ်လို့သိရပါတယ်။ ည(၁၂)နာရီခွဲ(၁)နာရီဝန်းကျင်မှ မောင်းထွက်သွားပြီး လမ်းတွေကို မီးသတ်ကားနဲ့ ရေလာဆေးတယ်လို့သိရပါတယ်၊ နောက်တစ်နေ(၁၀)ရက်နေ့မှာ ဆေးရုံကနံပါတ် တပ်ထားတဲ့ အလောင်းတွေထုတ်ပေးတော့ ရရှိတဲ့ အလောင်းတွေမှာ သေနတ်ဒဏ်ရာထက် ထုထောင်း ရိုက်နှက်ခံထားရတဲ့ ဒဏ်ရာတွေကပိုများနေတာ တွေ့ရပါတယ်။ သေဆုံးသူ အရေအတွက်မှာ မြို့ပေါ်ကသူတွေ လောက်ဘဲသိကြရပြီး အတိအကျမသိရသေးပါ။ အစိုးရ အာဏာပိုင်တွေရဲ့ ထုတ်ပြန်ချက်ကတော့(၄၀)ဦးလို့ ဖော်ပြထားပေမယ့် မြို့ခံတွေကတော့ အဲဒီစာရင်းထက်မကဘူးလို့ ယုံကြည်နေကြပါတယ်။ ဆေးရုံမရောက်ဘဲ ဘယ်မှာ ဘယ်နှစ်လောင်းပျောက်တယ်ဆိုတာ ယခုအချိန်ထိ အတိအကျမသိရသေးပါဘူး။ အဲဒီအချိန်တုန်းက တိုင်းကောင်စီဥက္ကဌ သူရကျော်စွာ ဆိုတာ ရပ်ကွက်ပေါင်းစုံဘော်လုံးပွဲ တွေမှာတောင် ဘယ်သူ့ကို ဖမ်းချုပ်၊ဘယ်ရပ်ကွက် ကိုဆန်ဖြတ်နဲ့ ဒေါသတကြီးနဲ့အားပေးတဲ့ သူပါ၊ နောက်ပြီး ‘ စစ်ကိုင်းမှာဆန္ဒပြရဲတဲ့ကောင် ပြကြည့် ငါကိုယ်တိုင်ပစ်မယ် ‘ လို့ ပြောထားသူလို့လဲ သိရပါတယ်။ ပစ်ခတ်သူတွေရဲ့ စာရင်း လူထုထဲ ထွက်လာတာကတော့ သန်းနိုင်၊ မောင်ခင်၊ ဒေးဗစ် တို့လောက်ဘဲ မှတ်မိပါတယ်၊ နောက်ဆုံးဒီဖြစ်စဉ်ကိုကြည့်ရင် လူထုကို ဦးတင်ဝင်းနဲ့ ထောင်ချောက်ဆင်ထားတယ်ဆိုတာ ပေါ်လွင်နေပါတယ်။ ပစ်မိန့်ပေးထားတယ်ဆိုတဲ့ထဲမှာ လူထုနဲ့ ဦးတင်ဝင်း တွေ့ခွင့်ပေးထားတာနဲ့ အချိန်တထပ်တည်းဖြစ်နေတာကြောင့် မရိုးသားတဲ့၊ ကြိုတင်အစီအမံတွေရှိနေတယ်လို့ မြင်ရပါတယ်။ ငြိမ်းချမ်းစွာဆန္ဒပြခဲ့သူတွေကို ရက်ရက်စက်စက် ပစ်သတ်ခဲ့တာတွေကို တွေးမိတိုင်း ယနေ့အထိယူကျုံးမရ ဖြစ်နေရဆဲပါ။ မြင်တတ်ရင် ဘယ်သူမဆို သင်ခဏ်းစာယူရမှာပါ။ ဖြစ်ခဲ့တာတွေလည်း အခုဆို(၂၇) နှစ်တင်းတင်းပြည့်ခဲ့ပြီဆိုပေမယ့် စစ်ကိုင်းသူ၊စစ်ကိုင်းသား တွေရဲ့ရင်ထဲမှာ ဒီနေ့ကို ဘယ်တော့မှ မေ့ပျောက်နိုင်မှာမဟုတ်ဘူးဆိုတာ တထစ် မက နှစ်ထစ်ချ ယုံကြည်နေလျှက်ပါ။ Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource August 9th, 1988 - Sagaing Event Subject The topic of the resource 88 Uprising Sagaing Description An account of the resource ဩဂုတ် ၉၊ ၁၉၈၈ - စစ်ကိုင်းမြို့ အရေးအခင်းမှတ်တမ်း Source A related resource from which the described resource is derived Aung Myo, Facebook 88 Uprising Sagaing https://moemaka.net/omeka2/files/original/7bc7c9f6835fb357e4f0cf19725ad684.jpg d80bccfe9e4d988838d2a7f47262b8c2 https://moemaka.net/omeka2/files/original/527fbbbbdbc4b6592417c84955558357.jpg 1e15e15ea68d90e65983b9dcf75ec697 https://moemaka.net/omeka2/files/original/5da7622075caf6e6c1241cab3a139d81.jpg 3636015dd04ea437de5cf88ac21ff6cb Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource 1988 Burmese Democracy Uprising Subject The topic of the resource Revolution Description An account of the resource 8888 - ၈လေးလုံး အရေးတော်ပုံ Date A point or period of time associated with an event in the lifecycle of the resource 1988 - Person An individual. Occupation Activist School Teacher Biographical Text ဒီရက်လိုမျိုး ၉.၈.၈၈ နေ့က စစ်ကိုင်းမြို့မှာ- တစ်ပါတီအာဏာရှင်စနစ်နဲ့ မဆလ အစိုးရပြုတ်ကျဖို့ တော်လှန် သပိတ်မှောက်၊တွန်းလှန်ရင်း စစ်ကိုင်းအမှတ်(၁)ရဲစခန်းရှေ့မှာ ရဲတွေက သေနတ်နဲ့ ဒဲ့ပစ်လို့ စစ်ကိုင်းသပိတ်ခေါင်းဆောင် ဦးတင်ဝင်းကို ချစ်ခင်၊ ဝန်းရံကြတဲ့ ဒီမိုကရေစီဘက်တော်သား ၈၈၈၈ သပိတ်အဖွဲ့များ အတုံးအရုံးနဲ့ သွေးချောင်းစီးခဲ့ရပါတယ်။ မောင်ခင်၊ ဒေးဗစ်၊ လက်ကောက်ဇော်ဝင်းဆိုတဲ့ ရဲတွေရဲ့ နာမည်တွေ စစ်ကိုင်း ရင်ပြင်နီဆိုတဲ့ တံတားဂုံးအောက်က နံရံကြီးမှာ ကပ်တဲ့ စာရွက်တွေမှာ ထပ်တလဲလဲတွေ့ခဲ့ရပါတယ်။ ကွင်းထဲဘောလုံးကန်နေတဲ့ ဘောလုံးသမားတွေကိုတောင် စိတ်မထင်ရင် ဆီဖြတ်မယ်၊ ဆန်ဖြတ်မယ်၊ ဖမ်းချုပ်မယ်ဆိုပြီး စင်ပေါ်ကနေ အမိန့်ပေးလေ့ရှိတဲ့ စစ်ကိုင်းတိုင်းကောင်စီဥက္ကဋ္ဌ ဦးသူရကျော်စွာကို မုံရွာဖက်က အပြန် လမ်းက သပိတ်စခန်းတစ်ခုမှာ ဖမ်းမိခဲ့ပေမယ့် ဘုန်းတော်ကြီးတစ်ပါးရဲ့ မေတ္တာရပ်ခံ အသက်အလှူခံ ခဲ့တာကြောင့် အသက်ဘေးမှ လွတ်ခဲ့ရပါတယ်။ မြန်မာလူမျိုးတွေ၊ ဗုဒ္ဓဘာသာတွေဟာ ကံကိုယုံကြတယ်၊ ဝဋ်ကိုကြောက်ကြတယ်၊ တဖက်သားကို သနားတတ်ကြတယ်။ အာဏာရှင်တွေကတော့ နောက်ကြောင်းမပြန်ရဆိုတဲ့ ဥပဒေကြီးနဲ့ မျက်စိမှိတ်ပြီး အတိတ်ကံကိုဖျောက်ဖျက်ဖို့ ကြိုးစားကြပေမယ့် ဝဋ်ဆိုတဲ့သံသရာ စက်ဝိုင်းဟာ သူတို့ရဲ့ အကုသိုလ်အကျိုးပေးတွေကုန်တဲ့နေ့မှာ သူတို့အလှည့် ဆိုက်ဆိုက်မြိုက်မြိုက်ရောက်လာမှာ မလွဲမသွေပါဘဲ။ Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Sagaing Naung Yoe U Tin Win & 1988 Subject The topic of the resource 88 Uprising Sagaing Description An account of the resource စစ်ကိုင်း နောင်ရိုး ဦးတင်ဝင်းနဲ့ ၁၉၈၈ အရေးတော်ပုံ Source A related resource from which the described resource is derived Aung Myo, Facebook 88 Uprising Sagaing https://moemaka.net/omeka2/files/original/a780885df87709f2c9300a9bb70083d5.jpg b554dfe0f34f1d4103980366c083ec6a https://moemaka.net/omeka2/files/original/2ebc405c61986930527a0277e5eaccf9.jpg 4ecb39b6bf8461d582bf6d98c8f1c50c https://moemaka.net/omeka2/files/original/169dbe601864ac8b3e45aeb0ad8862a8.jpg 9b4e5037d50e8b02998d476434348eb1 https://moemaka.net/omeka2/files/original/806cc3be3e040598afe249c9487a65a7.jpg 95da7a508bdb51cf69bd44e1345bd72d https://moemaka.net/omeka2/files/original/51c164fac0b9a0a339bda683f12bbfa1.jpg 30f560610f0d3e3aad9ff9b3e2d875e9 https://moemaka.net/omeka2/files/original/8c2fa30ebba2285e630ca23d1651ae87.jpg cda5ae0bbd4da7f08daa22d0c43d9857 https://moemaka.net/omeka2/files/original/5bb2e8e3d196bfc5a80cdaa2ab005ab8.jpg be83e52a521e8831a48f34e1b26f6a98 https://moemaka.net/omeka2/files/original/082e9688dbe9101c10b0c8522c6b9f8b.jpg 3a78863a9a36ab3343a3509033f06827 https://moemaka.net/omeka2/files/original/6a32a641342c50784d668b52d727cde0.jpg 9747e2204a5ff0d00b87440ce156f92d https://moemaka.net/omeka2/files/original/7f09f93fb446f3085ea35006ce7e4fe6.jpg a913bd5a52431f7a351e68a8ba3791b7 https://moemaka.net/omeka2/files/original/99be91734d0c60e5eeca71c64e4b522e.jpg f281c4fde5ee7c9c37e40673accf58d6 https://moemaka.net/omeka2/files/original/7a95caefacfcfd7410cf2f7845147303.jpg 67668d0a580cb3b752b8381bcb0ee888 https://moemaka.net/omeka2/files/original/a36397d622fe8683241139a3050bcb6c.jpg e078c164e120c6bb02752ab8cc9865a2 https://moemaka.net/omeka2/files/original/6b781de3823c635925150b535a23e8a4.jpg ac16c1a6f06b1e6cb4fc639deffe54fd https://moemaka.net/omeka2/files/original/f60e70a8ff82b04b595bb497b90305d9.jpg 1932e7b5eaa3cd5c5757471817fee79e https://moemaka.net/omeka2/files/original/78be7ab6b2b0dd07a0a4868cb53f55e8.jpg d69c69f724c6ee711bb7b2d4b9240519 https://moemaka.net/omeka2/files/original/ee026bf4a028a287837796b25025e476.jpg 343b0e006e080085204f0904379b9fab https://moemaka.net/omeka2/files/original/a00371060806d000289c5139e1466aa2.jpg 16d8107bf8645d2b11784af9f8a0adf5 https://moemaka.net/omeka2/files/original/6d6ed30e59436fccf77fce2ca23d0d6f.jpg 89a9716b9e312c1979bcfabd641de7ff https://moemaka.net/omeka2/files/original/dd03f39477cee269f606dfff2cae47fd.jpg b5c8e0900ee51add66972d2cfe38ed85 Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource 1988 Burmese Democracy Uprising Subject The topic of the resource Revolution Description An account of the resource 8888 - ၈လေးလုံး အရေးတော်ပုံ Date A point or period of time associated with an event in the lifecycle of the resource 1988 - Still Image A static visual representation. Examples include paintings, drawings, graphic designs, plans and maps. Recommended best practice is to assign the type Text to images of textual materials. Original Format The type of object, such as painting, sculpture, paper, photo, and additional data Photo Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource 1988 August - September -People Uprising Photos Subject The topic of the resource 88 Uprising Description An account of the resource ၈၈ အရေးတော်ပုံ ဓာတ်ပုံများ Source A related resource from which the described resource is derived facebook https://moemaka.net/omeka2/files/original/3cfaca1fbc2ed45b0b79321ee8c0ac75.jpg 72999c023045d313b7be0581f74d63ad https://moemaka.net/omeka2/files/original/9b55eb724fc407b3e8596507ef7c23ca.jpg 7e0416d87a9d5b8f05e1d050c172591d https://moemaka.net/omeka2/files/original/a517fca8b43e9bb0ad3932e6a40c5aa4.jpg c3c6abecd343ecb870453f2d76d3447f Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource 1988 Burmese Democracy Uprising Subject The topic of the resource Revolution Description An account of the resource 8888 - ၈လေးလုံး အရေးတော်ပုံ Date A point or period of time associated with an event in the lifecycle of the resource 1988 - Text A resource consisting primarily of words for reading. Examples include books, letters, dissertations, poems, newspapers, articles, archives of mailing lists. Note that facsimiles or images of texts are still of the genre Text. Text Any textual data included in the document “မန္တလေးမြို့နယ်လုံးဆိုင်ရာ သပိတ်တပ်ပေါင်းစု အဖွဲ့ချုပ် သမိုင်း” ၂၀၁၂၊ ၃ ဩဂုတ် ရက် နံနက် ၁၀:၅၈ မန္တလေးမြို့တွင်၊ သပိတ်မှောက်စစ်ကြောင်းများအားလုံး၏ တစ်ခုတည်းသော ဦးဆောင်ကော်မတီ တစ်ရပ်ဖွဲ့စည်းရန် ညှိနှိုင်းအစည်းအဝေးကို ၂၀-၈-၁၉၈၈-နံက် ၈း၃၀-နာရီ အချိန်တွင် ဘုရားကြီး အနောက်-၄၅-တာ၊ သဒ္ဓါဓိကဓမ္မာရုံကြီး၌ ကျင်းပခဲ့ပါသည်။ အစည်းအဝေးဖြစ်မြောက်စေရန်အတွက်ကိုဇာနည်အောင်(စက်မှု)၊ကိုမျိုးမြင့် (စက်မှု-ယခုစင်္ကာပူ)၊ကိုအောင်မြင့်ထွန်း (မန်းဆေး-ယခု USA )တို့မှစစ်ကြောင်းအသီးသီးရှိဦးဆောင်သံဃာတော်များကို သွားရောက်လျှောက်ထားခဲ့ကြပါသည်။ထိုအစည်းအဝေးသို့ သပိတ်စစ်ကြောင်းကြီး ၁၅-ကြောင်းမှ တာဝန်ပေးစေလွှတ်ခံရသူများ တက်ရောက်ခဲ့ကြပါသည်။ တက်ရောက်သူများမှာ- ၁။ ငြိမ်းချမ်းရေးစစ်ကြောင်းမှ ဦးကဝိန္ဒ၊ ဦးနန္ဒသာရ၊ မောင်အောင်မြင့်ထွန်း ၂။ ဂဠုန်နီစစ်ကြောင်းမှ ဦးမဏ္ဍလ၊ ဦးနန္ဒဝံသ၊ ဦးစန္ဒိမာ၊ ၃။ ဘုရားကြီးစစ်ကြောင်းမှ ဦးပဏ္ဍိတ၊ ဦးဝိသုတ၊ ၄။ နန်းရှေ့မာန်အောင်စစ်ကြောင်းမှ ဦးဓမ္မဝံသ၊ ဦးချိုကြီး(နန်းရှေ့) ၅။ ရဲတံခွန်စစ်ကြောင်းမှ ဦးဝေပုလ္လ၊ ၆။ အိမ်တော်ရာစစ်ကြောင်းမှ ဦးရေဝတ၊ ဦးဝါယမိန္ဒ၊ ၇။ ဆရာဝန်အသင်း(မန္တလေး)မှ ဒေါက်တာခင်မောင်ဝေ၊ ဒေါက်တာသန်းထွန်း၊ ၈။ မန္တလေးတက္ကသိုလ်မှ ဦးမျိုးမြင့်၊ ဦးကျော်သီဟ၊ဦးနီတွတ် ၉။ ရှေ့နေအသင်းမှ ဦးတင်ဝင်းနိုင်၊ ဦးဇော်မင်း၊ ၁၀။ ကျူရှင်ဆရာစစ်ကြောင်းမှ ဦးအောင်မင်း၊ ၁၁။ တက္ကသိုလ်များရန်ကုန်(မန္တလေးမိသားစု)မှ ကိုဇာနည်အောင်၊ ကိုသူရိန်(ကိုမျိုးမြင့်) ၁၂။ စာပေအနုပညာစစ်ကြောင်းမှ မောင်နွေထက်၊ ရဲသျှမ်း၊ ၁၃။ ဂျီတီအိုင်စစ်ကြောင်းမှ ကိုထွန်းအောင်ကျော်၊ ကိုအေးကျော်၊ ၁၄။ မြန်မာနိုင်ငံသားတရုတ်အမျိုးသားအဖွဲ့မှ ကိုသိန်းဝင်း၊ ကိုတင်စိုး၊ ၁၅။ သဘင်သမဂ္ဂမှ ဦးကျော်လှိုင်၊ ဦးသာဓု-တို့ဖြစ်ကြပါသည်။ တက်ရောက်လာသူများမှ သပိတ်မှောက်ဗဟိုကော်မတီဖွဲ့စည်းရေးအတွက် အဖွဲ့အလိုက် အမြင်အမျိုးမျိုး၊ သဘောထားအမျိုးမျိုးကို တင်ပြကြပြီး၊ ညနေ ၄း၃၀-နာရီတွင် အစည်းအဝေးပြန်လည်ကျင်း ပရန် သဘောတူ ဆုံးဖြတ်ကြသည်။ မန္တလေးမြို့နယ်လုံးဆိုင်ရာ သပိတ်မှောက် ဗဟိုကော်မတီဖွဲ့စည်းရေး ညှိနှိုင်းအစည်းအဝေး ၂/၈၈-ကို ၂၀-၈-၁၉၈၈-ညနေ ၄း၃၀-နာရီတွင် ဘုရားကြီး အနောက် ၄၅-တာ ဓမ္မာရုံကြီး၌ ဆက်လက်ကျင်းပခဲ့ပါသည်။ ထိုအစည်းအဝေးမှ မန္တလေးမြို့နယ်လုံးဆိုင်ရာ သပိတ်မှောက်ဗဟိုကော်မတီကို ဖွဲ့စည်းခဲ့ကြပါသည်။ (နောင်တွင် မန္တလေးမြို့နယ်လုံးဆိုင်ရာ သပိတ်တပ်ပေါင်းစု အဖွဲ့ချုပ်ဟု ပြောင်းလဲခေါ်ဝေါ်ခဲ့ကြပါသည်) ကော်မတီဝင်များမှာ အောက်ပါအတိုင်းဖြစ်ပါသည်။ ဥက္ကဋ္ဌ ဦးကဝိန္ဒ(ငြိမ်းချမ်းရေးစစ်ကြောင်း) ဒု-ဥက္ကဋ္ဌ ဦးတင်ဝင်းနိုင်(ရှေ့နေအသင်း) အတွင်းရေးမှူး ဦးရေဝတ(အိမ်တော်ရာစစ်ကြောင်း) တွဲဖက်အတွင်းရေးမှူး(၁) ဦးကျော်သီဟ(မန်းတက္ကသိုလ်)(ယခု-ပြင်ဦးလွင်ပြည်သူ့လွှတ်တော်ကိုယ်စားလှယ်) တွဲဖက်အတွင်းရေးမှူး(၂) ဦးချိုကြီး(နန်းရှေ့မာန်အောင်) လုံခြုံရေးမှူး ဦးမဏ္ဍလ(ဂဠုန်နီစစ်ကြောင်း) တွဲဖက်လုံခြုံရေးမှူး ဦးသာဓု(သဘင်သမဂ္ဂ) စည်းရုံးရေးမှူး ဦးပဏ္ဍိတ(ဘုရားကြီးစစ်ကြောင်း) တွဲဖက်စည်းရုံးရေးမှူး ကိုမြတ်မှိုင်း(စာပေအနုပညာ-နောင်တွင် ရဲသျှမ်း) စည်းကမ်းထိန်းသိမ်းရေးမှူး ဦးဝေပုလ္လ(ရဲတံခွန်စစ်ကြောင်း) တွဲဖက်စည်းကမ်းထိန်းသိမ်းရေးမှူး ဦးအောင်မင်း(ကျူရှင်ဆရာ) ဘဏ္ဍာရေးမှူး ဒေါက်တာသန်းထွန်း(ဆရာဝန်အသင်း) တွဲဖက်ဘဏ္ဍာရေးမှူး ကိုသိန်းဝင်း(မြန်မာတရုတ်လူငယ်) ဆက်သွယ်ပြန်ကြားရေးမှူး ကိုဇာနည်အောင်(စက်မှုတက္ကသိုလ်) တွဲဖက်ဆက်သွယ်ပြန်ကြားရေးမှူး ကိုထွန်းအောင်ကျော်(ဂျီတီအိုင်)(အေဘီမြောက်ပိုင်းတွင်မတရားစွပ်စွဲအသတ်ခံရ) ကျန်းမာရေးမှူး ဒေါက်တာခင်မောင်ဝေ(ဆရာဝန်အသင်း) သပိတ်မှောက် ဗဟိုကော်မတီဖွဲ့စည်းပြီးနောက် သပိတ်စခန်းဌာနချုပ်နေရာအတွက် ညှိနှိုင်းဆွေးနွေးကြသည်။ ဌာနချုပ်နေရာကို ယာယီအားဖြင့် တောင်ပြင်အသောကာရာမတိုက် ရတနာမြိုင်ကျောင်းကို သတ်မှတ်ပြီး၊ ရုံးခန်းအဖြစ် ဘုရားကြီးအနောက် ၄၅-တာ ဦးမုနိန္ဒစာသင်ကျောင်းကို သက်မှတ်ရွေးချယ်ခဲ့ကြသည်။ ထို့နောက် ဗဟိုကော်မတီမှ ပြည်သူလူထုသို့ သတင်းထုတ်ပြန် ကြေညာချက်တစ်စောင် ရေးသားဖြန့်ချီရန် ညှိနှိုင်းပြီး မူကြမ်းရေးကြသည်။ လိုအပ်သော ဆပ်ကော်မတီများကို နောင်တွင် သီးခြားထပ်မံဖွဲ့စည်းရန် ဆုံးဖြတ်၍ အစည်းအဝေးကို ညနေ ၆းဝဝ-တွင် ရုပ်သိမ်းခဲ့ကြသည်။ (ဆက်လက်ဖော်ပြပါမည်။) Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource 1988 Mandalay Boycott Committee History Subject The topic of the resource 8888 History Description An account of the resource “မန္တလေးမြို့နယ်လုံးဆိုင်ရာ သပိတ်တပ်ပေါင်းစု အဖွဲ့ချုပ် သမိုင်း” Source A related resource from which the described resource is derived Ko Soe Lynn, Facebook 88 Uprising 8888Uprising Mandalay https://moemaka.net/omeka2/files/original/5062af7f0297b32825cc2f68988246b1.jpg 0323a72f74a6aea8b16c57718a8ff64b Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource 1988 Burmese Democracy Uprising Subject The topic of the resource Revolution Description An account of the resource 8888 - ၈လေးလုံး အရေးတော်ပုံ Date A point or period of time associated with an event in the lifecycle of the resource 1988 - Text A resource consisting primarily of words for reading. Examples include books, letters, dissertations, poems, newspapers, articles, archives of mailing lists. Note that facsimiles or images of texts are still of the genre Text. Text Any textual data included in the document (နိဂုံးပိုင်း ဖြစ်ပါတယ်) ----- “၁၉၈၈ ဒီမိုကရေစီ အရေးတော်ပုံကို ခြုံငုံသုံးသပ် နိဂုံးချုပ်လုပ်ကာ သင်ခန်းစာ ထုတ်ယူရေး” [ဗမာပြည် ကွန်မြူနစ်ပါတီ အထွေထွေအတွင်းရေးမှူး (ယာယီ)၏ နိုင်ငံရေး အစီရင်ခံစာ ၁၉၉၄ ခုနှစ်၊ သြဂုတ်လ ၁၅ မှ] နောင်မှာ ရှောင်ကြဉ်ရမယ့် သင်ခန်းစာယူရမယ့် အချက်များကို တင်ပြပြီးပါပြီ။ အဓိကကျတယ် ထင်တာကို တင်ပြတာပါ။ တခြား သင်ခန်းစာယူစရာကိစ္စတွေလည်း ရှိပါသေးတယ်။ ဒီအစီရင်ခံစာမှာ မတင်ပြတော့ပါဘူး။ ဆက်လက်ကိုင်စွဲ ဖွံ့ဖြိုးတိုးတက်သွားစေရမယ့် အတွေ့အကြုံတွေကို အခု တင်ပြပါမယ်။ အဓိကကျတဲ့ အချက်တွေပဲ တင်ပြသွားပါမယ်။ အဓိကကျတဲ့ အချက်တွေကတော့... ပထမအားဖြင့် နိုင်ငံရေးနည်းပရိယာယ်ခြေလှမ်းနဲ့ နည်းနာများ တညီတည်း ရှိခဲ့ခြင်း။ ပါတီစုံဒီမိုကရေစီကို မဏ္ဍိုင်တောင်းဆိုချက်အဖြစ် ထားနိုင်ခဲ့ပါတယ်။ ဘုံရန်သူဟာ မဆလ စစ်အစိုးရပဲ ဆိုတာကို ပျောက်မသွားအောင် တလျှောက်လုံး ထိန်းထားနိုင်ပါတယ်။ အလိုအလျောက် လက္ခဏာဆောင်နေတဲ့ လူထုတိုက်ပွဲကြီးထဲမှာ စည်းရုံးဖွဲ့စည်းထားမှု (တပြည်လုံး အတိုင်းအတာအရ) မရှိခဲ့တဲ့ အခြေအနေမှာ ဒီလိုထိန်းထားနိုင်တာဟာ ကျနော်တို့ ပြည်သူတွေရဲ့ နိုးကြားထက်မြက်မှုနဲ့ ကြီးမြတ်မှုကို ပြနေတာ ဖြစ်ပါတယ်။ စစ်အစိုးရနဲ့ သူလျှိုဒလံတွေက “မင်းမဲ့စရိုက် ဝင်လာတယ်”လို့ စွပ်စွဲကြပေမယ့် ဘယ်မြို့ ဘယ်နယ်မှ ဒီအဖြစ်မျိုး မရှိခဲ့ပါဘူး။ ဆရာတော်၊ သံဃာတော်များ၊ မြို့မိမြို့ဖ၊ ရွာမိရွာဖများက ထိန်းသိမ်းပေါးတယ်။ အဲဒီကာလတုန်းက အမှုသေးမွှားများသာ ဖြစ်ခဲ့ပြီး အမှုကြီးများ မဖြစ်ခဲ့တာလည်း မှတ်တမ်းတင်စရာ ဖြစ်ပါတယ်။ အဖွဲ့တွေ ဘယ်လိုပင် ကွဲပြားနေစေဦး တိုင်တိုင်ပင်ပင် စည်းစည်းလုံးလုံး ရှိကြပါတယ်။ နဝတ က မင်းမဲ့စရိုက်အဖြစ် စာရင်းတင်နေတဲ့ကိစ္စတွေဟာ “လူထုအာဏာ” ကို ကျင့်သုံးတာတွေ ဖြစ်ပါတယ်။ အများစု ကိစ္စတွေဟာ ထိန်းထိန်းကွပ်ကွပ်ရှိစွာ ဆောင်ရွက်ခဲ့တာတွေဖြစ်ကြောင်း တွေ့ရပါတယ်။ “လူထုတိုက်ပွဲ” ဟာ “လူထုအာဏာ” ဆီသို့ တိုးတက်သွားရမှာ ဖြစ်ပါတယ်။ သူလျှိုဒလံတွေ၊ သပိတ်ဖျက်ဆီးရေးသမားတွေကို မုချနှိပ်ကွပ်ရမှာပါ။ ဒါဟာ “လူထုအာဏာ” ကို ကျင့်သုံးနေတာ ဖြစ်ပါတယ်။ စစ်အစိုးရရဲ့ စစ်အာဏာရှင်စနစ် ပြိုပျက်သွားတဲ့နေရာမှာ “လူထုအာဏာ”နဲ့ အစားထိုးမပေးနိုင်ရင်သာ မင်းမဲ့ဝါဒ ဝင်လာမှာ ဖြစ်ပါတယ်။ “လူထုအာဏာ” တနည်းအားဖြင့် “လမ်းမများပေါ်က အာဏာ” ကို “အစိုးရအာဏာ” အဖြစ် “ပါလီမန်ထဲက အဏာ”အဖြစ် ရောက်အောင် တိုးချဲ့မသွားနိုင်တာသာ ကျနော်တို့ရဲ့ ချွတ်ယွင်းမှုကြီး ဖြစ်ပါတယ်။ အဲဒီလို တိုးချဲ့ရင် ပြည်တွင်းစစ်ကြီး ဖြစ်သွားမယ်လို့ နလဗိန်းတုံးတွေ (ပြည်ပ ပြည်တွင်း) က ပြောကြပါတယ်။ ဗမာပြည်မှာ ပြည်တွင်းစစ်ကြီး ဖြစ်နေတာ နှစ် ၄၀ ရှိနေပြီဆိုတာ သူတို့ သိကြပါတယ်။ ဘာ့ကြောင့် ခုမှ “ပြည်တွင်းစစ် ဖြစ်လာမယ်” လို့ ပြောကြပါသလဲ။ ရှင်းပါတယ်။ “လူထုအာဏာ” က “အစိုးရ အာဏာ” ဖြစ်သွားမှာကို ကြောက်လို့ပါ။ သူတို့ နယ်ချဲ့နိုင်ငံများရဲ့ ကမကထပြုမှုနဲ့ စိတ်ကြိုက်အစိုးရ တခုကိုများ ဖန်ဆင်းလို့ ရမလားလို့ စိတ်ကူးယဉ်တာပါ။ ဗိုလ်စောမောင် က ၁၉၈၉ ခုနှစ်၊ ဇူလိုင်လ ၅ ရက်မှာ သူတို့ ဘာကြောင့် အာဏာသိမ်းရသလဲ ဆိုတာနဲ့ပတ်သက်ပြီး ဝန်ခံစကား ပြောခဲ့ပါတယ်။ “B.C.P. tactics ပါ” တပ်စုချေမှုန်းရေး၊ တပ်ခွဲချေမှုန်းရေး ပြီးရင် H.Q.ကို စီးမယ်။ ဒါကြောင့် အာဏာကို “ငါတို့ ယူမှဖြစ်မယ် တိုင်ပင်ကြတယ်” လို့ ဝန်ခံထားပါတယ်။ ပြည်တွင်း ပြည်ပက နလဗိန်းတုံးတွေရဲ့ လေသံနဲ့ မကွာပါဘူး။ ဗကပ အန္တရာယ်ကို လက်ညှိုးထိုးပြီး နယ်ချဲ့အကူအညီ ယူခဲ့တာမှာ အံခွနေပြီဖြစ်တဲ့ စစ်အုပ်စုများပီပီ လူထုအုံကြွမှုကို ဗမာပြည် ကွန်မြူနစ်ပါတီရဲ့ ကြိုးကိုင်မှုနဲ့ လုပ်လာတာပါလို့ ပြောလိုက်ရင် နယ်ချဲ့က ကူညီမလားလို့ စိတ်ကူးယဉ်တာပါ။ နောက်ပိုင်းမှာ စစ်အစိုးရကို ဆန့်ကျင်တဲ့ လူထုတိုက်ပွဲတိုင်းကို “ဗကပ နည်းလမ်း” ဆိုပြီး စွပ်စွဲပါတယ်။ ဒါဟာ အမေရိကန်နယ်ချဲ့သမားကို မျက်စပစ်ပြနေတာပါ။ ဗိုလ်ခင်ညွန့်ကလည်း “ဗကပရဲ့ အာဏာကို ဖြတ်လမ်းက ရယူသိမ်းပိုက်ရေး” လို့ ပြောပါတယ်။ အထက်မှာ တင်ပြခဲ့ပြီးပါပြီ။ ဗကပ အာဏာရရေး မဟုတ်ဘူး၊ ဒီမိုကရေစီအစိုးရ အာဏာရရေးဆိုတာ ရှင်းခဲ့ပြီးပါပြီ။ သပိတ်စခန်းနဲ့ လမ်းမပေါ်က “လူထုအာဏာ”ကနေပြီး “ယာယီ” (သို့မဟုတ်) “ကြားဖြတ်” (သို့မဟုတ်) “ကြားဖြတ်အိမ်စောင့်” ခေါ်ချင်တာခေါ်ပါ၊ တိုက်ပွဲဝင် လူထုကြီးစိတ်ကြိုက် ဒီမိုကရေစီအစိုးရအဖြစ် တက်လှမ်းသွားနိုင်ခဲ့ရင်၊ ငြိမ်းချမ်းစွာ ဖြစ်ပေါ်တိုးတက်သွားခဲ့ရင် အနှစ် ၄၀ တိုက်နေရတဲ့ ပြည်တွင်းစစ်တောင်မှ ရပ်စဲသွားတာ၊ နိုင်ငံရေးအရ ဖြေရှင်းလို့ ပြေရှင်းသွားတာတောင် ဖြစ်လာမှာပါ။ ပြည်တွင်းစစ် ဖြစ်မလာနိုင်ပါဘူး။ စစ်အုပ်စု ဆိုတာက ဦးရေ ၂၀၀ - ၂၅၀ ရှိနေတဲ့ မဆလ ဗဟိုကော်မတီဝင်တွေ မဟုတ်ပါဘူး။ ဒီဦးရေထက် များတဲ့ လွှတ်တော်ကိုယ်စားလှယ်တွေလည်း သာပြီးမဟုတ်ပါဘူး။ အစိုးရ အဖွဲ့ဝင်တွေ အားလုံးလည်း မဟုတ်၊ အလုပ်အမှုဆောင် အားလုံးလည်း မဟုတ်ပါဘူး။ တကယ်သတ္တုချကြည့်ရင် ဗိုလ်နေဝင်းနဲ့ တာဝန်ထမ်းဆောင်ဆဲ သမ္မတ၊ ဝန်ကြီးချုပ်နဲ့ ထောက်လှမ်းရေးမှူး အပါအဝင် လက်တဆုပ်စာသာ ဖြစ်ပါတယ်။ တာယန်ထမ်းဆောင်ဆဲလို့ အထူးပြုရတာက ဗိုလ်နေဝင်းက အပြောင်းအလဲလုပ်တာ မြန်တတ်ပါတယ်။ သူနဲ့ ဘယ်သူမှ ကြာကြာမြဲလေ့ မရှိပါဘူး။ နောက်ဆုံးပိတ်စကား ပြောရရင် စစ်အုပ်စုဆိုတာ ဗိုလ်နေဝင်းပါပဲ။ ပေါ်လစီ ဟူသမျှ သူချနေတာပါ။ တခါတလေမှာ သူ့ရဲ့ လက်လွတ်စပယ် ပြောလေ့ရှိတဲ့ “နှုတ်မိန့်” တွေက “ပေါ်လစီ” ဖြစ်ကုန်တာပါ။ ဒီကိစ္စကို သူနဲ့ နီးနီးကပ်ကပ် တွဲလုပ်ခဲ့သူတိုင်း သိကြပါတယ်။ စစ်အုပ်စုကို စစ်အစိုးရ - စစ်ဗျူရိုကရေစီ ယန္တရားဆိုတဲ့ အစွယ်တွေ တပ်ပေးထားတော့ သေနတ်ကို အမိန့်ပေးနိုင်တဲ့ နိုင်ငံရေးအာဏာ စစ်အုပ်စုက ရရှိနေတာပါ။ ဒီ စစ်အုပ်စု - စစ်အစိုးရ - စစ်ဗျူရိုကရေစီ ယန္တရားဆိုတဲ့ စစ် ၃ စစ်ကို တိုက်ဖျက်ဖို့ ဒါကြောင့်ပဲ လိုအပ်နေတာပါ။ မတိုက်ဖျက်နိုင်ရင် ဒီမိုကရေစီစကားတောင် လူထုမှာ ပြောနိုင်ခွင့် မရှိပါဘူး။ တညီတညွတ်တည်းသော နည်းပရိယာယ်နဲ့ ခြေလှမ်းများကို လှမ်းနိုင်ခဲ့တာဟာ တပြည်လုံးက အတွေ့အကြုံရှိသူများက အကြံကောင်း ဉာဏ်ကောင်းများ ပေးနိုင်ခဲ့တာကိုလည်း အသိအမှတ်ပြုရမှာပါ။ ၁၉၃၆-၃၈ က စပြီး အဆက်ဆက်သော ခေတ်ကာလများမှာ ရရှိခဲ့တဲ့ အတွေ့အကြုံတွေကို ဖြန့်ဖြူးပေးနိုင်ခဲ့ပါတယ်။ ရှေ့ဆောင်တပ်ဦးအခန်း၊ တိုက်ပွဲရဲ့လှံသွားအခန်းက ပါဝင်ခဲ့တဲ့ ကျောင်းသားတွေ၊ လူငယ်တွေရဲ့ အသက်စွန့်ရမှာ မကြောက်၊ အခက်အခဲကို မကြောက်တဲ့ စိတ်ဓာတ်နဲ့ အမြော်အမြင်ရှိရှိ တည်တည်ငြိမ်ငြိမ် လုပ်ဆောင်သွားမှုတွေကိုလည်း ဂုဏ်ပြုရမှာပါ။ ဒုတိယ အတွေ့အကြုံက အောင်သီးအောင်ပွင့်တွေကို ခိုင်မာသထက် ခိုင်မာအောင် ထိန်းသိမ်းထားနိုင်တာ ဖြစ်ပါတယ်။ ကျနော်တို့ တိုက်ပွဲဝင် ရဲဘော်တချို့အတွင်းမှာ ၁၉၈၈ ဒီမိုကရေစီ အရေးတော်ပုံနဲ့ ပတ်သက်ပြီး တဖက်သတ်ကျတဲ့ သုံးသပ်မှုတွေ ရှိနေပါတယ်။ “အရေးတော်ပုံ ရှုံးသွားပြီ” ဆိုတဲ့ စိတ်ပျက်အားငယ်တဲ့ သုံးသပ်ချက် ဖြစ်ပါတယ်။ တကြိုးတည်းနဲ့ အောင်ပွဲအထိ ရောက်အောင် မချီတက်နိုင်ခဲ့တာဘက်က ကြည့်ရင် ရှုံးသွားတာ အမှန်ပါ။ ဒါပေမယ့် အရေးတော်ပုံက တောင်းဆိုတိုက်ပွဲဝင်ခဲ့တဲ့ အချက်တွေဘက်က ကြည့်ရင် အောင်မြင်မှုတွေ (အောင်သီးအောင်ပွင့်တွေ) မနည်းဘူးဆိုတာ တွေ့ရမှာပါ။ - မဆလ တပါတီ စစ်အာဏာရှင်စနစ် ဖျက်သိမ်းရေး တောင်းဆိုချက်ဟာ အောင်မြင်ပါတယ်။ မဆလ တပါတီ စစ်အာဏာရှင်စနစ်ကို တရားဝင်အောင် လုပ်ပေးထားတဲ့ “၇၄ အခြေခံဥပဒေ” ပျက်သွားပါပြီ။ အဆစ်အနေနဲ့ မဆလ ပါတီတောင် ပျက်သွားပါတယ်။ လူထုတိုက်ပွဲ တောင်းဆိုချက်မှာ မဆလ ပါတီ ဖျက်သိမ်းရေး မပါပါဘူး။ ပါတီစုံထဲမှာ သူလည်း တပါတီအနေနဲ့ ပါဝင်ပြီး ငြိမ်းချမ်းစွာ ယှဉ်ပြိုင်စေဖို့သာ လူထုက လိုလားတာပါ။ ဒါပေမယ့် သူတို့အခြေအနေကို သူတို့ သိနေလို့ မဆလကို ဖျက်သိမ်းပြီး တစည လို့ အမည်ပြောင်း၊ လမ်းစဉ်ပြောင်းတာ လုပ်လိုက်ပါတယ်။ ဒါဟာ သူတို့ရဲ့ ဒီမိုကရေစီ အခွင့်အရေးပါ။ ဖျက်ချင်ဖျက် - လမ်းစဉ် ပြောင်းချင်ပြောင်း လုပ်နိုင်ပါတယ်။ နဝတ ကိုလည်း နဝတပါတီ ဖွဲ့ပြီး ပါတီစုံ ဒီမိုကရေစီထဲမှာ ပါဝင်ဖို့ အခု ကျနော်တို့ တောင်းဆိုနေပါတယ်။ ဒါပေမယ့် နဝတ က ဖားတပိုင်း ငါးတပိုင်း ပါတီတခုပဲ ဖွဲ့လိုက်ပါတယ်။ “ကြံ့ခိုင်ရေးနဲ့ ဖွံ့ဖြိုးရေးအသင်း” လို့ အမည်ပေးထားပါတယ်။ (နဝတ ဟာ အိမ်စောင့်အစိုးရ ၅၈-၆၀ တုန်းက လုပ်ခဲ့တာတွေဟာ အောင်မြင်မှုတွေလို့ ထင်နေဟန် ရှိပါတယ်။ ဒါကြောင့် အဲဒီတုန်းက လုပ်ခဲ့တာတွေ လိုက်လုပ်လေ့ရှိပါတယ်။ တည်မြဲ ဖဆပလ အကျနာသွားပြီး သန့်ရှင်း ဖဆပလကို လူထုက တခဲနက် မဲပေးလိုက်တဲ့ လူထုရဲ့ ဒဏ်ခတ်မှုကြီးကိုတော့ သူတို့ သင်ခန်းစာ မယူပါဘူး။) ကြံ့ခိုင်ရေးအသင်းဟာ နဝတ က ဖန်တီးလိုက်တဲ့ “အသင်း”လို့ နာမည်ခံတဲ့ ပါတီတခုပါ။ မဆလ ကို “တော်လှန်ရေးကောင်စီ”က ဖန်တီးခဲ့သလို ဖန်တီးနေတာ ဖြစ်ပါတယ်။ စစ်အုပ်စုရဲ့ နိုင်ငံရေးလမ်းစဉ်ကို အကောင်အထည်ဖော်ဖို့ ဖွဲ့စည်းလိုက်တာပဲ ဖြစ်ပါတယ်။ - နောက် အောင်သီးအောင်ပွင့် တခုက (ဒီ အောင်သီးအောင်ပွင့်က ပိုအရေးကြီးပါတယ်) ပါတီစုံ ဒီမိုကရေစီ ရွေးကောက်ပွဲ လုပ်ပေးရတာပါ။ တပါတီလား - ပါတီစုံလား ဆိုတာကို “လူထုဆန္ဒခံယူပွဲ” လုပ်ရေးဆိုတာကို မဆလ စစ်အစိုးရက လုပ်ချင်တာပါ။ မဆလ တပါတီ စစ်အာဏာရှင်စနစ်ကို သက်ဆိုးရှည်စေမယ့် ရှည်လျားထွေပြားတဲ့ လမ်းကိုလိုက်ဖို့ စစ်အုပ်စုက လုပ်ချင်တာပါ။ ဒါပေမယ့် မလုပ်နိုင်ခဲ့ပါဘူး။ ၁၉၈၈ ဒီမိုကရေစီ အရေးတော်ပုံ အတွင်းမှာပဲ ဒီကိစ္စကို လူထုက ပယ်ချလိုက်နိုင်ပါတယ်။ နဝတ ဟာ အာဏာသိမ်းတယ် ဆိုကတည်းက ပါတီစုံ ဒီမိုကရေစီ အထွေထွေ ရွေးကောက်ပွဲ ကျင်းပပေးပါမယ်လို့ ကတိခံပြီး တက်လာရတာ ဖြစ်ပါတယ်။ ဒီကတိဟာ နဝတ စစ်အစိုးရအဖို့ မထွေးနိုင် မမျိုနိုင် ဖြစ်နေစေခဲ့တဲ့ ကိစ္စကြီးပါ။ လူထုအတွက်တော့ အောင်သီးအောင်ပွင့်တခု ဖြစ်ပါတယ်။ ၂ နှစ်လောက် အချိန်ဆွဲပြီး စိတ်ချရပြီထင်မှ၊ စိတ်ကြိုက်အဖြေလည်း ထွက်လောက်ပြီထင်ကာ ၉၀ မေလမှာ ရွေးကောက်ပွဲ လုပ်လိုက်တော့ သူတို့တွက်ကိန်း လွဲသွားပါတယ်။ သူတို့လည်ချောင်းမှာ တစ်နေတဲ့ မထွေးနိုင် မမျိုနိုင်တဲ့ကိစ္စကြီးဟာ ပိုပြီး ကြီးမားလာပါတော့တယ်။ ၉၀ ခုနှစ် ရွေးကောက်ပွဲကို တရားမဝင်ဘူးလို့ လုပ်လို့လည်း မဖြစ်၊ ရလဒ်ကို အသိအမှတ်မပြုလို့လည်း မဖြစ်။ ဒုက္ခတွေ့တော့တာပါပဲ။ ပြည်တွင်းက လူထုအတွက် တိုက်စရာ တိုက်ကွက်ကြီး ဖြစ်လာရုံမက နိုင်ငံတကာကလည်း အပြစ်ပြောစရာ ဖြစ်သွားပါတယ်။ ရွေးကောက်ပွဲမှာ အဆင်မပြေ တွက်ကိန်းလွဲသွားတာကြောင့် “ဦးတည်ချက် ၆ ရပ်”လည်း ရှောရှောရှူရှူဖြစ်ဖို့ မလွယ်။ “အမျိုးသားညီလာခံ”ဆိုတာနဲ့ “အခြေခံဥပဒေ ရေးဆွဲရေးအတွက် အခြေခံမူများ ချမှတ်ရေး”ဆိုတာတွေမှာပါ မီးခိုးကြွက်လျှောက် ဒုက္ခတွေ့နေတာကို အထင်အရှား တွေ့နိုင်ပါတယ်။ သူတို့စစ်အုပ်စုရဲ့ တွက်ကိန်းအတိုင်းသာ ဖြစ်ရင်... (က) ဦးတည်ချက် ၆ ရပ် တင်လိုက်ရင် ကန့်ကွက်သူမရှိ၊ အတည်ဖြစ်မယ်။ (၁၉၆၂ ခုနှစ် တုန်းကလို) ၁၉၆၂ ခုနှစ်တုန်းက တော်လှန်ရေးကောင်စီက တပ်မတော်ညီလာခံဆိုပြီး လုပ်တယ်။ မဆလ လမ်းစဉ် တင်တယ်။ အားလုံးကို လက်မှတ်ရေးထိုးခိုင်းပြီး မော်ကွန်းတင်တယ်။ တကယ့်သဘောကတော့ တပ်မှူးတွေကို သူခိုးသေဖော်ညှိလိုက်တာပါ။ တပ်မတော် ညီလာခံမှာ ဘယ်သူက ကာကွယ်ရေးဦးစီးချုပ်လုပ်နေတဲ့ ဗိုလ်ချုပ်ကြီးနေဝင်းရဲ့ အဆိုကို ကန့်ကွက်မလဲ။ နောက်မှ ထွေလီကာလီ ဖြစ်မလာအောင် အပိုင်ချည်တဲ့သဘောနဲ့ လက်မှတ်ထိုးခိုင်းတာပါ။ အတွေးအခေါ်ဆိုတာ လက်မှတ်ထိုးပြီး ချည်တုပ်ထားလို့ မရပါဘူး။ အဲဒီ လက်မှတ်ထိုးခဲ့သူတွေ အများတကာ့ အများစုကြီးက မဆလ လမ်းစဉ်ကို အခု ဆန့်ကျင်နေပါတယ်။ အခုတော့ မဆလကို ဆန့်ကျင်ရကောင်းလား ဆိုပြီး နဝတ က ဆဲရေးတိုင်းထွာနေပါတယ်။ (ခ) အမျိုးသားညီလာခံ လုပ်လိုက်ရင်လည်း ၇၄ အခြေခံဥပဒေတုန်းကလို ရှောရှောရှူရှူ ဖြစ်မယ်။ ၉၀.၁၉% က ထောက်ခံမယ်။ ဒါပေမယ့် တွက်ကိန်း လွဲခဲ့ပါပြီ။ ဒါကြောင့်လည်း “အမျိုးသားညီလာခံ”ဆိုတာကြီးဟာ ဖွင့်လိုက် ရုပ်လိုက်နဲ့ သံသရာရှည်နေတာပါ။ ၁၉၈၈ ဒီမိုကရေစီ အရေးတော်ပုံက ရရှိလိုက်တဲ့ အဓိက အောင်သီးအောင်ပွင့် နှစ်ခုကို တင်ပြခဲ့ပြီးပါပြီ။ အောင်သီးအောင်ပွင့်တွေကို တိုးချဲ့နိုင်တယ်ဆိုတာ ကျနော်တို့ တွေ့ရပါတယ်။ - ရွေးကောက်ပွဲကို နဝတ မတတ်သာလို့ လုပ်ပေးရတယ်။ - လူထုကြီးက ရွေးကောက်ပွဲကို အသံတိတ် ဆန္ဒပြပွဲအဖြစ် သဘောထားပြီး အမျိုးသားဒီမိုကရေစီ အဖွဲ့ချုပ်ကို မဲတွေ ပုံအောပေးလိုက်တယ်။ (ဒါဟာ အောင်သီးအောင်ပွင့်ကို တိုးချဲ့တာ) - အမျိုးသားညီလာခံကို သူ့လူတွေ၊ နိုင်ငံရေးအရ ပေါ်တာဆွဲခံရသူတွေနဲ့ မကျင်းပနိုင်ဘူး။ မလွှဲမရှောင်သာ ဒီမိုကရေစီ အမတ်တွေကို တက်ခိုင်းရတယ်။ ဒီတော့ “ဦးတည်ချက် ၆ ရပ်” ကိစ္စမှာ တစ်နေရတယ်။ ဦးတည်ချက် ၆ ရပ် ဆိုတာမှာ ရှေ့က ၅ ချက်က လူကြားကောင်းအောင် ထည့်ထားတာပါ။ အဓိက အချက်က ၆ ပါ။ “တပ်မတော်က အနာဂတ် နိုင်ငံရေးမှာ ဦးဆောင်ဖို့” ဆိုတာပါ။ ----- [ဗမာပြည် ကွန်မြူနစ်ပါတီ အထွေထွေအတွင်းရေးမှူး (ယာယီ)၏ နိုင်ငံရေး အစီရင်ခံစာ ၁၉၉၄ ခုနှစ်၊ သြဂုတ်လ ၁၅ မှ “၁၉၈၈ ဒီမိုကရေစီ အရေးတော်ပုံကို ခြုံငုံသုံးသပ် နိဂုံးချုပ်လုပ်ကာ သင်ခန်းစာထုတ်ယူရေး” ဆိုတဲ့အခန်း တင်ပြလို့ ပြီးပါပြီ။ ဒီအစီရင်ခံစာဟာ ဖော်ပြပါအတိုင်း ၁၉၉၄ ခုနှစ်မှာ ထွက်ခဲ့တာမို့ အဲဒီတုန်းက အခြေအနေထိပဲ ၁၉၈၈ အရေးတော်ပုံနဲ့ ဆက်စပ်တင်ပြထားတာ ဖြစ်ပါတယ်။] (မနေ့က တင်ခဲ့တဲ့ ပို့စ်ရဲ့ အဆက်ပါ။) “၁၉၈၈ ဒီမိုကရေစီ အရေးတော်ပုံကို ခြုံငုံသုံးသပ် နိဂုံးချုပ်လုပ်ကာ သင်ခန်းစာ ထုတ်ယူရေး” (ဗမာပြည် ကွန်မြူနစ်ပါတီ အထွေထွေအတွင်းရေးမှူး (ယာယီ)၏ နိုင်ငံရေး အစီရင်ခံစာ ၁၉၉၄ ခုနှစ်၊ သြဂုတ်လ ၁၅ မှ) စည်းရုံးရေးအပိုင်းမှာ ရှုတ်ထွေးတာကို ရှေ့မှာ တင်ပြခဲ့ပြီးပါပြီ။ အခု တင်ပြမှာက တွေးခေါ်မြော်မြင်မှုအပိုင်းက ရှုတ်ထွေးခြင်း ဖြစ်ပါတယ်။ အရင်းရှင် နယ်ချဲ့သမားတွေက ဗမာပြည်မှာ စစ်အစိုးရကို ဖြုတ်ချပြီး ဒီမိုကရေစီ အစိုးရတရပ်နဲ့ အစားထိုးချင်နေပြီလို့ မြင်တာဟာ အခြေခံအကျဆုံး အမှားပါ။ ဒီတွေးခေါ်မြော်မြင်မှုကနေပြီး ရှုတ်ထွေးမှုတွေ တသီကြီးကို ဖြစ်ပေါ်လာစေပါတယ်။ လွဲမှားတဲ့ စိတ်ကူးယဉ်မှုတွေကိုလည်း အများကြီး ဖြစ်ပေါ်လာစေပါတယ်။ နယ်ချဲ့သမားတွေဟာ ၂၆ နှစ်တိုင်တိုင် စစ်အစိုးရကို ကျားကန်ပေးထားခဲ့တာပါ။ စစ်အစိုးရကလည်း (ဒီအရင်က အစိုးရတွေပါ) ကွန်မြူနစ်ဆန့်ကျင်ရေး၊ ပြည်သူ့ဆန့်ကျင်ရေး ပြည်တွင်းစစ်ကို နယ်ချဲ့သမားတွေအပေါ် လုံးလုံးမှီခိုပြီး တိုက်ခဲ့တာပါ။ နယ်ချဲ့သမားတွေ ဗမာပြည်မှာ လိုချင်နေတာက သူတို့ကို မှီခိုနေရတဲ့ အစိုးရတရပ် ဖြစ်ပါတယ်။ လုံးလုံးနောက်လိုက် လုပ်မယ်ဆိုရင် ပိုကြိုက်ပါတယ်။ ၂၀ ရာစုနှစ်ရဲ့ အနှစ် ၅၀ ပိုင်း၊ ၆၀ ပိုင်း၊ ၇၀ ပိုင်းတုန်းက ယိုးဒယား အစိုးရတွေလို ကိုရီးယားစစ်ဆိုလည်း အမေရိကန်ရဲ့ နောက်က၊ ဗီယက်နမ်စစ်ဆိုလည်း အမေရိကန်ရဲ့နောက်က လိုက်တဲ့ အစိုးရမျိုးကို လိုချင်တာပါ။ ဗမာပြည်မှာ ဒီမိုကရေစီ ရရှိရေးထက် ဘာစနစ်နဲ့ အုပ်ချုပ်နေနေ “တို့လူ” “တို့နောက်လိုက် လုပ်မယ့်အစိုးရ”ကို လိုချင်တာပါ။ ဒါပေမယ့် ဗမာပြည်မှာ ဒါမျိုးဖြစ်ဖို့ မလွယ်ပါဘူး။ ကျနော်တို့ ပြည်သူတွေက နှစ်ပေါင်း ၁၀၀ ကျော်တဲ့ နယ်ချဲ့ဆန့်ကျင်ရေးသမိုင်း ရှိပါတယ်။ ဖောက်ပြန်တဲ့အစိုးရက လုပ်ချင်ဦးတော့ ပြည်သူတွေက လက်မခံပါဘူး။ ၁၉၅၀ ခုနှစ် ကိုရီးယားစစ်တုန်းက အမေရိကန်နောက်လိုက် မရဲတရဲ လုပ်ခဲ့မိလို့ အာဏာရ ဆိုရှယ်လစ်ပါတီ ကွဲခဲ့ရပါတယ်။ ဒီသင်ခန်းစာကို အုပ်စိုးသူများ မေ့နိုင်မှာ မဟုတ်ပါဘူး။ တောင်အမေရိကမှာ၊ အလယ်အမေရိကနဲ့ ကာရေဘီယံ ဒေသတွေမှာလည်း အမေရိကန်ရဲ့ “တို့လူ” စစ်အာဏာရှင်တွေ နည်းမှမနည်းပဲ။ အဲဒါမျိုးကို လိုချင်တာပါ။ အမေရိကန်နယ်ချဲ့ လိုချင်တာဟာ ဒီမိုကရေစီ အစိုးရ မဟုတ်ပါဘူး။ ဗိုလ်နေဝင်းအနေနဲ့ ပြည်တွင်းက ကွန်မြူနစ်ဆန့်ကျင်ရေးကိုသာမက တရုတ်ကွန်မြူနစ် ဆန့်ကျင်ရေး လုပ်နေတုန်းကဆိုရင် ပိုပြီးတောင် ကြည်ဖြူခဲ့ပါတယ်။ ပြစရာ သာဓကတွေ အများကြီးပါ။ သမိုင်းသင်ခန်းစာများဟာ ဘယ်တော့မှ မေ့ပစ်လို့မရတဲ့ သွေးနဲ့ရင်းပြီး ရယူခဲ့တဲ့ သင်ခန်းစာများ ဖြစ်ပါတယ်။ ၁၉၄၀-၄၁ ခုနှစ်က သမိုင်းသင်ခန်းစာများကို သတိရသင့်ပါတယ်။ အဲဒီတုန်းကလည်း ဂျပန်စစ်အုပ်စုဟာ ဗြုန်းစားကြီး ဗမာပြည်ရဲ့ “လွတ်လပ်ရေး”ကို စိတ်ဝင်စားလာခဲ့ပါတယ်။ အနှစ်သာရအရကတော့ အခု အမေရိကန် - အင်္ဂလိပ်တို့က ဗမာပြည်ရဲ့ “ဒီမိုကရေစီရေး”ကို စိတ်ဝင်စားတာနဲ့ အတူတူပါပဲ။ သမိုင်းအခြေအနေ အချက်အလက်ချင်း ကွာတဲ့အတွက် လုပ်ပုံလုပ်နည်းက မတူပါဘူး။ ဒီနေရာမှာ သမိုင်းအခြေအနေ အချက်အလက်များကို အခိုင်အမာ ထည့်တွက်ရေးဟာ တိုက်ပွဲဝင် ပြည်သူများအတွက် အလွန်အရေးပါတာကို တပါတည်း တင်ပြသွားပါမယ်။ သမိုင်းဟာ ထပ်ကျော့်ပြီး ထပ်တူထပ်မျှ ဘယ်တော့မှ မဖြစ်နိုင်ပါဘူး။ အနှစ်သာရချင်း ဆင်တူယိုးမှားဖြစ်တာပဲ ဖြစ်နိုင်ပါတယ်။ ၁၉၄၀-၄၁ အခြေအနေက ဥရောပမှာ စစ်ဖြစ်နေပါတယ်။ ကမ္ဘာစစ်ကြီး မလွဲမသွေ ဖြစ်ပါတော့မယ်။ ဥရောပစစ်မှာ ပြင်သစ်က စစ်ရှုံးပြီး နယ်သာလန်က အတင်းသိမ်းပိုက်တာ ခံရပါတယ်။ အင်္ဂလိပ်ကလည်း သိမ်းပိုက်ခံရတော့မလိုလို ခြိမ်းခြောက်ခံနေရပါတယ်။ အာရှမှာ သူတို့ပိုင်ခဲ့တဲ့ ကိုလိုနီ နိုင်ငံတွေကို ဂျပန်က မျက်စိကျပါတယ်။ တရုတ်-ဂျပန်စစ်ပွဲ တိုက်ရေးမှာ ဗမာပြည်တွင်းက တရုတ်-ဗမာ လမ်းမကြီးကလည်း မျက်စိစပါးမွှေးစူးစရာ ဖြစ်နေပါတယ်။ ဒီလို အခြေအနေ အချက်အလက်တွေကြောင့် ဂျပန်က “ဗမာပြည် လွတ်လပ်ရေး”ကို စိတ်ဝင်စားလာတာပါ။ အထက်မှာ ဖော်ပြခဲ့တဲ့ အခြေအနေနဲ့ အချက်အလက်များဟာ သမိုင်းဖြစ်သွားပါပြီ။ သမိုင်းဟာ ဘယ်တော့မှ ထပ်တူပြန်ဖြစ်တော့မှာ မဟုတ်ပါဘူး။ ၁၉၈၈ အုံကြွမှုကြီး ဒီရေမြင့်ချိန်မှာ “ရရင်ရ - မရရင်ချ” ဆိုတဲ့ ကြွေးကြော်သံ ဝင်လာပါတယ်။ ဒါ သိပ်မှန်တဲ့ ကြွေးကြော်သံပါ။ သန္နိဋ္ဌာန် ပြင်းပြသူများမှသာ ချမှတ်နိုင်တဲ့ ဆုံးဖြတ်ချက်ပါ။ “ချရင် ဘယ်လိုချမလဲ” “လက်နက် ဘယ်ကရမလဲ” စတဲ့မေးခွန်းတွေ တသီကြီး ပေါ်လာပါတယ်။ အဲဒီမှာ လွဲမှားတဲ့ စိတ်ကူးစိတ်သန်းများ ပေါ်လာတော့တာပါ။ အမေရိကန်ရဲ့ “ဒီမိုကရေစီ - ဗမာပြည်လူ့အခွင့်အရေး” စတဲ့ ကြွေးကြော်သံတွေကို ပိုပြီးတွက်ချက်မိကြပါတယ်။ - လက်နက်ကို ရတဲ့ဆီက ယူမယ်။ - ရဲဘော်သုံးကျိပ်နဲ့ BIA တပ်ကြီး ဖွဲ့ခဲ့သေးတာပဲ။ - ရဲဘော် သုံးထောင်/သုံးသောင်းနဲ့ ပိုကြီးတဲ့ ဒီမိုကရေစီတပ်မတော် ဖွဲ့မယ် ဆိုတာတွေ ဖြစ်ကုန်ပါတယ်။ အသေးစိတ် မတင်ပြတော့ပါ။ ကျနော်တို့မှာ မှားယွင်းသော စိတ်ကူးစိတ်သန်းများ ရှိခဲ့တယ်ဆိုတာကိုပဲ ပုံပေါ်အောင်သာ တင်ပြတာ ဖြစ်ပါတယ်။ စစ်အစိုးရကို ဘယ်လိုချမှ ရမယ်၊ ဘယ်လိုချကြရမယ်ဆိုတာကို နောက်ပိုင်းမှာ ခေါင်းစီးသပ်သပ်ခွဲပြီး တင်ပြမှာဖြစ်လို့ ဒီလောက်နဲ့ ဒီကိစ္စကို ရပ်ထားပြီး “ချရေး”ရဲ့ အရင်ပေါ်ခဲ့တဲ့ မှားယွင်းတဲ့ စိတ်ကူးစိတ်သန်းတခုကို တင်ပြပါဦးမယ်။ အခု တင်ပြနေတဲ့ မှားယွင်းတဲ့ စိတ်ကူးစိတ်သန်းများဆိုတာဟာ သူများတွေ ပေါ်တာထက် ကျနော်တို့ ယူဂျီပါတီဝင် အများအပြားနဲ့ ရှေ့တန်းရောက် တိုက်ပွဲဝင် ကျောင်းသား လူငယ်များအကြားမှာ ပေါ်ခဲ့တာကို ဆိုလိုပါတယ်။ စောစောပိုင်းက ပေါ်ခဲ့တဲ့ မှားယွင်းတဲ့ စိတ်ကူးစိတ်သန်းကို တင်ပြပါမယ်။ ဒေါက်တာမောင်မောင်ရဲ့ သမ္မတ သက်တမ်း အစမှာ ပေါ်တာပါ။ အဲဒီ စိတ်ကူးစိတ်သန်း (တွေးခေါ်မြော်မြင်မှု)က... “နိုင်ငံရေးအာဏာဟာ သေနတ်ပြောင်းထဲက ထွက်တယ်” ဆိုတာ တလောကလုံးဆိုင်ရာ အမှန်တရား မဟုတ်ဘူး။ ခြွင်းချက် ရှိတယ်။ အခု ဗမာပြည်မှာ လူထုအုံကြွမှုကြီး အနုနည်းနဲ့ သွေးမြေကျ တိုက်ပွဲဝင်ခဲ့မှုကြောင့် စိန်လွင် ပြုတ်ကျသွားပြီ။ စစ်အုပ်ချုပ်ရေး ရုပ်သိမ်းသွားရပြီ။ လူထုရဲ့ တောင်းဆိုချက်တွေ တစတစ ရလာနေပြီ။ ဒါကြောင့်... “နိုင်ငံရေးအာဏာဟာ လူထုရဲ့ လက်ရုံးများကလည်း ထွက်သည်” ဒါဟာ ဗမာပြည်ရဲ့ ထူးခြားချက် ဖြစ်တယ်။ အဲဒီလို ထင်မြင်ယူဆလာတာတွေတောင် ရှိခဲ့ပါတယ်။ “နိုင်ငံရေးအာဏာဟာ သေနတ်ပြောင်းထဲက ထွက်တယ်”လို့ ယူဆတာဟာ သမရိုးကျ ဖြစ်နေပြီလို့လည်း စွပ်စွဲခဲ့ပါတယ်။ အဲဒီတုန်းက ဖြစ်ပေါ်နေတဲ့ ပကတိ အခြေအနေကလည်း အဲဒီလိုစိတ်ကူးမျိုးကို တွေးတောဖြစ်စေတာ အမှန်ပါပဲ။ စစ်အုပ်စုရဲ့ လက်မရွံ့လူသတ်သမား စိန်လွင်ဟာ ၁၉၈၈ သြဂုတ်လ ၁၂ ရက်နေ့မှာ နုတ်ထွက်သွားခဲ့ရပါတယ်။ သမ္မတသစ် ဒေါက်တာမောင်မောင် က သြဂုတ်လ ၂၄ ရက် ည ၈ နာရီမှာ အဲဒီနေ့ မွန်းလွဲ ၁ နာရီကစပြီး စစ်အုပ်ချုပ်ရေး ရုပ်သိမ်းလိုက်ပါပြီလို့ ကြေညာလာရတယ်။ တခြား အရေးကြီးတဲ့ အလျှော့ပေးမှုတွေလည်း လုပ်လာပါတယ်။ ဒါတွေဟာ လူထုကြီးရဲ့ သွေးမြေကျခံပြီး အကြမ်းမဖက် အနုနည်းသက်သက်နဲ့ တိုက်ပွဲဝင်လို့ ရလာတဲ့ အောင်သီးအောင်ပွင့်တွေပါ။ ဒီအောင်သီးအောင်ပွင့်တွေကို မျက်ကွယ်ပြုလို့ မဖြစ်ပါဘူး။ အလွန်လည်း မြင်သာထင်သာတဲ့ အောင်မြင်မှုတွေ ဖြစ်ပါတယ်။ အောင်မြင်မှုတွေလို့ အသိအမှတ်မပြုရင် မှားပါတယ်။ စိန်လွင် နုတ်ထွက်ရတဲ့ သြဂုတ် ၁၂ ရက်နေ့က စပြီး လူထုကြီးဟာ အောက်ပွဲခံစိတ်ဓာတ်တွေ လွှမ်းမိုးနေပါတယ်။ စိန်လွင် မနုတ်ထွက်ခင်က လူထုတိုက်ပွဲကို အထက်အမိန့်အရ မတတ်သာဘဲ ပစ်သတ်နေရတဲ့ အစိုးရ တပ်မှူးတပ်သားတွေလည်း စိတ်လက်ကြည်ရွှင် ပေါ့ပါးလားကြတယ်။ တဖက်နဲ့တဖက် တင်းမာမှုတွေ ပြေငြိမ်းစပြုလာတယ်။ ပြည်သူနဲ့တပ်ဟာ ဗိုလ်ချုပ်အောင်ဆန်း တပ်မတော်ကို ဦးစီးရှေ့ဆောင်စဉ်ကလို ကြည်ကြည်ဖြူဖြူဖြစ်ဖို့ လမ်းစတွေ ပွင့်လာပါတယ်။ နေဝင်း စစ်အုပ်စုရဲ့ တလက်ကိုင်တပ်ဘဝ ချုပ်ငြိမ်းတော့မလို ဖြစ်လာပါတယ်။ မျိုးချစ်တပ်မှူးဟောင်း ၁၅ ဦး ကြေညာချက် - ဗမာ့တပ်မတော် တပ်မှူးဟောင်းများ၏ ကြေညာချက်တွေဟာ အခြေခံအားဖြင့် ကောင်းမွန်ထိရောက်တဲ့ ကြေညာချက်တွေ ဖြစ်ပါတယ်။ အချိန်လည်း မီပါတယ်။ ဒီလမ်းကြောင်းအတိုင်းသာ ဖြစ်ပေါ်တိုးတက်သွားရင် စစ်အစိုးရကို ဖြုတ်ချပြီး ဒီမိုကရေစီ အစိုးရသို့ ငြိမ်းချမ်းစွာ ဖြစ်ပေါ်တိုးတက်သွားမှာ သေချာပါတယ်။ ၂၃၊ ၈၊ ၈၈ မျိုးချစ် တပ်မှူးဟောင်း ၁၅ ဦးရဲ့ တင်ပြချက် ထွက်လာပြီး နောက်တနေ့မှာ စစ်အုပ်ချုပ်ရေး ရုပ်သိမ်းတာပါ။ စစ်အုပ်ချုပ်ရေး ရုပ်သိမ်းလိုက်ရတာကို ခေါင်းမာတဲ့ဂိုဏ်းက လုံးဝ နောက်ဆုတ်သွားတာလို့ အကဲဖြတ်လို့ မဖြစ်ပါဘူး။ သမ္မတ ဒေါက်တာမောင်မောင် က မွန်းလွဲ ၁ နာရီက စပြီး စစ်အုပ်ချုပ်ရေးနဲ့ အရေးပေါ် ကြေညာချက် ရုပ်သိမ်းတယ်လို့ ပြောပါတယ်။ တကယ်က ဒီအရင်ကတည်းက နာရီပိုင်း စောပြီး ဗိုလ်မျိုးညွန့် (စစ်အုပ်ချုပ်ရေးမှူး)က သူ့သဘောနဲ့သူ စစ်အုပ်ချုပ်ရေး ရုပ်သိမ်းပြီးပါပြီ။ တပ်တွေကိုလည်း မိမိစခန်းအသီးသီးသို့ ပြန်ဝင်ခိုင်းပါတယ်။ တပ်မှူးတပ်သားတွေနဲ့ ပြည်သူများ လက်မရွံ့လူသတ်ကောင် စိန်လွင် ပြုတ်ကျသွားလို့ ဝမ်းပန်းတသာ ဖက်လဲတကင်း ဖြစ်နေတာတွေ၊ အရောတဝင် ကြည်ကြည်ဖြူဖြူ ဖြစ်နေတာတွေကို သူတို့စစ်အုပ်စုက မလိုလားပါဘူး။ အန္တရာယ်ရှိလာပြီလို့ မြင်ပါတယ်။ ဒီအတိုင်း လွှတ်ထားရင် စစ်အုပ်စု ခေါင်းမာဂိုဏ်းရဲ့ အမိန့်အာဏာ စစ်တပ် တတပ်လုံးပေါ်မှာ တည်တော့မှာ မဟုတ်ဘူးဆိုတာ သိပါတယ်။ ဒါကြောင့် ပြည်သူနဲ့ အရောတဝင်လုပ်ဖို့ လက်လှမ်းမမီတဲ့ နေရာတွေကို အမြန်ရွှေ့ပစ်လိုက်တာပါ။ စိန်လွင်ရဲ့လမ်းစဉ်က စိန်လွင် သမ္မတ မဟုတ်တော့လို့ ပျောက်ပျက်သွားတာ မဟုတ်ပါဘူး။ စိန်လွင်ရဲ့လမ်းစဉ်က ခပ်ပြတ်ပြတ် အမိန့်ပေး၊ လူများများသတ်၊ ၁ ယောက်သတ်လို့ မငြိမ်ရင် ၁၀ ယောက်သတ်။ မငြိမ်သေးရင် ၁၀၀၊ ၁၀၀၀ သတ်သာသွား။ နောက်ဆုံးမှာ ငြိမ်သွားရမယ်၊ ဝပ်သွားရမယ်၊ ပိပြီး ပြားသွားရမယ်။ စိန်လွင်က သူ့လမ်းစဉ်ကို သူတို့ထဲက (သူ့အထင်) ပျော့ညံ့သူများ၊ အသဲငယ်သူ၊ အသဲကြောင်သူများကြောင့် လမ်းဆုံးအောင် မလုပ်လိုက်ရတာလို့ ယူဆထားပါတယ်။ ထောက်လှမ်းရေးက စိန်လွင်လမ်းစဉ်ကို ကြိုက်ပါတယ်။ နဝတ တက်ခါစက လုပ်လိုက်တာဟာ စိန်လွင်လမ်းစဉ်ပါ။ တစတစ မိမိတို့ စစ်အုပ်စု သြဇာအောက်က တတပ်လုံး လွတ်သွားမှာကို စိုးရိမ်လို့ စစ်တန်းလျားထဲ ပြန်သွင်းတာကို ကျနော်တို့တတွေ သတိမပြုမိခဲ့ပါဘူး။ အောင်မြင်မှုဘက်ကိုသာ အလေးကဲမြင်နေပြီး အခြားဘက်တဖက် ရန်သူရဲ့ ကောက်ကျစ်မှုကို မမြင်မိခဲ့ပါဘူး။ တပြည်လုံးမှာလည်း စစ်တပ်ကို လူထုနဲ့ မဆက်သွယ်နိုင်တဲ့နေရာမှာ ထားပါတယ်။ တပ်ထဲက သူတို့မယုံကြည်သူများကို ရှင်းလင်းပစ်တာတွေ၊ ပြည်သူဆန့်ကျင်ရေးလုပ်ဖို့ သွေးထိုးပေးတာတွေ၊ ဂိုဏ်းဂဏစိတ် သွင်းပေးတာတွေ လုပ်ပါတယ်။ ရာထူးရာခံနဲ့ မြှူဆွယ်ပါတယ်။ ချုပ်ပြီးပြောရင် အာဏာသိမ်းပွဲအတွက် ပြင်ဆင်ပါတယ်။ ရဲဘော် မော်စီတုန်း ပြောခဲ့တဲ့ “နိုင်ငံရေးအာဏာဟာ သေနတ်ပြောင်းထဲက ထွက်တယ်”ဆိုတဲ့ အမှန်တရားကို ဓနရှင် ဒီမိုကရက်များက ပြက်ရယ်ပြုကြပါတယ်။ တချို့ကလည်း နားဝင်မချိုကြပါဘူး။ သွေးဆာနေတဲ့ ဆောင်ပုဒ်လို့လည်း ပြောကြပါတယ်။ ဒါပေမယ့် ဒါဟာ တလောကလုံးဆိုင်ရာ အမှန်တရားပါ။ ဘယ်နေရာမှာမဆို အကျပ်အတည်းကြီးတွေ ဖြစ်လာရင် “သေနတ်ကို ဘယ်သူ အမိန့်ပေးသလဲ?” ဆိုတာက အရေးပါသွားတော့တာပါ။ အမိန့်ပေးနိုင်သူက နိုင်ငံရေးအာဏာပိုင် ဖြစ်သွားတာပါ။ လူထုကိုယ်စားလှယ်များက (ယာယီ အစိုးရခေါ်ခေါ်၊ ကြားဖြတ်အစိုးရခေါ်ခေါ် လူထုကြိုက်အစိုးရက) အမိန့်ပေးနိုင်တာ မဟုတ်ခဲ့ပါ။ ကြားဖြတ်ပြီးတော့ အထူးတင်ပြချင်တာက... (၁) အထက်မှာ တင်ပြခဲ့တဲ့ တင်ပြချက်တွေဟာ အစောပိုင်းက တင်ပြခဲ့သလို အမှန်တရားရှာဖို့၊ နောင်မမှားအောင် သတိပြုဖို့ (စစ်အစိုးရ မပြုတ်မချင်း၊ လူထုတိုက်ပွဲကြီး ပေါ်ဦးမှာပါ။ အဲဒီအခါကျရင် မှန်မှန်ကန်ကန် ကျင့်သုံးဖိုင်ဖို့) အစပျိုးပေးတာ ဖြစ်ပါတယ်။ တိုက်ပွဲဝင်ခဲ့ကြတဲ့၊ နောင်မှာလည်း ဝင်ကြဦးမယ့် အင်အားစု အားလုံးသို့ ညှိနှိုင်းရန် တင်ပြချက် ဖြစ်ပါတယ်။ (၂) စစ်မြေပြင်မှာ ယမ်းခိုးဝမ်းငွေ့တွေ ပြယ်ပြီးမှ အေးအေးလူလူထိုင်ကာ တခွင်တပြင်လုံးကို ကြည့်ရှုသုံးသပ်နိုင်တဲ့ အခြေအနေရောက်မှ (၅ နှစ် ၆ နှစ် ရှိမှ) သုံးသပ်ရတာဖြစ်လို့ ဟိုတုန်းက မမြင်ခဲ့တာတွေ မြင်လာတာ ဖြစ်ပါတယ်။ မသိခဲ့တာတွေ သိလာတာ ဖြစ်ပါတယ်။ အောင်မြင်မှုမှာ မိဘဖြစ်ချင်သူတွေ များပေမယ့် ဆုံးရှုံးမှုမှာ မိဘမဲ့ဖြစ်တတ်တယ်ဆိုတဲ့ ဆိုရိုးစကား ရှိပါတယ်။ ဆုံးရှုံးမှုအတွက် တာဝန်မယူချင်ကြတဲ့သဘောကို တင်စားပြောကြတာပါ။ ကျနော်တို့ကတော့ ခေါင်းမရှောင်ပါဘူး။ တာဝန်ယူစရာရှိတာ အားလုံး တာဝန်ယူပါတယ်။ အစီရင်ခံစာ ဆက်ပါမယ်။ (ဆက်လက် တင်ပေးပါမယ်) “၁၉၈၈ ဒီမိုကရေစီ အရေးတော်ပုံကို ခြုံငုံသုံးသပ် နိဂုံးချုပ်လုပ်ကာ သင်ခန်းစာ ထုတ်ယူရေး” (ပထမပိုင်း) (ဗမာပြည် ကွန်မြူနစ်ပါတီ အထွေထွေအတွင်းရေးမှူး (ယာယီ)၏ နိုင်ငံရေး အစီရင်ခံစာ ၁၉၉၄ ခုနှစ်၊ သြဂုတ်လ ၁၅ မှ) လူထုနဲ့ချီပြီး ပါဝင်တဲ့ လှုပ်ရှားမှုကြီးတိုင်းမှာ အတွေ့အကြုံနဲ့ သင်ခန်းစာတွေ ရှိစမြဲပါ။ ဥပမာအဖြစ် ၁၃၀၀ ပြည့် အရေးတော်ပုံရဲ့ သင်ခန်းစာကို တင်ပြပါမယ်။ ၁၃၀၀ ပြည့် အရေးတော်ပုံဟာ ရည်မှန်းချက် ပန်းတိုင်အရောက် တကြိုးတည်း မချီတက်နိုင်ခဲ့ပါဘူး ဆုံးရှုံးသွားပါတယ်။ ဒါပေမယ့် အရေးကြီးတဲ့ သင်ခန်းစာ နှစ်ခု ရခဲ့ပါတယ်။ ပထမ သင်ခန်းစာက အင်အား အဆမတန်ကြီးမားတဲ့ ခေတ်သစ်နယ်ချဲ့သမားကို အနိုင်တိုက်ဖို့ဆိုရင် တော်လှန်ရေးသဘောတရား လက်နက်တပ်ဆင်ထားတဲ့ စည်းကမ်း တင်းကျပ်တဲ့ တော်လှန်ရေးပါတီတရပ်ရဲ့ ခေါင်းဆောင်မှု ရှိရမယ်။ အမျိုးသားရေးဝါဒ သက်သက်ကို လမ်းညွှန်ထားကာ လျော့ရဲရဲဖွဲ့စည်းထားတဲ့ ပါတီရဲ့ခေါင်းဆောင်မှုနဲ့ တိုက်လို့ မဖြစ်ဘူး ဆိုတာရယ်... ဒုတိယ သင်ခန်းစာက ခေတ်မီစစ်တပ်ကို အသုံးပြုပြီး ဖိနှိပ်အုပ်ချုပ်နေတဲ့ နယ်ချဲ့အစိုးရကို အနိုင်တိုက်ချင်ရင် ခေတ်မီအမျိုးသားတပ်မတော်တရပ် ထူထောင်ရမယ်။ လက်နက်မဲ့ ရင်ဆိုင်လို့ကတော့ အနိုင်မရနိုင်ဘူးဆိုတဲ့ သင်ခန်းစာများ ဖြစ်ပါတယ်။ သခင်အောင်ဆန်းရဲ့ ဂုဏ်ကျေးဇူးဟာ ဒီနှစ်ခု ရှိလာအောင် စတင်ထူထောင်ခဲ့သူတွေထဲမှာ ရှေ့ဆုံးက ပါဝင်ခဲ့တဲ့ ကောင်းမှု ဖြစ်ပါတယ်။ မှန်မှန်ကန်ကန် ခြုံငုံသုံးသပ် နိဂုံးချုပ်ပြီး သင်ခန်းစာကောင်းကောင်းထုတ်ကာ ပြင်ဆင်သင့်တာ ပြင်ဆင်၊ မရှိတာ ရှိအောင်လုပ်နိုင်ရင် နောက်ဆုံးမှာ အောင်မြင်မှု ရလာတာပါပဲ။ ဒါကြောင့်လည်း ဆုံးရှုံးမှုဟာ အောင်မြင်မှုအတွက် မိခင်ဖြစ်တယ်လို့ တင်စားပြီး ပြောကြတာပါ။ ၁၃၀၀ ပြည့် အရေးတော်ပုံ ၁၀ နှစ်ပြည့်မြောက်တဲ့ အခါကျတော့ ကျနော်တို့ ပြည်သူများဟာ အင်္ဂလိပ် နယ်ချဲ့သမားအပေါ် လွတ်လပ်ရေးအောင်ပွဲ ရလိုက်ပါတယ်။ ၁၃၀၀ ပြည့် အရေးတော်ပုံသာ မရှိခဲ့ရင်၊ အဲဒီ အရေးတော်ပုံက ပေးလိုက်တဲ့ သင်ခန်းစာကိုသာ မှန်မှန်ကန်ကန် မထုတ်ယူနိုင်ရင် ၁၉၄၈ မှာ အောင်ပွဲရမှာ မဟုတ်ပါဘူး။ ၁၉၈၈ ဒီမိုကရေစီ အရေးတော်ပုံကိုလည်း ခြုံငုံသုံးသပ် နိဂုံးချုပ်လုပ်ကာ သင်ခန်းစာများ ထုတ်ယူရပါမယ်။ သင်ခန်းစာများကို မှန်မှန်ကန်ကန် ထုတ်ယူနိုင်ရင် စစ်အစိုးရ-စစ်အာဏာရှင်စနစ်နဲ့ စစ်ဗျူရိုကရေစီ ယန္တရားတို့ကို နောက်တချီမှာ တိုက်ဖျက်ပစ်နိုင်ပါလိမ့်မယ်။ ဒီမိုကရေစီအစိုးရစစ်စစ်ကိုလည်း ထူထောင်နိုင်ပါလိမ့်မယ်။ ကျနော်တို့ပါတီက ထုတ်ယူရရှိတဲ့ သင်ခန်းစာကို တင်ပြပါမယ်။ ဒါဟာ ဆွေးနွေးဖို့၊ ညှိနှိုင်းဖို့အတွက် အဆိုတခုကို တင်ပြတဲ့သဘောပါ။ အမှန်တရားကို ဝိုင်းဝန်းရှာဖွေကြဖို့ အစပျိုးပေးတာလည်း ဖြစ်ပါတယ်။ ကိုယ့်ကိုကိုယ် ဝေဖန်ရေးသဘောနဲ့ တင်ပြတာဖြစ်လို့ အမှားနဲ့ ချို့ယွင်းချက်များကိုသာ ဇောင်းပေးပြီး ဖော်ထုတ်တင်ပြမှာပါ။ ၁၉၈၈ ဒီမိုကရေစီအရေးတော်ပုံဟာ ၁၃၀၀ ပြည့် အရေးတော်ပုံနဲ့ နှိုင်းစာရင် လူထုခူတန်းစား လူ့အလွှာများ ပါဝင်မှုဘက်ကပြောပြော၊ စွန့်လွှတ်စွန့်စားရမှု သွေးမြေကျမှုဘက်ကကြည့်ကြည့် အများကြီး ကြီးမားကျယ်ပြန့်ပါတယ်။ ဒီအရေးတော်ပုံကြီး ပေါက်ကွဲလာစေဖို့ ကျနော်တို့ပါတီဟာ အစောကြီးကတည်းက အားထုတ်လုံးပမ်းခဲ့ပါတယ်။ ပါတီရဲ့ သားကောင်းသမီးကောင်း အမြောက်အများကိုလည်း ပေးလှူခဲ့ရပါတယ်။ အရေးတော်ပုံရဲ့ အစ အလယ် အဆုံး တိုက်ပွဲစဉ်များမှာလည်း စွန့်လွှတ်စွန့်စားပြီး ပါဝင်ခဲ့ပါတယ်။ အခြေအနေ အချက်အလက်များ မရင့်မှည့်သေတဲ့ကာလ ဖြစ်တဲ့အတွက် အစောပိုင်းက လှုပ်ရှားမှုများဟာ ကြီးမားကျယ်ပြန့်တဲ့ လှုပ်ရှားမှုကြီးအဖြစ် မရောက်ရှိခဲ့ပါဘူး။ (အခြေအနေ ရင့်မှည့်မှုနဲ့ ပတ်သက်ပြီး အထက်မှာ တင်ပြခဲ့ပြီးပါပြီ။) ၁၉၈၇ ခုနှစ်မှာ ငွေစက္ကူတွေ တရားမဝင် ကြေညာတဲ့အချိန်ကတောင်မှ အုံကြွမှုကြီး ပေါ်ပေါက်မလာခဲ့ပါဘူး။ ဒီလိုအခြေအနေမျိုးမှာတောင်မှ လူထုအုံကြွမှုကြီး ဖြစ်မလာတော့ ဗမာပြည်အရေးကို စောင့်ကြည့် အကဲခတ်နေကြတဲ့ အနောက်တိုင်းက ပညာရှင်တွေက အံ့သြကြပါတယ်။ အခုလိုလည်း သုံးသပ်ကြပါတယ်။ “ရှေ့ဆောင်လှုပ်ရှားမည့် ခေါင်းဆောင် မရှိလို့” “ဘာသာရေး အလွန်ကိုင်းရှိုင်းတဲ့ လူထုဖြစ်လို့ သည်းခံစိတ် မြင့်မားလွန်းလို့” သူတို့တိုင်းပြည်တွေမှာလိုဆိုရင် ဒါမျိုးလုပ်တဲ့အစိုးရ ခုနှစ်ရက် မခံဘူး၊ ပြုတ်ကျတယ် လို့လည်း ပြောကြပါတယ်။ ဗမာပြည်တွင်းက အခြေအနေကို အတွင်းကျကျ မသိလို့ သူတို့ ဒီလို ပြောကြ သုံးသပ်ကြတာပါ။ ၁၉၈၈ မှာ အုံကြွပေါက်ကွဲမှုကြီး ဖြစ်လာတော့မှ သူတို့ အံ့အားသင့်သွားပါတယ်။ သူတို့သုံးသပ်တဲ့ ခေါင်းဆောင်မှု မရှိလို့ ဆိုတာကတော့ တပိုင်းမှန်ပါတယ်။ ဒါပေမယ့် အနှစ်သာရကျကျ စဉ်းစားကြည့်ရင် လူထုအုံကြွမှုကို ခေါင်းဆောင်က အချိန်မရွေး အခြေအနေမရွေး အမြဲတမ်း ဖန်တီးနိုင်တာ မဟုတ်ပါဘူး။ လူထုအုံကြွမှုကသာ ခေါင်းဆောင်ကို ဘယ်အချိန်မှာမဆို ဖန်တီးနိုင်ပါတယ်။ ၁၉၈၈ လူထုအုံကြွမှုကြီးအတွင်းမှာ ခေါင်းဆောင်မှုနေရာကို ရယူဖို့ အားထုတ်သူတွေ မနည်းပါဘူး။ “ဒီမိုကရေစီ ဖခင်ကြီး”လို့ ကိုယ့်ကိုကိုယ် ဖော်ပြီး ထွက်လာတဲ့ ဦးအောင်ကြီး လိုလူတောင် ရှိပါတယ်။ ဒါပေမယ့် လူထုက (လူငယ်-လူကြီး အားလုံးက) တညီတည်းလောက် ရွေးခြယ်ဖန်တီးလိုက်သူက တခြားတယောက် ဖြစ်သွားပါတယ်။ ဘေးမှာ ကွန်မြူနစ်တွေ ဝိုင်းရံနေတယ်၊ ထုတ်ပစ်ရမယ် စသဖြင့် ဦးအောင်ကြီးက သဲနဲ့ပက်တာ လုပ်လာပါသေးတယ်။အခုတလောမှာလည်း နဝတ ဗိုလ်ခင်ညွန့်က ကွန်မြူနစ်တွေက ဝိုင်းရံတဲ့နည်းနဲ့ တင်လို့ ခေါင်းဆောင်ဖြစ်လာတာ၊ နိုင်ငံခြားကသာ အထင်ကြီး ထောက်ခံတာ စသည်စသည်ဖြင့် အပုပ်ချပါတယ်။ ဦးအောင်ကြီးရဲ့ လေကို လိုက်ပြီး ပြောတာပါ။ ဒီစကား စခဲ့သူက ဦးအောင်ကြီးပါ။ ဦးအောင်ကြီးရဲ့ စာစောင်တွေ အားလုံးမှာ မကွယ်မဝှက် ပါနေတဲ့အချက်အရ သူလိုလားတာဟာ စစ်အစိုးရ - စစ်အုပ်စု အာဏာရှင်စနစ် - စစ်ဗျူရိုကရေစီယန္တရားကို ဖျက်သိမ်းရေး မဟုတ်ပါဘူး။ ဦးနေဝင်းက နံပါတ်တစ်အဖြစ် သမ္မတ လုပ်ပြီး သူက ဝန်ကြီးချုပ် လုပ်ချင်တာပါ။ ဗိုလ်တင်ဖေက စိတ်မနှံ့သူ၊ ဝန်ကြီးချုပ် လုပ်ခဲ့ကြတဲ့ ဗိုလ်စိန်ဝင်း၊ ဦးမောင်မောင်ခ၊ သူရဦးထွန်းတင်တို့က အရည်အချင်းမရှိသူတွေ၊ ဂျပန်အစိုးရကလည်း မကြည်ဖြူသူတွေ၊ သူသာ အထိုက်တန်ဆုံးဆိုတာ ပါပါတယ်။ တပ်က ထွက်ပြီး ဖဆပလ ဥက္ကဋ္ဌ လုပ်မယ်ဆိုတော့ ဗိုလ်အောင်ဆန်းက ဗိုလ်နေဝင်းကို ဖယ်ထားပြီး သခင်ဗဟိန်းကို တပ်ရဲ့ ဦးစီးဦးကိုင်အဖြစ် စစ်ဦးစီးချုပ်နေရာ ပေးတော့ သူက မကျေမနပ်ဖြစ်ပြီး ဗိုလ်နေဝင်းဘက်က ရပ်ခဲ့သူပါဆိုပြီး ဗိုလ်နေဝင်းကို မျက်ရည်ခံ ထိုးတာလည်း ပါပါတယ်။ ဗိုလ်နေဝင်းရဲ့ သစ္စာရှိ ကျွန်ယုံတော်ဆိုတာကို ယုံကြည်ပါလို့ ရေးထားတာပါ။ စစ်တပ်က လူထုကို သွေးချောင်းစီးအောင် ပစ်သတ်နေတော့လည်း “တပ်မတော်ကို စိတ်နဲ့တောင် မပြစ်မှားနဲ့” လို့ ပြောခဲ့သူပါ။ အဲဒီလိုလူမျိုးကို လူထုက ခေါင်းဆောင်နေရာ မပေးတာလည်း မဆန်းပါဘူး။ လူထုက သူတို့ကို ခေါင်းဆောင်ပြီး စစ်အစိုးရ - နေဝင်းစစ်အုပ်စုနဲ့ စစ်ဗျူရိုကရေစီ ယန္တရားကို ပြတ်ပြတ်သားသား တိုက်ဖျက်မယ့်သူကိုသာ လိုချင်တာပါ။ သူတို့ကို ခုတုံးလုပ်ပြီး အာဏာကုလားထိုင်မှာ သွားထိုင်မယ့်သူကို မလိုချင်ပါဘူး။ ဦးအောင်ကြီးဟာ ဗမာပြည်ကွန်မြူနစ်ပါတီကို အရိုးစွဲအောင် မုန်းတီးနေသူ၊ ပြီးတော့ ရွံ့ကြောက်ကြီး ဖြစ်နေသူဆိုတာကို ပါတီက သိပါတယ်။ စစ်အစိုးရကို အတိုက်အခံ လုပ်သလိုလိုနဲ့ နိုင်ငံရေး အလံရှူး လုပ်နေတာကိုလည်း သိပါတယ်။ “မင်းမဲ့ဝါဒ ဖြစ်လာပြီ” လို့ဆိုကာ စစ်တပ်အာဏာသိမ်းပွဲလုပ်ဖို့ သူကပဲ စပြီး အချက်ပြခဲ့တယ်ဆိုတာလည်း ပါတီက သိပါတယ်။ ဒါပေမယ့် မဆလ စစ်အစိုးရကို ဖယ်ရှားပစ်ရေးမှာ အားလုံး တလုံးတစည်းတည်း ရှိရေး၊ မကွဲပြဲရေးကို ဦးစားပေးပြီး ပါတီက သည်းခံခဲ့ပါတယ်။ ကျောင်းသားတွေ၊ လူငယ်တွေနဲ့ မြေအောက်ပါတီဝင် တော်တော်များများက ဦးအောင်ကြီးကို ဖွင့်ချချင်ကြတာကိုပင် မလုပ်ကြဖို့ ထိန်းထိန်းသိမ်းသိမ်း လုပ်ခဲ့ပါတယ်။ ဘာကြောင့် ဒီလိုလုပ်သလဲဆိုတော့ ပါတီရဲ့စဉ်းစားချက်က ဂျပန်ဖက်ဆစ်ဆန့်ကျင်ရေး လုပ်တုန်းကလို ကျယ်ပြန့်တဲ့ တပ်ပေါင်းစု ဖြစ်ချင်လို့ပါ။ အားလုံး စုစုစည်းစည်း ဖြစ်ချင်လို့ပါ။ အဲဒီတုန်းက အင်္ဂလိပ်နယ်ချဲ့ လက်ဝေခံ ချပ်သင်းသူဌေး ဦးဘတင်တို့လို အင်္ဂလိပ် အလိုတော်ရိတွေ၊ ကပ္ပတိန် ထွန်းလှအောင်တို့လို လူတွေကိုတောင် စည်းရုံးခဲ့တာပါ။ သူတို့အကူအညီတွေကို ရသလောက် ယူခဲ့တာပါ။ ၁၉၄၅ မှာ ဖဆပလ တရားဝင် ဖွဲ့တော့လည်း ငါးပွင့်ဆိုင်တွေ၊ မျိုးချစ်တွေ၊ ဓားမတွေ အားလုံးပါအောင် စည်းရုံးခဲ့တာပါ။ ပြည်ပက နယ်ချဲ့ဖက်ဆစ်တွေကို တော်လှန်ဖို့ ကျယ်ပြန့်တဲ့ တပ်ပေါင်းစု ဖွဲ့ခဲ့သလို တိုင်းရင်းဖြစ် ဖက်ဆစ်တွေ (စစ်အစိုးရ)ကို တွန်းလှန်ဖို့ ကျယ်ပြန့်တဲ့ တပ်ပေါင်းစု ဖွဲ့ချင်တာဟာ ပါတီရဲ့မူ ဖြစ်ပါတယ်။ စစ်အစိုးရ - စစ်အုပ်စု - စစ်ဗျူရိုကရေစီယန္တရားကို တိုက်ဖျက်ဖို့တာဝန်ဟာ အလွန် ကြီးလေးပါတယ်။ ခက်လည်း ခက်ခဲပါတယ်။ လွယ်လွယ်နဲ့ မဖြစ်နိုင်ဘူးဆိုတာကို ပါတီက သိထားလို့ ကွန်မြူနစ် ဆန့်ကျင်သူများနဲ့တောင်မှ တပ်ပေါင်းစုထဲမှာ အတူနေဖို့ ကြိုးစားခဲ့တာပါ။ ဒါပေမယ့် ကွန်မြူနစ်ဆန့်ကျင်သူများက (သူတို့ခေတ် ရောက်ပြီလို့ အခြောက်တိုက် ထင်နေပြီး) ဗကပ ကို အတင်းဝိုင်းပယ်ချင်နေကြတာပါ။ ဗမာပြည် ဆိုရှယ်လစ်ပါတီရဲ့ အတွေးအခေါ်ရှင်ကြီး ဦးကျော်ငြိမ်း ကတောင် ပျော့ပျော့ ပြောင်းပြောင်း ရှိလာပေမယ့် ဦးအောင်ကြီးက (စစ်အုပ်စုထဲ ပြန်ဝင်ချင်ဇောနဲ့) ဗကပကို ဝိုင်းပယ်နေတာပါ။ ဗိုလ်အောင်ကြီးက စစ်အုပ်စုရဲ့ နံပါတ်နှစ် နေရာကို ပြန်ရနိုးနိုးနဲ့ ဘယ်လိုပဲ မျက်နှာလို အားရ လုပ်နေပေမယ့် သူ့ကို ဗိုလ်နေဝင်းက အသုံးမလိုတော့ပါဘူး။ နဝတ စစ်အုပ်စုဝင် အားလုံးကလည်း သူတို့အပေါ် ဆရာလာလုပ်မယ့်သူကို မလိုချင်ပါဘူး။ ထားရာနေမယ် ဆိုရင်တောင်မှ လက်မခံဝံ့ကြပါဘူး။ နောက်ဆုံးတော့ (သခင်စိုး အလုပ်ခံရသလို) နိုင်ငံရေးသိက္ခာသာမက လူမှုရေးသိက္ခာပါ အချခံရပြီးမှ ဘဲဥမှုနဲ့ ထောင်သွင်းခံရတာပါ။ ၁၉၈၈ ဒီမိုကရေစီအရေးတော်ပုံရဲ့ ပထမဆုံး သင်ခန်းစာဟာ ကြိုတင်ပြင်ဆင်မှု မလုံလောက်တာ ဖြစ်ပါတယ်။ - ကျယ်ပြန့်တဲ့ တပ်ပေါင်းစုကို ကြိုတင်ဖွဲ့မထားနိုင်တော့ တညီတညွတ်တည်းသော အမိန့်ပေးအဖွဲ့ (ညွှန်ကြားရေးအဖွဲ့) မရှိခဲ့တာ။ ခေါင်းဆောင်မှုကို အုံကြွမှု ဖြစ်နေမှသာ ရွေးချယ်နေရတာ။ - သော့ချက်ကျတဲ့ နေရာတွေ၊ တရားဝင် အဖွဲ့အစည်းတွေထဲမှာ မိမိအင်အားစုများကို ကြိုတင်မြှုပ်နှံထားမှု မလုပ်နိုင်တာ - ဒါတွေဟာ ကြိုတင်ပြင်ဆင်မှု မလုံလောက်တာကို ဖော်ပြတာ ဖြစ်ပါတယ်။ ၁၃၀၀ ပြည့် အရေးတော်ပုံတုန်းက အင်္ဂလိပ်နယ်ချဲ့ပေးထားတဲ့ အခြေခံ ဒီမိုကရေစီ အဖွင့်အရေးတွေ ရှိပါတယ်။ ခေါင်းဆောင်မှုပေးရေးနဲ့ပတ်သက်ပြီး စည်းရုံးရေးအပိုင်းမှာ ပြဿနာ မရှိခဲ့ပါဘူး။ သခင်ကိုယ်တော်မှိုင်း အမှူးပြုတဲ့ တို့ဗမာအစည်းအရုံး၊ ကျောင်းသား သမဂ္ဂ၊ အလုပ်သမား - လယ်သမား အစည်းအရုံးများ စသဖြင့် ခေါင်းဆောင်မှုအဖွဲ့များ ဖွဲ့ဖွဲ့စည်းစည်း ရှိပြီးသားပါ။ သတင်းစာကနေပြီး ညွှန်ကြားချက်ထုတ်ရင် တရက်တည်းနဲ့ တပြည်လုံး ပြန့်ပါတယ်။ လံှု့ဆော် ဝါဒဖြန့် လုပ်နိုင်ပါတယ်။ လွတ်လပ်စွာ ရေးသား ပုံနှိပ်ထုတ်ဝေခွင့် တစုံတရာ ရှိပါတယ်။ ၁၉၈၈ မှာ ဒါမျိုး မရှိပါဘူး။ ဂျပန်ဖက်ဆစ်ခေတ်မှာ လုပ်ရတာကျတော့လည်း BDA တပ်တွင်းရှိ မျိုးချစ်ပြည်ချစ် တပ်မှူးများနဲ့ ပါတီဝင် တပ်မှူးတပ်သားများရဲ့ ကူညီပံ့ပိုးမှု ရှိပါတယ်။ သူတို့အကူအညီနဲ့ ဖတပလ ကို ဖွဲ့နိုင်ခဲ့ပါတယ်။ ဂျပန်ရုပ်သေးအစိုးရ ဌာနများရဲ့ အကူအညီနဲ့ တပ်ပေါင်းစုကို တိုးချဲ့နိုင်ပါတယ်။ ၁၉၈၈ မှာတော့ ပြည်တွင်းစစ် ဖြစ်နေချိန်ပါ။ ပါတီဗဟိုကလည်း မြို့တော်နဲ့ အလှမ်းကွာပါတယ်။ တပ်ပေါင်းစုကို မြေအောက်နည်းနဲ့ ဖွဲ့စည်းနေရတာပါ။ တိုက်ပွဲဝင် ပြည်သူတွေကိုယ်တိုင် ဖွဲ့စည်းထားတဲ့ လွတ်လပ်တဲ့ ကျောင်းသား သမဂ္ဂ၊ အလုပ်သမား သမဂ္ဂ၊ တောင်သူလယ်သမား သမဂ္ဂ စသဖြင့် မရှိပါဘူး။ မဆလ က ဖွဲ့ထားတဲ့ အဖွဲ့တွေတော့ ရှိပါတယ်။ ဒီအဖွဲ့တွေဟာ လူထုအုံကြွမှုကြီး အရှိန်မြင့်မားချိန်မှာ တိုက်ပွဲဝင်သူတွေ ဖြစ်လာတတ်ပါတယ်။ ကြိုတင်ပြီး အစီအစဉ်ရှိရှိနဲ့ မိမိအင်အားစုများကို ဒီလို တရားဝင်တည်ရှိနေတဲ့ အဖွဲ့အစည်းတွေမှာ ဝင်ရောက်မြှုပ်နှံထားရပါမယ်။ ကျနော်တို့ မြှုပ်နှံတာ မလုံလောက်ခဲ့ပါဘူး။ ဒီမှာပြောတဲ့ ကျနော်တို့ ဆိုတာဟာ ပါတီသက်သက်ကို ပြောတာ မဟုတ်ပါဘူး။ တိုက်ပွဲကို ပြင်ဆင်တဲ့ အဖွဲ့အစည်းအားလုံးကို ဆိုလိုပါတယ်။ ရန်သူ့စစ်တပ်ထဲမှာ မြှုပ်နှံထားတာဟာ သော့ချက်အကျဆုံးတာဝန် ဖြစ်ပါတယ်။ ရန်သူ့စစ်တပ်ရဲ့ အချို့အစိတ်အပိုင်းကို ပြည်သူတွေဘက် ကူးပြောင်းလာအောင်၊ အများပိုင်းကို ကြားနေလာအောင် စစ်အုပ်စုရဲ့အမိန့်ကို မနာခံသူတွေ ဖြစ်လာအောင် လုပ်နိုင်မှ လူထုတိုက်ပွဲ အောင်မြင်နိုင်မှာ ဖြစ်ပါတယ်။ တပ်ပေါင်းစုလုပ်ငန်းကို လုပ်ရတာဟာ ပါတီယူဂျီများအဖို့ အများကြီး စွန့်စားရပါတယ်။ ရန်သူက ဖော်ထုတ်ပြီး ဖမ်းဆီးသွားခဲ့နိုင်တာတွေ အားလုံးလောက်ဟာ တပ်ပေါင်းစု ဖွဲ့စည်းရေးလုပ်ငန်း လုပ်ရင်းက အစ ရသွားတာပါ။ စကားတခွန်း ပြောဖို့၊ စာတစောင် ပေးဖို့ ပါတီက ဘယ်လောက်ရင်းနှီးခဲ့ရတယ်၊ စွန့်လွှတ်စွန့်စားရတယ်ဆိုတာကို ပေါ်လွင်အောင် တင်ပြနေတာပါ။ ဒီလို စွန့်လွှတ်စွန့်စားခဲ့ရတာတွေအတွက် နောင်တရနေမှာ မဟုတ်ဘဲ ဂုဏ်ယူနေတာ ဖြစ်ပါတယ်။ ၁၉၈၀-၈၁ ကစပြီး “ပါတီစုံဒီမိုကရေစီ” ကြွေးကြော်သံ ထုတ်ပြန်ခဲ့စဉ်ကတည်းက စတင်ပြီး လုပ်ငန်းတွေ လုပ်ဆောင်ခဲ့တာဖြစ်ပေမယ့် လူထုအုံကြွမှုကြီးကို ခေါင်းဆောင်မယ့် ခေါင်းဆောင်မှုအဖွဲ့ကို ၁၉၈၈ အထိ တူတူတန်တန် မဖွဲ့နိုင်ခဲ့ပါဘူး။ စစ်အစိုးရကို ဆန့်ကျင်တဲ့ လူထုအုံကြွမှုကြီး ဖြစ်ကိုဖြစ်လာရမယ်ဆိုတဲ့ မုချသဘောကို ပါတီက သိရှိနိုင်ပါတယ်။ ဒါပေမယ့် ဘယ်အချိန်မှာ ဘာကိုအကြောင်းပြုပြီး ဘယ်နေရာမှာ ဖြစ်လာမလဲဆိုတဲ့ ရှောင်တခင်သဘော (ကြုံကြိုက် တိုက်ဆိုင်မှုသဘော)ကိုတော့ မသိနိုင်ပါဘူး။ ၁၉၈၈ ခုနှစ်၊ မတ်လမှာတော့ ဒါဟာ လူထုအုံကြွမှုကြီးရဲ့ အစဆိုတာ တွက်ချက်လို့ ရပါပြီ။ အဲဒီအချိန် ရောက်သည်အထိ ခေါင်းဆောင်မယ့် ကျယ်ပြန့်တဲ့ တပ်ပေါင်းစု အမြုတေ ဖွဲ့လို့မပြီးသေးပါဘူး။ လှုပ်ရှားမှုကြီးကို ခေါင်းဆောင်မယ့် တပ်ပေါင်းစု မရှိတော့ တညီတညွတ်တည်းသော ခေါင်းဆောင်မှု မပေးနိုင်ဘဲ တယောက်တပေါက်ဖြစ်ကာ စည်းလုံးမှု ပျက်ပြားစေပါတယ်။ ရန်သူက ဝင်ပြီး သပ်လျှိုသွေးခွဲနိုင်ဖို့ ရေခံမြေခံ ဖန်တီးပေးသလို ဖြစ်ရပါတယ်။ “ယာယီအစိုးရ ဖွဲ့စည်းရေး” ကြွေးကြော်သံကို လက်တွေပအကောင်အထည်ဖော်ဖို့ အခြေအနေတရပ် ဖြစ်ပေါ်လာတော့ ပိုပြီး ကသောင်းကနင်း ဖြစ်ကုန်ပါတယ်။ တစုတစည်းတည်းသော ခေါင်းဆောင်မှုအဖွဲ့ ရှိနေပြီး တညီတညွတ်တည်းသော ရှေ့ဆောင်မှုကိုသာ ပေးနေနိုင်ခဲ့ရင် ဒါမျိုး မဖြစ်နိုင်ပါဘူး။ သန္နိဋ္ဌာန် ပြတ်သားခိုင်မာမှုနဲ့ စွန့်လွှတ်စွန့်စားမှုတွေဘက်မှာ လုံးဝ ပြည့်စုံပါတယ်။ တိုက်ပွဲဝင် ကျောင်းသားလူငယ်တွေနဲ့ လုပ်သားပြည်သူတွေဟာ အံ့သြလေးစားဖွယ် ကောင်းအောင် စွန့်စွန့်စားစား တိုက်ပွဲဝင်ခဲ့ပါတယ်။ တပြည်လုံး အုံးအုံးကြွက်ကြွက် အုံကြွလာခဲ့တာ ဖြစ်ပါတယ်။ ဒါပေမယ့် ကြိုတင်ပြင်ဆင်မှု မလုံလောက်တဲ့အတွက် တပြည်လုံးအနေနဲ့ တိုက်ပွဲကြီး တခုလုံးဟာ အလိုအလျောက်သဘော ဖြစ်နေပါတယ်။ တိုက်ပွဲဝင် အဖွဲ့အစည်းတွေ ထပ်နေပါတယ်။ ဦးတည်ရန်သူကို တဖက်က တိုက်ရင်း တဖက်က ခေါင်းဆောင်မှုကို အောက်ခြေလူထုက ရွေးချယ်နေရတာပါ။ ၁၉၉၀ ရွေးကောက်ပွဲကျမှပဲ လူထုကြိုက် အဖွဲ့အစည်းနဲ့ ခေါင်းဆောင်မှုအဖွဲ့ကို ပြတ်ပြတ်ထင်ထင် ရှိခဲ့တာ ဖြစ်ပါတယ်။ ဒုတိယ သင်ခန်းစာလို့ ကျနော်တို့ ယူဆတာကတော့ တွေးခေါ်မြော်မြင်မှုအပိုင်းမှာ ရှုတ်ထွေးခြင်းနဲ့ မှားယွင်းသော စိတ်ကူးစိတ်သန်းများ ထားရှိခြင်း ဖြစ်ပါတယ်။ (ဆက်တင်ပေးပါ့မယ်) Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource On 88 Uprising - Report (Last) by Burmese Communist Party (1994) Subject The topic of the resource BCP Description An account of the resource “၁၉၈၈ ဒီမိုကရေစီ အရေးတော်ပုံကို ခြုံငုံသုံးသပ် နိဂုံးချုပ်လုပ်ကာ သင်ခန်းစာ ထုတ်ယူရေး” [ဗမာပြည် ကွန်မြူနစ်ပါတီ အထွေထွေအတွင်းရေးမှူး (ယာယီ)၏ နိုင်ငံရေး အစီရင်ခံစာ ၁၉၉၄ ခုနှစ်၊ သြဂုတ်လ ၁၅ မှ] 88 Uprising BCP https://moemaka.net/omeka2/files/original/feb404a4db54665e6167b8b0ef558990.jpg 2f3e993f488e4e15a029c22b620f510b https://moemaka.net/omeka2/files/original/ea3a40611cb75203886a29c3b0200261.jpg fae41d6e8ab7fda21770e4103c0ad7ce Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Burmese 100 Year People Subject The topic of the resource 20th Century Icons Description An account of the resource Burmese 100 Year People - 20th Century Icons Person An individual. Birth Date 1932 Birthplace Mandalay Death Date 1988 Occupation Activist Biographical Text ဦးစောလွင်(၁၉၃၂-၁၉၈၈) တက္ကသိုလ်မောင်စောလွင် မန္တလေးတက္ကသိုလ်ကျောင်းသားများသမဂ္ဂဥက္ကဌ(၁၉၅၇-၅၈) ၂ ဩဂုတ် ၁၉၈၈ နံနက်ပိုင်းတွင် ကွယ်လွန် ။ မန္တလေးတက္ကသိုလ်ကျောင်းသားများသမဂ္ဂ(မတကသ)၏ ရွေးကောက်ပွဲမှာ လွန်ခဲ့သောနှစ်များက ကျောင်းသားညီညွတ်ရေးတပ်ဦးနှင့် ဒီအက်စ်အို နှစ်ဖွဲ့တည်းသာ ယှဉ်ပြိုင်ကြခဲ့ရာမှ ၁၉၅၇ ခုနှစ်တွင် ရဲခေါင်နှင့် တသီးပုဂ္ဂလ ၂ ဖွဲ့ ထပ်တိုးလာပြီး အဖွဲ့ ၄ ဖွဲ့ ယှဉ်ပြိုင်အရွေးခံရခြင်းဖြစ်သည်။ တပ်ဦး ကိုစောလွင် ၈၆၃၊ ဒီအက်စ်အို ကိုရှဖီး ၃၇၃၊ ရဲခေါင် ကိုကိုလေး ၅၅၊ တသီးပုဂ္ဂလ ကိုအောင်သန်း ၇၃ မဲ ဖြစ်သည်။ မဲပေးနိုင်သူပေါင်း ၁၉၁၇ ရှိသည့်အနက် ၁၃၉၅ မဲပေးကြပြီး ကိုစောလွင်မှာ ၈၆၃ မဲဖြင့် (၁၉၅၇-၅၈) မန္တလေးတက္ကသိုလ်ကျောင်းသားများသမဂ္ဂ ဥက္ကဌ ဖြစ်လာသည်။) Bibliography ကိုစောလွင်နဲ့ကျနော် ရေးသူ- ဖိုးသံ(လူထု) ကျနော်တို့ လူထုသတင်းစာတိုက်မှာ စစ်ပြီးကာလကစပြီး ၆ဝစုနှစ်ပိုင်းအထိ စာအုပ်လည်းရောင်း ပါတယ်။ အစောပိုင်းကဆိုရင် လူထုတိုက်ထုတ်စာအုပ်တွေသာမက စာပေဗိမာန်တိုက်ထုတ် စာအုပ်တွေနဲ့ အနောက်နိုင်ငံကထုတ်တဲ့ မဂ္ဂဇင်း၊ ဂျာနယ်၊စာအုပ်တွေလည် ရောင်းပါတယ်။ နောက်မှာတော့ အနောက်နိုင်ငံက ထုတ်တဲ့စာအုပ်တွေ မတင်တော့ပဲ ဆိုဗီယက်ယူနီယံနဲ့ တရုတ်ပြည်ကထုတ်တဲ့ စာအုပ်တွေရောင်းပါတယ်။ စာအုပ်ဆိုင်တိုင်းမှာ ပုံမှန်စာအုပ်လာဝယ်သူတွေ ရှိစမြဲပါ။ ကျနော်ငယ်ငယ်တုန်းက ကျောင်းအားရင် အောက်ထပ်ဆင်း၊ စာအုပ်ရောင်းသူကို ဆော့ရင်းကူ၊ ကူရင်းဆော့ ဆိုသလို တခါတလေဘောက်ချာ(အင်္ဂလိပ်လို၊ ဗမာလို) ကူရေးပေး၊ စာအုပ်သစ်တွေရောက်လာရင် ကူပြီးစင်ပေါ်တင်ပေး၊ စတာတွေလုပ်ပေးလေ့ရှိပါတယ်။ အဲဒီလိုနေရင်းနဲ့ပဲ ကျနော်တို့ စာအုပ်ဆိုင်ကို ပုံမှန်လာပြီး ဝယ်သူတွေထဲမှာ လူငယ်အမျိုးသားတယောက်နဲ့ အမျိုးသမီးတယောက်တို့ကို သတိထားမိနေပါတယ်။ လူငယ်လို့ သာဆိုတာ၊ အဲဒီတုန်းက ကျနော့်ထက် အသက်အများကြီးကြီးပါတယ်။ သူတို့နှစ်ယောက်စလုံးဟာ တက္ကသိုလ် ကျောင်းသားတွေဖြစ်ပြီး နှစ်ယောက်စလုံး မျက်မှန်တပ်ကြပါတယ်။ တကယ့်စာသမား၊ စာဂျပိုးပုံတွေပါ။ ကျနော်သတိထားမိတာ သူတို့ချင်းလည်းသိကြပြီး သူတို့နှစ်ယောက်စလုံးဟဟာ ကျနော့်မိဘများနဲ့လည်း ရင်းရင်းနှီးနှီး သိကြရုံမက တွေ့တိုင်း သူတို့ရဲ့ မိဘတွေ သာကြောင်းမာကြောင်း မေးလေ့ဖြေလေ့ ရှိကြပါတယ်။ ဒါဟာ ၁၉၅၆-၅၇ ဆီလောက်က ဖြစ်ပါလိမ့်မယ်။ အတိအကျတော့ မမှတ်မိတော့ပါဘူး။ အဲဒီ နှစ်ယောက်ထဲမှာ အမျိုးသမီးရဲ့ နာမည်က မခင်အေးမွန်ဖြစ်ပြီး အမျိုးသားနာမည်က ကိုစောလွင်ဖြစ် ပါတယ်။ နောင်မှာ မခင်အေးမွန်က မန ္တလေးတက္ကသိုလ် ကျောင်းသား သမဂ္ဂအမှုဆောင်အဖွဲ့ဝင်ဖြစ် လာပြီး ကိုစောလွင်ကတော့ ၁၉၅၈-၅၉ခုနှစ် မန ္တလေးတက္ကသိုလ် ကျောင်းသားသမဂ္ဂမှာ ဥက္ကဋ္ဌဖြစ်လာခဲ့ပါတယ်။ ကျနော်အခုရေးပြမှာ ကိုစောလွင်အကြောင်းဖြစ်ပါတယ်။ မန ္တလေးတက္ကသိုလ် ကျောင်းသားများသမဂ္ဂဥက္ကဋ္ဌ၊ လူထုသတင်းစာအယ်ဒီတာအဖွဲ့ဝင်စတာ တွေဖြစ် ဖူးတဲ့၊ စာရေးဆရာတက္ကသိုလ်မောင်စောလွင် ခေါ် ကိုတောလူပါ။ သူ့အိမ်က မန ္တလေးရှမ်းပွဲရပ်မှာ ဖြစ်ပါတယ်။ တံတားဦး (အင်းဝ) အဆက်တွေပါ။ သူ့ရဲ့ စိန်ပီတာကျောင်းသားဘဝ နာမည်က ပီတာဘသန်းပါ။ ဒါကြောင့် ကျနော်နဲ့ လူထုကိုစိန်ဝင်းက သူ့ကို "ကိုပီ" လို့ခေါ်လေ့ ရှိကြပါတယ်။ အသားဖြူဖြူ၊ အရပ်မြင့်မြင့်- ငါးပေရှစ်လက်မ၊ ကိုးလက်မလောက်။ မျက်နှာသွယ်သွယ်၊ ဆံပင်က သခင်ဗဟိန်းလို လှိုင်းတွန့်လေးတွေနဲ့။ စကားပြောရင် လေအေးအေးနဲ့ ပြုံးပြီး ပြောတတ်သူ။ အထက်မှာ ကျနော်သူ့ကို စတွေ့ဖူးခဲ့ပုံကို ပြောပြပြီးပါပြီ။ ဆက်ရရင် နောက်မှာတော့ သူက ကျနော်တို့ လူထုသတင်းစာတိုက်ရဲ့ အယ်ဒီတာ အဖွဲ့ထဲမှာ ဝင်လုပ်ပါတယ်။ ကျနော်မှတ်မိသလောက်ဆိုရင် အဲဒီခေတ်က ကျောင်းသားလှုပ်ရှားမှုထဲမှာ တက်တက်ကြွကြွပါဝင် လှုပ်ရှားသူ အများအပြားဟာ လူထုတိုက်ကို စာအုပ် ဝယ်ရင်းဖြစ်စေ အလည်လာရင်းဖြစ်စေ၊ ဝင်ထွက် သွားလာလေ့ရှိကြပါတယ် (ဒါကိုပဲ အဲဒီတုန်းက ဖဆပလ အစိုးရက လူထုဇနီးမောင်နှံဟာ ကျောင်းသားတွေကိုသွေးထိုးပေးတယ်၊ အရောင်ဆိုးပေးတယ်လို့ အညှိုးထား၊ လက်စားချေခဲ့ပါတယ်)။ အဲဒီလို ကျောင်းသားတွေထဲမှာ ကိုသာနိုး (မန ္တလေးတက္ကသိုလ် ကျောင်းသားများသမဂ္ဂ ဥက္ကဋ္ဌဟောင်း)၊ ကိုမြင့်သိန်း(မန ္တလေးတက္ကသိုလ် ကျောင်းသားများသမဂ္ဂ အမှုဆောင်ဟောင်း)၊ ကိုစောလွင် (မန္တလေး တက္ကသိုလ်ကျောင်းသားများ သမဂ္ဂဥက္ကဋ္ဌဟောင်း)၊ ကိုကျော်စိုး (တပ်ဦးသစ်အဖွဲ့ဥက္ကဋ္ဌဟောင်း)၊ ကိုခင်မောင်လွင် (မော်လမြိုင် ကောလိပ် ကျောင်းသားများ သမဂ္ဂဥက္ကဋ္ဌဟောင်း) နဲ့ ကိုစွမ်းရည် (မန ္တလေး တက္ကသိုလ် ကျောင်းသားများသမဂ္ဂ တွဲဖက်အတွင်းရေးမှူးဟောင်း) ၊ မန ္တလေးခရိုင် ဗကသ အမှုဆောင် ကို(ဂလိ) တင်ဝင်း တို့ဟာ လူထုအယ်ဒီတာ အဖွဲ့ဝင်တွေတောင် ဖြစ်ဖူးကြပါတယ်။ ဒါ့အပြင် တခြားကျနော်မေ့တာ၊ မသိတာတွေလည်း ကျန်ကောင်း ကျန်နိုင်ပါသေးတယ်။ သူ မတကသ (မန ္တလေးတက္ကသိုလ်ကျောင်းသားများသမဂ္ဂ) ဥက္ကဋ္ဌဖြစ်တဲ့ ကာလတွေတုန်းက ကျောင်းသား သမဂ္ဂတွေဟာ တိုင်းပြည်မှာ အရှိန်သြဇာ အလွန်မြင့်မားပါတယ်။ အုပ်စိုးသူများကလည်း တလေးတစား ဆက်ဆံသလို မီဒီယာများကလည်း အလွန်အလေးထားကြပါတယ်။ မန ္တလေးတက္ကသိုလ်ကို ရန်ကုန်တက္ကသိုလ် လက်အောက်ကခွဲထုတ်ပြီး သီးခြားတက္ကသိုလ်အဖြစ် အသိအမှတ်ပြု ဖွဲ့စည်းခဲ့တာကို ကြိုဆိုကြတဲ့ သီးခြားတက္ကသိုလ် ပွဲတော်ကြီးကို မတကသ ကဦးစီး ကျင်းပခဲ့ပါတယ်။ အဲဒီနောက် ပထစ အစိုးရတက်တော့ ဝန်ကြီးချုပ်ဦးနုဟာ ပညာရေးနှီးနှောဖလှယ်ပွဲကြီးကို ကျင်းပပေးခဲ့ပြီး သမဂ္ဂခေါင်းဆောင် တွေနဲ့ အစိုးရတာဝနရှိသူတွေ တက်ရောက် အမြင်ဖလှယ်ခဲ့ကြပါတယ်။ အမျိုးသားဒီမိုကရေစီအဖွဲ့ချုပ်က ထောင်ထဲမှာ ကွယ်လွန်သွားတဲ့ ကိုတင်ရွှေ(မုံရွာ) ဟာ ကိုစောလွင် ဥက္ကဋ္ဌလုပ်ခဲ့တဲ့ သမဂ္ဂမှာ အမှုဆောင်အဖွဲ့ဝင် (အတွင်းရေးမှူး ထင်ပါတယ်) တဦးပါ။ သူတို့ခေတ်မှာပဲ တရုတ် - ဗမာ ကျောင်းသားတွေ အပြန်အလှန် ချစ်ကြည်ရေး လည်ပတ်တဲ့ အစီအစဉ်လုပ်တော့ မန ္တလေးတက္ကသိုလ်က သူနဲ့ မုံရွာကိုတင်ရွှေ၊ ရန်ကုန်က ဗကသကိုသက် (တောထဲမှာ ကွယ်လွန်သွားသူ)နဲ့ ကိုစိုးသိန်း (မဆလလက်ထက်မှာ တက္ကသိုလ်မော်ကွန်းထိန်း ရာထူးယူသွား သူ) စသူတို့ လိုက်ပါသွားခဲ့ပါတယ်။ ကိုစောလွင်ရဲ့ ထူးခြားချက်တခုက သူဟာဘယ်သူနဲ့ပဲတွေ့တွေ့၊ စကားပြောပြော အင်မတန်နှိမ့်ချပြီး အားနာတတ်တာဖြစ်ပါတယ်။။ ဆင်းရဲသူ ဆင်းရဲသားတွေနဲ့ ပဲဖြစ်ဖြစ်၊ အမျိုးသမီးတွေနဲ့ ပဲဖြစ်ဖြစ်၊ နောက်ဆုံး ကျနော်တို့လို ကလေးတွေနဲ့ပဲ ဖြစ်ဖြစ်ဆက်ဆံရာမှာ သူ့မာနကို နှမ်းတစေ့မှ မတွေ့ရပါဘူး။ သူ့အကြောင်း မသိသေး သူတွေကတော့ လူပုံကသန့်၊ စာတွေအများကြီး ဖတ်ထားသူမှန်းလည်း သူ့ကိုသိ နေကြပေမဲ့ သူက သူမသိရင်၊ နားမလည်ရင် နည်းနည်းမှ ဟန်မဆောင်ပဲ မေးတာကို ကြုံရလို့ အံ့သြကြရတာလည်း ခဏခဏပါ။ ဒါ့အပြင် သူ့ထက်ငယ်သူတွေအပါ၊ သူများတွေကို ချီးကျူးစရာရှိရင် မချွင်းမချန်၊ ရက်ရက်ရောရောကြီး ချီးကျူး တတ်တာဟာလည်း သူ့ရဲ့ ထူးခြားချက်ပါပဲ။ ကွယ်လွန်သူ ကဗျာဆရာကြီးများဖြစ်တဲ့ ကိုတင်မိုးနဲ့ ကိုကြည်အောင်တို့ကို သူအဲဒီလို ရက်ရက်ရောရော ချီးကျူးခဲ့လို့ သူ့အပေါ် တချို့က မကြည်မလင် ဖြစ်ခဲ့ကြဖူးပါတယ်။ သရော်တာ၊ တိုက်ခိုက်တာတွေလည်း လုပ်ကြပါတယ်။ သူကဒါတွေကို ဘာမှမ တုန့်ပြန်ပါဘူး။ ဒီလိုနဲ့ သူရေးတာ မမှားကြောင်း သမိုင်းက သက်သေပြသွားလေတော့ ဒီကိစ္စဟာ မေ့မေ့ ပျောက်ပျောက်ဆိုတာ မျိုးပဲ ဖြစ်သွားခဲ့ပါတယ်။ နောက်သူ့ထူးခြားချက်တခုကတော့ လောဘနည်းတာပါ။ ဆေးလိပ်မသောက်၊ အရက်မသောက်တာလောက် မကပဲ စီးပွားရေးလုပ်ရင် သူများအပေါ်က အညွန့်ခူးသလိုဖြစ်မှာစိုးလို့ ဆိုပြီး ဘာစီးပွားရေးမှ မလုပ်ပါဘူး။ အစိုးရအလုပ်ကျတော့လည်း ဒီအစိုးရတွေကိုတော့ ဘယ်လိုမှအလုပ်အကျွေး မပြုဘူးဆိုပြီး သူက စဉ်းစားတောင် မစဉ်းစားပါဘူး။ (တကယ်တော့ သူကလုပ်ချင်တယ် ဆိုဦးတော့ ဟိုက အလုပ်ပေးမယ် မထင်ပါဘူး)။ သူမက်မောတာ၊ လိုချင်စိတ်ရှိတာဟာ စာအုပ်နဲ့ စာအုပ်ပါပဲ။ သူ့တသက်မှာတခါလို့ ပြောရလောက်အောင် စီးပွားရေးလုပ်ခဲ့တာက မန ္တလေးတက္ကသိုလ် နဲ့ မဝေးတဲ့ ဗောဓိကုန်းမြောက်ဖျားနားမှာ "အရှေ့လေ" ဆိုတဲ့ စာအုပ်အငှားဆိုင် ဖွင့်ခဲ့တာစပါပဲ။ ကြာကြာမခံ လိုက်ပါဘူး။ တနှစ်တောင် မခံလိုက်ဘူး ထင်ပါတယ်။ သူ့မှာရှိတဲ့ စာအုပ်ကောင်းလေးတွေ တချို့ဆုံးကုန်တာပဲ အဖတ်တင်ပါတယ်။ ဒါပေမဲ့ သူ့မှာ ကံကောင်းတဲ့ အချက်တချက် ရှိခဲ့ပါတယ်။ အဲဒါကတော့ သားသမီးကိုးယောက်နဲ့ အိမ်ထောင်ကြီးတခုလုံးကို ကျွေးမွေးသုတ်သင်ပြီး ကလေးတွေကို လူလားမြောက်တဲ့အထိ ပညာသင် ပြုစုတဲ့ အလုပ်အားလုံးကို တာဝန်ယူကုန်းရုန်း လုပ်ပေးခဲ့တဲ့ သူ့မိခင်ကြီး ဒေါ်ထိုက်ထိုက်နဲ့ ချစ်ဇနီး ဒေါ်စိန်စိန်ရီတို့ရဲ့ ပါရမီဖြည့် ခြင်းပဲဖြစ်ပါတယ်။ သူကတော့ သူလုပ်ချင်ရာ၊ ဝါသနာပါရာကိုပဲ တသက်လုံး တစိုက်မတ်မတ် လုပ်သွားတယ်လို့ ဆိုနိုင်ပါတယ်။ သူက ဝင်ငွေသာမရှာတတ်တာ သုံးတော့သုံး တတ်ပါတယ်။ မကြာခဏ ဆိုသလို အမေနဲ့ ဇနီးဆီကငွေကို ဆွဲပြီး ချို့တဲ့တဲ့၊ လိုအပ်နေတဲ့ ရဲဘော်တွေ၊ အပေါင်းအသင်းတွေကို ပေးတာပါပဲ။ ငယ်ရွယ်စဉ်တုန်းက ကျောင်းသားအရေး လုပ်ငန်းတွေထဲမှာ တဘဝလုံးနှစ်ပြီး လုပ်ပါတယ်။ သူဟာ ကျောင်းက အထုတ်ခံရပြီး ဘွဲ့မရခဲ့ပါဘူး၊ နောက်တော့ ဆရာကြီးသခင်ကိုယ်တော်မှိုင်း၊ ဗိုလ်ချုပ်ကျော်ဇောတို့နဲ့ ပြည်တွင်းငြိမ်းချမ်းရေး လုပ်ငန်းတွေကို တက်တက်ကြွကြွလုပ်ပါတယ်။ နောက် အထက်ဗမာနိုင်ငံ စာရေးဆရာ အသင်း တက်ကြွစွာ လှုပ်ရှားနေနိုင်တဲ့ ကာလတွေမှာ အသင်းလုပ်ငန်းတွေကို ကုလားထိုင်စီတာကနေ ပတ်စာခွာ ဖျာသိမ်းတဲ့အထိ လုပ်ပါတယ်။ ဒါ့အပြင် မြေအောက်လုပ်ငန်းတွေကိုလည်း သူတတ်နိုင်သလောက် ကူညီခဲ့ပါတယ်။ ဒါကြောင့် သူ့ဘဝမှာ သူ့ဖို့ဆိုလို့ စာဖတ်တာပဲ လုပ်တယ်လို့ ဆိုရမှာပါ။ သူ့ဘဝရဲ့ နောက်ဆုံးပိုင်း နားရောက်တော့ သူအားတက်သရော လုပ်ခဲ့တဲ့ လုပ်ငန်းတွေထဲမှာ မင်းကွန်းဆရာတော်ဘုရားကြီးရဲ့ တိ-နိ သာသနာ့ တက္ကသိုလ် လုပ်ငန်းတွေလည်း ပါပါတယ်။ သူ့အမေက သူ့ကို မန ္တလေးက မလွန်ရပ်ထဲမှာ တိုက်ကလေးတလုံး ပေးထားပါတယ်။ အဲဒီတိုက်ကလေး ရဲ့ နောက်ပိုင်းမှာလည်း တိုက်ခန်းလေးတွေရှိပါတယ်။ အဲဒီတိုက်ခန်းလေးတွေထဲမှာ ကိုသာနိုးနဲ့ ကိုလေးမောင်၊ ကိုအောင်ငြိမ်းစတဲ့ ကျနော်တို့ရဲဘော်တွေ နေကြပါတယ်။ နောက်ပြီး မြေအောက်လုပ်ငန်းတွေ၊ အစည်းအဝေး လေး တွေလည်း လုပ်ကြပါတယ်။ ကျနော့် တဦးချင်းအနေနဲ့ သူ့ကိုမမေ့နိုင်တဲ့ အချက်တချက်တွေထဲမှာ ကျနော် ထောင်ကထွက်လာတဲ့ အချိန်တုန်းက သူ့ရဲ့ကြိုဆိုမှုလည်း ပါဝင်ပါတယ်။ လူတွေဟာ ကိုယ်ထောင်ထဲမှာ အကြာကြီးနေပြီးနောက် ထွက်လာတဲ့အခါ ကိုယ့်အပေါ်ကို ဘယ်သူတွေက ဘယ်လိုဆက်ဆံတယ်၊ ပြောဆိုတယ်ဆိုတာကို အင်မတန် ဂရုစိုက် သတိထားတတ်ပါတယ်။ မှတ်လည်းမှတ်မိနေမိပါတယ်။ ကျနော့်ခေါင်းထဲမှာ ကျနော်ထောင်က လွတ်လာစတုန်းက လာတွေ့သူတွေ၊ ပြောဆိုကြတာတွေ၊ မျက်ရည်ကျကြတာတွေကို အခုအချိန်အထိ မနေ့တနေ့ ကလိုပဲ ကောင်းကောင်း မှတ်မိနေပါတယ်။ ဥပမာဆိုရင် ကျနော့် မိဖများနဲ့ အင်မတန်ရင်းတဲ့၊ ဗိုလ်အောင်ကြီးနဲ့ ပတ်သက်ပြီးအဖမ်းခံခဲ့ရတဲ့ ဂါးဒီးယန်း ဦးစိန်ဝင်းက ကျနော့်မိဘများဆီကို လာလည်ရင်း ကျနော့်ကို တမင်မေးပြီး တွေ့တဲ့အခါမှာ "အေး၊ မင်းနဲ့ ငါနဲ့ အယူအဆ ချင်းတော့မတူဘူးပေါ့ကွာ၊ ဒါပေမဲ့မင်း မူပေါ်မှာ ကြံ့ကြံ့ခိုင်ရပ်ခဲ့တာကိုတော့ ငါ အသိအမှတ် ပြုပါတယ်၊ ကွန်ဂရက်ကျူလိတ်လုပ်ပါတယ်" လို့ ပြောခဲ့တာမျိုးပါ။ နောက်ပြီး တုန်တုန်ရီရီနဲ့ "ငါ့သားကြီးပြန်လာပြီ" လို့ပြောပြီး မျက်ရည်တွေ တပေါက်ပေါက်ကျရင်း ပြုံးကြည့်နေတဲ့ ကျောက်ဆည်ဒေါ်မြရီ ရဲ့ မျက်နှာ (သူ့သား ကိုစိုးသိန်းနဲ့ ကျနော်က တက္ကသိုလ်ကို အတူရောက်ကြတာပါ)။ မန ္တလေးက ချမ်းမြသာစည် လေယာဉ်ကွင်းမှာ လေယာဉ်ထဲက ထွက်လိုက်တယ်ဆိုတာနဲ့ တွေ့လိုက်ရတဲ့ အမေ့အဖေ ကျနော့် အဖိုးခေါင်းဆောင်ပြီး ကျနော်ကို လာကြိုနေကြတဲ့ ကျနော့်ဦးလေး၊ အဒေါ်နဲ့ ညီအစ်ကို မောင်နှစ်မ အရင်း၊ တဝမ်းကွဲတွေအပါ စုစုပေါင်းလူနှစ်ကျိပ် လောက်ရဲ့ မျက်နှာတွေ။ အဲဒါတွေအပြင် တချို့ တိုးတိုးတိတ်တိတ် လာနှုတ်ဆက်ကြပုံတွေကလည်း စိတ်လှုပ်ရှားစရာ ကောင်းပါတယ်။ ဒီလိုနဲ့ ကျနော်အိမ်ပြန်ရောက်ပြီး ၂ရက်၊ ၃ရက်အကြာမှာ ကျနော်တို့ အိမ်အနားက ကိုတင်ဝင်းက ကျနော့်ကို "ဖိုးသံချောင်း၊ မင်းဒီနေ့ည ငါ့အိမ်မှာလာ ထမင်းစားကွာ၊ မင်းကို ငါနဲ့ ကိုစောလွင်က ထမင်းကျွေးမလို့" လို့လာပြောပါတယ်။ အဲဒီတုန်းက မန ္တလေး အတိုက်အခံ နိုင်ငံရေးသမားများ လောကမှာ တင်ဝင်းနှစ်ယောက် ရှိပါတယ်။ ဒါကြောင့် အထက်မှာပြောခဲ့တဲ့ အခု ပန်းချီဆရာ၊ ဒါရိုက်တာ ကိုဝင်းဖေရဲ့ညီ၊ ဆရာကြီး ရွှေပြည်ဦးဘတင်ရဲ့သား ကိုတင်ဝင်းကိုတော့ "ဂလိစာစောင်" ထုတ်ခဲ့တာ အကြောင်း ပြုပြီး "ဂလိကိုတင်ဝင်း" လို့ခေါ်ပါတယ်။ အခုတော့ ကွယ်လွန်သွားရှာပါပြီ။ နောက်တဦးဖြစ်တဲ့ ကျနော့်ကို ကိုစောလွင်နဲ့အတူ ထမင်းစားဖိတ်တဲ့ ကိုတင်ဝင်းကိုတော့ သူဖွင့်ထားတဲ့ "နဂါးနီဒန်ရောင်တင်လုပ်ငန်း"ကို အကြောင်းပြုပြီး နဂါးနီကိုတင်ဝင်းလို့ ခေါ်ကြပါတယ်။ သူက ပြည်သူ့တိုးတက်ရေး ပါတီထဲမှာလုပ်ဖူးပါတယ်။ ၁၉၈ဝ ခုနှစ်မှာ ကျနော့် မိဘများအဖမ်းခံရတော့ သူရော ကိုစောလွင်ပါ အတူတူ အဖမ်းခံခဲ့ကြရပါတယ်။ သူတို့ နှစ်ဦးစလုံးဟာ ကျနော့်ထက် အသက်လည်းအတော်ကြီး၊ နိုင်ငံရေးဝါလည်း အများကြီးရင့်တဲ့ သူတွေမို့ အခုလိုတကူးတကန့် ထမင်းဖိတ်ကျွေးတာကို အခုပြန်စဉ်းစားရင်တောင် ကြည်နူးမိပါသေးတယ်။ ထမင်းစား ပြီးတော့မှ သူတို့က ကိုကိုးကျွန်းတိုက်ပွဲတွေအကြောင်း၊ ကိုလေးမောင်အကြောင်း၊ ဗန်းမော်တင်အောင်-မြသန်းတင့် အကြောင်း စသဖြင့် မေးတော့တာကိုး။ မီးရောင်လေး မှိန်မှိန် အောက်မှာ ထမင်းဆီလေးတရစ်ရစ်နဲ့ ပြန်ပြောခဲ့တာကိုလည်း ကျနော်မှတ်မိနေ ပါသေးတယ်။ ကိုစောလွင်ကွယ်လွန်တဲ့သတင်းကို ကျနော်ကြားတာက ရှစ်လေးလုံးအရေးတော်ပုံကြီး အရှိန်ကောင်းနေချိန်၊ ဝနယ်၊ ပန်ဆန်းမှာ တာဝန်ထမ်းနေတုန်းမှာပါ။ ကျနော်တို့မှာ 'ဟာ' ကနဲဖြစ်သွားပြီး ဒီလို အချိန်မျိုးမှာမှ ဖြစ်ရဖြစ်ရပလေလို့ အောက်မေ့ပူဆွေးမိခဲ့ပါတယ်။ သူကွယ်လွန်တာက ၁၉၈၈ခုနှစ်၊ သြဂုတ်လ ၂ရက်နေ့မှာ ဖြစ်ပေမဲ့ ကျနော်တို့ဆီကို သတင်းရောက်တာက နောက်ကျပါတယ်။ သူက လူထုအုံကြွမှုကြီး ပေါက်ကွဲလုလု၊ အထွတ်အထိပ် ရောက်ကာနီးမှာ ဆုံးသွားရှာတာဖြစ်ပြီး ကွယ်လွန်ချိန်မှာ အသက်က ၅၆နှစ်ပဲ ရှိပါသေးတယ်။ သူကွယ်လွန်ပုံကြောင့်လည်း ပိုပြီးနှမျောကြေကွဲမိပါတယ်။ သူက အိမ်သုံးရေအတွက် ရေစက် နှိုးရင်း မတော်တဆဖြစ် ကွယ်လွန်သွားတာဖြစ်ပါတယ်။ အဲဒီနောက် ရှစ်လေးလုံး အရေးတော်ပုံကြီး အရှိန်ကောင်းနေတဲ့ ကာလအတွင်းမှာပဲ ကျနော်တို့ရဲ့ မြေအောက်လုပ်ငန်း ရဲဘော်တွေက ပို့ပေးလို့ မန ္တလေးက ရှစ်လေးလုံးဆင်နွှဲသူတွေရဲ့ တိပ်ခွေတွေရခဲ့ပါတယ်။ အဲဒါတွေကို ဖွင့်နားထောင်လိုက်တော့ ကိုစောလွင်ရဲ့ တိုက်ဖော်တိုက်ဖက်၊ ရင်းနှီးလှတဲ့ရဲဘော်ကြီးတွေဖြစ်တဲ့ ကဗျာဆရာကိုကြည်အောင်တို့၊ ကိုလေး(အင်းဝဂုဏ်ရည်)တို့ရဲ့ မိန့်ခွန်းပြောသံတွေ ကြားရပြီး "သြော်၊ သူသာရှိနေရင်" လို့ပဲ တွေးနေခဲ့မိပါတယ်။ တကယ်တော့ သူလိုလူမျိုးကို ပြည်သူလူထုက အမြဲလိုအပ်နေမှာပါ။ ဖိုးသံ (လူထု) ၂၀၀၉ ခု မေလ မာယာအွန်လိုင်းမဂဇင်းမှာ ဖော်ပြထားတဲ့ ဖိုးသံ(လူထု) ရဲ့ ဆောင်းပါးကို fb မိတ်ဆွေတို့အတွက် ဖော်ပြပေးပါတယ်။ Sunday, May 31, 2009 Dublin Core The Dublin Core metadata element set is common to all Omeka records, including items, files, and collections. For more information see, http://dublincore.org/documents/dces/. Title A name given to the resource Ko Saw Lwin Subject The topic of the resource Activist Description An account of the resource ကိုစောလွင် Source A related resource from which the described resource is derived ရဲဘော်ဖိုးသံချောင်း, Yebaw Po Than Joung Ko Aung Myint Oo (Ludu) Mandalay